Efesios 3:1 - Táurinakene máechejiriruwa’i ema Viya tikaijare

¹ Eta mawana'i ema Pablo naye'e ena machamuriana

Ignaciano

^1-2 Németeaca nuti ímatie­que­ne­haripa eta máetaviu­chirahi eta máemuna­si­rahehi ema Viya. Éma, tivane­canuhi níchuhaheya eti apava­sanana, mavarairahi éhicayare ema Machicha Jesucristo. Eta juca nucame­ta­rai­ruirahi eta eyehe, étara tiviuchanuhi puiti juca nucaera­tairahi. Nútisera nuyaseu­cha­he­paraca éti te nuyuja­ra­sirana.

Efesios 3:1 ပူးပေါင်းရင်းမြစ်များ

San Lucas 21:12

“Tatiwanumayaresera tipanajirika'eanayare eti. Tikarataka'eanayare, tiáma'eanayare te peti náurujisirarewa ena juriyuana, taka'e temerataka'eanainapa, tási'a, tiáma'eanaya te namira'u ena reyeana, te'epa te namira'u ena akenukana, ekaviurewayare táichavene'i eta é'isiranu'i.

Hechos 21:33

Taka'e, ema nakapitara ena suntaruana mapauchapa ema Pablo, makawanairipipa, náitiaka te apipi cadena. Tási'a, mayaserekapa te nája'a'ipuka, tája'apuka maviurewa'i.

Hechos 23:18

Tási'a, ema nakapitara mámapa ema amaperu maye'e ema nakenumuri ena suntaruana. Máichapa: –Ema máena makaeratakene Pablo tiyaseakanu'i nama eta piye'e ema maka amaperu. Juka'iji eta timetakaviya.

Hechos 26:29

Ema Pablo máichapa: –Tiúripana pisuapawane puítinaichu, yátupina. Éneichuware nuyaseakayare eta esuapiraina emutu eti apamuriana esamararakanuana'i, e'ikawane ema Jesús, tákuti'ini eta né'isira'i nuti. Wa'i ekukutinu eta né'isira'i, namapa'i eta juka cadena.

Hechos 9:15

Émasera ema Jesús máichapa: “Piyanachucha, taicha ema maka achane, nunerejiruichu'i, nuwanarayare'i ema, nuwanekayare makametarairu eta níjare naye'e ena achaneana apawasana te apanana awasareana étapa eta naye'e ena vijaneanana israelítana. Étapa naye'e ena ichapekeneana akenukana reyeana.

2 Corintios 1:6

Yátupikene ichape eta vikatajiwaira'i táichavene'i eta vímitusira'e'i eta máechejiriruwana ema Viya, viwaraira'i vétumecha'eyare apaesa iúchuku'ayare. Émapasera ema Viya tikurisamurecha'avipa taye'e eta vikamichira'i tamutu. Taicha ema, mawara'a'i ímatiekene'ayare eta makurisamurechira'e eti, apaesa árata'a tamutu jákani ekatajiwairana.

2 Corintios 10:1

Nuti Pablo, nuyaseaka'e eta ímatiranuína eta némunasira'e'i. Nukuti'i eta máemunaraiwa'i ema Cristo. Etiari'ipuka eti ímijacha'i népiyakawa'i nuri te emira'u; tási'a, te nuyere'i'eware, tétavikawa'iji eta nuwínarajiwa'i mapikauraira'anu'iji.

2 Corintios 11:23

Ena, tímijachawana'i mawanarana ema Cristo. Nútisera, jé'ewarekenenu'i mawanaranu'i ema. Eta juka nukaemataneasira'i me Viya, témestakanu'i, témeratakanu'iware. Éneichuware ichapemuri'i eta táimikapasiranuyare'ini.

Gálatas 5:11

Nuparapenaveana, te etainaicha'a'ini nukametarairu eta enasiraya eta ikutiarana, nemeteaka ena tikatichanuana'i waipa nakupanajirikanu'ini, taka'e te nukametarairupa eta maechejiriruwa eta taye'e eta maepenira te crusu ema Viakenu Jesucristo, waipa takuimiyusemaka'ini.

Gálatas 5:2

Esamanucha'a. Nuti Pablo nutupiruwa numetaka'e, te ísapawapuka naikutiaracha'e, tímikutijirikawa'i tépurukare'i eye'e ema Cristo, tímikutijirika'iware wa'i márata'a tikuchuku'a'e eti.

Gálatas 5:24

Taka'e, viti vé'ikanaipa ema Jesucristo, waipa víchaima'i eta tamaurikeneana'i tajamurachakeneana'i eta viáke'e taicha tamutuipa'i vikapaka.

Efesios 3:11

Taicha mawara'a'i natiari'iyare kamurianayare ena tisuapanayare yátupi. Eta táuriwayare eta náe'isira, tímereuchayare'i eta máetaviuchira'i eta máitupajijiasirawa'i ema Viya. Náramine'i ena akenukana'i tiávi'ana'i te anuma eta náimaira'i eta juka. Eta taka'e'i eta mámirapa'i ema Viákenu Jesucristo tamutu eta mapanereruana eta akane ema Maiya.

Efesios 3:13

Eta taka'e, nutuparaka'eya wa'i ekuinajikawa eta juka é'iru'i, wá'iware ekupika eta esamairisira'i eta nukaerataira'i táichavene'i eta nukametarairuira'i eye'e. Ewapinawasera eta nukamichira'i eta nátajiwana, taicha nuwara'a'i nímereka eta táetaviuchira'i eta némunasira'e'i.

Efesios 3:8

Wa'i németeakawa'ini nútinasami'ini manerejika, taicha narari'i'i ena títupajijiapanawana'i eta nuye'e, tijapanunu'isera ema Viya, nútisamipa manerejiru'i, mawaraira'i numetapana'e eta máichuira'e'i eti apana eti apawasana, eta ejakapiraya eta táurikakarekene víkuchi maicha ema Cristo, tétavikawaya eta viúrikakarewayare.

Efesios 4:1

Yátupi nuti témeratakanu'i puiti táichavene'i eta né'isira'i ema Viákenu, eta taka'e, nutuparaka'eya, takuija íchirawaina eta ítaresira te mamira'u ema Viya, taicha eti máichu'akene'eichu'i ema, mawaraira'i machanera'eyare.

Efesios 6:20

Ema Viya tiwanekanu'i, námayare'i eta máechejiriruwa, nukutiyare'i mákani achane embajador maye'e ema akenuka presidente. Eta tikaviurenu'i puiti eta naemeratasiranu'i. Taka'e nutuparaka'e eyujarauchanu, eyaseuchanu me Viya, máijarakanu'ini eta nutumewaina eta nukametarairuirayare'i eta Arairu maechejiriruwa.

Filipenses 1:7

Éneichuware nukasiñawa'i eye'e, taicha némunaka'e'i ichape emutu eti. Nukasiñawa'iware vikutikakaipa'i eta vijakapira'i eta maemunasira'avi'i ema Viya, tayanapane viyere'ikaka'ipuka. Étaipa te juka návi'a'i nukaerataiya'i. Étapa te nutupi'amirauchawaka ena tuparairukana, eta nukatiuchirayare'i eta Arairu maechejiriruwa ema Viya.

Colosenses 1:24

Puiti, nurisamure'i eta nukatajiwaira'i ichavene'i eti eta nukatupara'aira'i nukametarairu eye'e eti. Eta juka nukatajiwaira'i, tákuti'ini eta makatajiwaira'i ema Viakenu. Nukatajiwanumapaipa'i íchavene'i eti machichanaveana, eti vichamuriana'i.

Colosenses 4:18

Nuti Pablo, nútikene nájucha eta juka táichekuaraki'i eta najure taye'e eta némechejirisira'e'i. Eyaseasinanu eta núchukuirawanena te juka nukaerataiya'i. Nuyaseucha'eparaka me Viákenu, táetaviucha'ini eta iúrikakarewaya máicha.

Colosenses 4:3

Éneichuware ímikataka'avi eyujaraucha'avi, apaesa vítujikawapaini viúchuku'a, vímiyanawapaini vímimaticha'ini ena achaneana eta juka tayumururewaini'i maye'e ema Cristo. Étavene'i puiti nukaerataira'i táicha.

2 Timoteo 1:16

Nuyaseaka'isera ema Viya majapanuiraina ena machichanaveana ema Onesíforo, ticha ema ichape eta maitatiranu'i makurisamurechiranu'i, wa'i maimitsiri'a'ini eta taichavenena'ini eta navi'aira'i te juka nukaerataiya'i.

2 Timoteo 1:8

Eta taka'e, wa'i pikutsiri'a eta pikametarairuiraya eta máechajiriruwana ema Viákenu. Wá'iware pikutsiri'a eta táemeratasiranu'i, taichavene'i eta nukametarairuira'i nuti apana. Yátupina pikamicha eta pikatajiwairaya. Taicha ema Viya, ema tíjarakaviya eta pitumewaya eta pímiyanirawaya pikametarairu.

Filemón 1:1

Nuti Pablo nukaerata'i taicha eta né'isira'i ema Jesucristo, puiti nukachane ema Timoteo eta vikajureravira'i piti Filemón, vichamurivi'i vémunaruvikene'i taye'e eta vématanerepiana'i

Filemón 1:23

Téchejikavi ema Epafras, ema nuchamuri te juka nukaerataiya'i, tapresuchakene'iware ema apana eta vé'isira'i ema Jesucristo.

Filemón 1:9

tiuripana nuyaseakavi eta pemunaraiwa. Nuti, Pablo ichasinupa, nuti presunu'i maichavene ema Cristo Jesús,

Apocalipsis 2:10

Wa'i ekupika eta ekatajiwairaya, numetaka'e, ema wínaraji tímisiapa'eya te cárcel eta máitsamaresira'eya te tíminajika'eyarepuka, ekamichachuchasera, taicha diez sache eta ekatajiwairayare, nutuparaka'echa. Ejikapaikayare tayanapanepuka nakapaka'e nuti níjaraka'eyare eta táitsiwayare, tiúriyare eta ítaresiraya.