Efesios 2:19 - Táurinakene máechejiriruwa’i ema Viya tikaijare

¹⁹ Eta taka'e, tájinapa táeñamakare'ini, eta ejákapakarewa me Viya. Esiapamuri'apa naye'e ena machanerana ema. Tachicha'eipa eta máwasa anuma.

Ignaciano

¹⁹ Eta tacahe, tájinapa táeñama­ca­rehini eta ejaca­pa­careva eta viyehe viti machanerana ema Viya. Esiapa­mu­ri­ha­ha­vi­ripahi víti. Tachicha­heripa eta mávasa anuma.

Efesios 2:19 ပူးပေါင်းရင်းမြစ်များ

San Mateo 10:25

Mákani máimiture tiurisamureyare'i eta makutinasirayare ema maye'e maestro, tási'a ema mawanara makutiyare'i ema makenu. Émaipa ema achane tachutiri'a te mapena, naímijarecha'i Wínaraji, ¿taja'apuka nakayemayare eye'e eti nimiture'eana'i?

Gálatas 6:10

Táitusiawa, te tatiari'inapuka eta vikamunukarewana naye'e ena achaneana, te víma'a'ipuka eta nakamunuirawa'i, vítijiwayare víchayare eta táurikeneana naye'e. Tavetijipa te éna'ipuka tipaucha'aviana'i ena vichamuriana'i taye'e eta juka vé'iru'i, vikajiyare'i ena.

Efesios 2:12

échaichu'i kapeni juka tainapuisine, eti wicha'a imati'ini ema Viakenu Jesucristo, erajikawa'i taye'e eta mawasa Israel, tajinaware ímatiya'ini, etaipa eta maikure'avi'i ema Viya. Vijurupairuchucha te juka apake'e, tajina vimatiya'ini ema Viya, najinaware vikuchapakenena'ini.

Efesios 3:15

ema, táiyakene'i tamutu eta anuma. Émaichuware técha'i tamutu te juka apake'e.

Efesios 3:6

Ani taka'e'i eta juka tayumururewanaini'i: Eti apawasana, eti apanaware ejákapakare'iware maye'e ema Viya maicha ema Jesucristo, iúchuku'ayare táichavene'i eta é'isirayare eta vimetarairuana, esiapamuri'a'aviyare viti machanerana ema Viya, etamuri'avipa, vikutikakainapa eta víkuchi'i viti israelítana.

Filipenses 3:20

Vítisera tachanera'avi'i eta anuma, eta taka'e, vikunewaipa eta vikuchapira'i ema Viákenu Jesucristo tikatiura'ikene, mási'airaya te anuma.

Hebreo 11:13

Taka'e, namutu ena nani néchejisi'akeneana'i, tímiyanawana'i eta nasuapira'i ema Viya tamutu eta náitaresirana'i. Tétavikawa'i eta nakasiñawaira'i eta máitauchiraya eta máijararuwana'i. Te nawapureana, náima'apa eta náwasakeneyare'i, tiurisamureanapa, naecha'isera ena, eta juka apake'e, wa'i nawapaikaima'i ena, taicha naetavirupaichucha.

Hebreo 13:14

Taicha te juka apake'e, wa'i apajaraima'i eta viawasa'i. Víyana vitanuka eta viawasaya arairuyare. Tétavikawa eta vijamurachira'i viyápawane.

1 Pedro 2:11

Némunarukeneana nuparapenaveana, puiti tímikutijirikawa'i apawasa'e'ini, taicha iávi'aicha'a te juka apake'e. Eta taka'e, waipa táurika'ini ícha'ini eta tajamurachakeneana eta iáke'eana. Taicha eta, tawara'a'i tákamitiekene'a eta iáchanewana.

1 Juan 3:1

Íma'a, tétavikawa eta máemunasira'avi'i ema Tata Vikaiyakene, tímijarecha'avi'i machichanaveana. Puíti'ipa yátupikene'i machicha'avipa'i. Énasera ena apamuriana achaneana wicha'a nákaikutiara'ini eta makachichaira'avi'i ema Viya, taicha wicha'a náimati'ini eta máemunaraiwa'i ema.