Efesios 2:17 - Táurinakene máechejiriruwa’i ema Viya tikaijare

¹⁷ Eta tímiteka'i ema Jesucristo, timetapana'avi'i eta táurinakene echéjirirukawa eta najakapakarewaya namutu ena achaneana. Ema, tiúricha'aviyare'i maye'e ema Viya vimutu, viti vínapukana'i vímati eta máechejiriruwana, étipa eti epaenumawa'i ímati eta máechejiriruwana.

Ignaciano

¹⁷ Eta tímitecahi ema Jesucristo, timeta­pa­na­havihi eta táurinaquene echaji­ri­rucava eta najaca­pa­ca­revaya namutu ena achaneana. Éma, tiúricha­ha­vi­yarehi mayehe ema Viya vimutu: viti vínapu­canahi vímati eta máechaji­ri­ruvana, étipa eti epaenu­mavahi ímati eta máechaji­ri­ruvana.

Efesios 2:17 ပူးပေါင်းရင်းမြစ်များ

San Mateo 10:13

Te tiúriana'i ena achaneana tikapenana'i eta peti, ímiyanawa eyaseuchayare eta náurikakarewaina. Té'esera te wa'i nakuri, wa'i eyaseuchaima'i.

San Lucas 15:8

“Taka'e, ¿naja'apukaini esu esena, tikaye'e'i eta diez reale, te témitiyechapuka eta etape, sutanusirayare, suyustakainapa eta sumika'u. Supi'ikainapapuka tamutu te taju'e eta supena sukamesayare'i suichimawa?

San Lucas 2:14

“¡Tétávika vikunachira'i ema Viya vimutu viti viávi'ana'i te anuma! ¡Jé'eware puiti, tiúrikawanainapa ena achaneana te juka apake'e, ena manerejiruana'i makatajiruana'i ema Viya!”

Hechos 10:36

Taicha ema Viya makaitekapa'i eta máechejiriruwa viye'e viti israelítana. Vimetakawakayare nákani tikasiñawana'i maye'e ema Jesucristo. Émara Viákenu vimutu.

Hechos 2:39

Taicha ema mawara'a'i tíjaraka'eyare emutu eti, énapa ena echichanaveana énapa ena apawasana, namutupa nákani manerejiruana'i máichu'akeneana'i ema Viya.

Romanos 10:14

Tási'a, ¿Waipaine'i napiarakaima'i taicha ena wa'i nasuapa'ini ema Viya? ¿Waipane'iware nasuapaima'i ema, taicha wa'i nasama'ini eta maechejiriruwa ema, tási'a waipaine'i nasamaima'i taicha najina nakametarairu'ini eta maechejiriruwa ema Viya?

Romanos 5:1

Puíti'ipa vijakapakareipa me Viya, táichavene'i eta vikasiñawaira'i eta maye'e. Waipa vipikakarakawa'ini eta víkuñayare'ini, taicha ema vímikuñaru'i ema Viákenu Jesucristo.

2 Corintios 5:20

Taka'e, víti mawaneru'avi'i ema Cristo víchu'awakayare'i namutu. Tímikutijirikawaipa émakenena'ini máechejikawaka'ini ema Viya. Puiti viyaseakawaka'i namutu nakasiñawa maye'e ema Jesucristo; wáipaware tipikakarakawanaima'i eta náikuñaya'ini.

Efesios 4:21

Taicha németeaka yátupi'i esamararaka'i eta maímitusira'e'i. Ímatipa'i eta táurikeneana'i yátupikeneana'i tási'akeneana'i maye'e ema Jesucristo.