Efesios 2:15 - Táurinakene máechejiriruwa’i ema Viya tikaijare

¹⁵ Makaepa'aipa tamutu eta taichakeneana'i eta wanairipiana, táichavene'i eta apawasana'avira'i. Táitusiawa tiúricha'avipa vimutu maye'e ema Viya.

Ignaciano

^15-16 Eta máijara­re­sirahi eta máquehe te crusu ema Jesucristo, macaepa­ha­ri­pavare eta tapami­si­ra­havini véhica eta vanairipiana étapa eta nayehe­repiana tipicau­cha­careana. Puiti, vaipa étapa­ra­cai­nahini eta viúchucuiraya. Éneri­chuvare macaepa­haripa tamutu eta vicátia­na­ji­rí­si­ra­ca­cáinihi táichavenehi eta apava­sa­na­ha­virahi. Puiti vimutu viti véhicanahi ema Jesucristo, étamu­ri­ha­vi­ripahi máicha. Tájina víchira­vaimahi. Táitusiava tiúricha­ha­viripa vimutu mayehe ema Viya.

Efesios 2:15 ပူးပေါင်းရင်းမြစ်များ

2 Corintios 5:17

Puíti'ipa viti viúrujiakana'i ema Cristo, apana'avipa. Vínajikaipa eta viye'erepini'i tamaurikeneana. Tamutupa arairu'i puiti eta viye'erepiana.

Gálatas 3:10

Natiari'isera ena tímijachawana'i tijakapakareanayare me Viya táichavene'i eta nawaraira'i náitamuturuka eta wanairipiana étasera eta Ajureka ani taka'e: “Tamutu sacheana ítauchayare tamutu eta juka wanairipiana, te éjeki'a apaesachichaina, eta tímikuñaka'eyare.”

Gálatas 3:28

Tayanapane apawasasajiana'e eti, tayanapane'iware ekasirikikíji'i eti ajairana, ena esenana, tayanapane'iware músuanapuka, wa'inenipuka musuanaina, té'esera te mamira'u ema Viya, étanaichu'i eta víma'i.

Gálatas 6:15

Tajinapa taichakenerepina eta vinakapuka wa'ipuka eta vikutiarana eta te viake'eana. Étasera eta tiuripana veperajikaya, étara eta táepanirawa'i arairu eta vítaresira.

Efesios 2:10

arairuinapa eta vítaresira maicha ema Viya, émaichuware tikajuruka'avi eta vé'isira'i ema Jesucristo, mawaraira'i víchayare eta táurikeneana, eta víchira'i, vítaucha'i eta mapanereruana akane.

Efesios 2:14

Éneichuware, étavene'i eta viúrujiasira'i ema, ti'étamuricha'avipa'i vimutu, eti apawasana, vítipa israelítana. Waipa víputsimuriawawaka'ini. Tímikutijirikawaipa'i étanaine'i eta viúchusine. Makaepa'aipa'i eta vikatianajirisirakakaini'i.

Efesios 2:16

Eta máijararesira'i eta máke'e te crusu ema Jesucristo, makaepa'a'i eta tapamisira'avini vé'ika eta wanairipiana, étapa eta naye'erepiana. Puiti vimutu viti vé'ikana'i ema Jesucristo étamuri'avipa máicha.

Efesios 4:16

Ema viákenu Jesucristo ema'i ema tikurujika'i ena vichamuriana, nímikuticha'e'i eta viáke'e, kamuri' eta táunawa'i eta viáke'e; étanaichu'isera, tatiari'isera taematanepachu, tiuri'isera eta takaematanera, ene taka'e'i eta vikaemataneasirayare, taye'e eta maijararu'avi'i vitukakenepachu.

Colosenses 2:14

Ema Viya, makaepa'apa eta vitapirawanaini, eta tiviucha'avini'i viti, eta tapamisira'avini'i vicha eta taye'erepiana. Makaepa'apasera tamutu eta maepenira'i te crusu, eta vipekaturanaini timikuñaka'aviyare'ini.

Colosenses 2:20

Etisera épenaipa'i maye'e ema Cristo waipa etaina'ini esuapa'ini eta tajiparakana taye'e te juka apake'e. ¿Taja'a takayema icha eta tamaurikeneana takutipa ena maecharaireanate juka apake'e.

Colosenses 3:10

puíticha, amairi'apa arairupa eta juka ítaresira'i machicha'eipa ema Viya: tajurukapaipaini eta ekutirayare ema eta masantuwa'i étapa eta máuriwa'i ema.

Colosenses 3:11

Tayanapane apawasananaji'avi'i viti vé'ikana'i ema Viákenu, émasera ti'etamuricha'avipa viti israelítana, étipa eti apawasanana, énapa ena máikachasianana, te mamira'u ema Cristo, waipa apawasananaji'avina'ini, étanainepa eta víma'i maicha ema, tayanapane tájina ikutiaraina te iáke'eana, wá'isera tikachuriaka'eanaima'i ena tinakana'i eta naikutiarana te nake'e, tayanapaneware ekakenu'ipuka, wá'iwaresera vikachuriaka'ema'i viti wa'i musu'avina, ema Cristo tiáwa'aka'avi'i vimutu.

Colosenses 3:15

Ísapawaware maye'e ema Cristo makanaraka'e tamutu eta epanereruana, taicha taka'e'i eta máichuira'e'i, mawara'a'i etanayaréichu'i eta epanereruana eta iúrujiasirakaka'i. E'asulupayacha'iwaréni tamutu sácheana.

Hebreo 7:16

tási'a, vímatiekene'a'i puiti ema tikatupara'a'i ema Jesús táichavene'i eta máitaresirayare máitawakaka'i. Wa'i étaparakaina'ini eta nája'a'ipuka ema máchukaini'i.

Hebreo 8:13

Taka'e, ema Viya, te máechejisi'a eta Arairu maechejiriruwa, tépa'aipa'i eta táinapureni'i. Eta táemitiaruipa'i. Waipa tasuapakare'ini.

Hebreo 9:23

Taka'e, eta juka naemamakasareana'i ena nani, takamunu'i náepusasakayare'i eta nayujarasirayare'i apaesa tapachinawaka'ini. Náikutipakeneana'i eta tiávi'ana'i te anuma. Étasera eta Santuario tiávi'a'i te anuma, takamunu'i eta apana iti tasiwachakene, takachurikayare'i eta iti náepusasaru'i taye'e eta santuario te juka apake'e.