Efesios 2:12 - Táurinakene máechejiriruwa’i ema Viya tikaijare

¹² échaichu'i kapeni juka tainapuisine, eti wicha'a imati'ini ema Viakenu Jesucristo, erajikawa'i taye'e eta mawasa Israel, tajinaware ímatiya'ini, etaipa eta maikure'avi'i ema Viya. Vijurupairuchucha te juka apake'e, tajina vimatiya'ini ema Viya, najinaware vikuchapakenena'ini.

Ignaciano

¹² Éti, cape juca, tájina ímati­yahini eta máimitu­ra­pianahi ema Jesucristo. Vuíchahavare ímatihini eta iúrica­ca­re­va­yarehi táichavenehi eta matratune ema Viya viyehe viti israelítana, taicha ticaera­ji­ca­heanahi te vimuri. Vuíchahavare ímatihini eta ícuchia­nayare máijara­ru­heanaya ema Viya. Eta tacahehi, éti ímijachaipa vahi ejaca­pacare eta mayehe. Vuíchahavare ácasi­ña­vahini eta mayehe.

Efesios 2:12 ပူးပေါင်းရင်းမြစ်များ

San Lucas 1:72

taicha ema majapanuirawakayare'i ena viáchukanaveanaini tási'a wa'i maemitisikaima'i eta matratune'i.

San Juan 10:16

Narari'iware ena apamuriana nuchanerana. Wá'isera ánina nakawasa. Nukurujikawakayaresera, népanayarewa. Tisuapanuanayarewa, etanayaréichuwa eta náumuriwa. Nukarinenapa nuti néchawaka.

San Juan 15:5

“Nuti nukuti'i eta táenaki'i eta uva. Eti tímikutijirikawa'i nutawa'e'i. Te ímiyanawa iúrujiakanu, ichapemuriyare'i eta ekaemataneasiranuya. Té'esera ákarichu eti, tájina erata'akenéma'i ícha.

San Juan 4:22

Eti wa'i ímati ema eyujaraure'i, vítisera vímati'i ema, taicha eta máechejiriruwana ema Tata, eta makuchukuirayare namutu ena achaneana tikasiñawana'i maye'e.

Hechos 2:39

Taicha ema mawara'a'i tíjaraka'eyare emutu eti, énapa ena echichanaveana énapa ena apawasana, namutupa nákani manerejiruana'i máichu'akeneana'i ema Viya.

Hechos 28:20

Eta taka'e, nímichu'a'e'i nuwara'a'i, numetaka'e eta juka níchawakenewa'i. Tikaviurenu'i eta né'isira'i ema Cristo, ema vikuchapakene'i viti israelítana, eta tímitiakanu'i puíticha te juka cadena.

Hechos 3:25

Ánakiapaicha'a, ema Viya mametakaipa ema viáchukaini Abraham, ánipa maka'e: ‘Nunerejikayare ema émana piámariekene tiúchukayare. Ema, tíjarakaya eta táuriwaya eta náitaresiraya namutu ena achaneana te juka apake'e.’ Puiti títauchawaipa eta juka máechejiriruwa'i ema Viya. Tási'a puiti, eti tituparaka'e'i ínapukayare ejákapa eta máijararu'eya ema.

Romanos 9:8

Etajuka tímimaticha'avi'i, eta nájina emanaina machichaina'ini ema Viya, tayanapane nachichanaveanaina ena apánapanenejiana achaneana; wa'i etaparakaina, enasera ena yatupikeneana machichanaveana nákaini titauchana yatupi eta maechejiriruwa ema Viya. Enasera yatupikeneana mamairiekeneana.

Gálatas 4:8

Kape juka iásinekene'i eti, wicha'a ímati'ini ema Viya, wá'iware epikaucha'ini ema, énachucha epikauchawaka'i ena esiñarajiana, wa'ineni viyanaina'ini.

Efesios 2:19

Eta taka'e, tájinapa táeñamakare'ini, eta ejákapakarewa me Viya. Esiapamuri'apa naye'e ena machanerana ema. Tachicha'eipa eta máwasa anuma.

Efesios 4:18

tétavikawa'i eta tamapikuwa'i. Máecharaireana'i ena, táichavene'i eta tamurakawa'i eta nasamureana. Wá'ikene nawara'aima'i napaucha ema Viya apaesa makanarakawaka'ini ena.

Colosenses 1:21

Eti, kape juka iásinekene'i ekatianakaini'i ema Viya. Wa'i táuri'ini eta epanereruana, taicha eta íchira'i eta tamaurikeneana'i.

Colosenses 1:27

Tétavikawa'i táramikarewa'i maicha ema Viya eta máimimatichira'avi'i eta juka tayumururewaini'i ímitukasiwa'i puiti eti apawasanana'i. Eta juka, éma'i ema Jesucristo títekapaucha'eipa'i tiáwa'aka'eipa. Puiti, ejákapakarepa me Viya. Ekunewainapa maicha ema Jesucristo eta esiapiraya te máwasa anuma.

Colosenses 1:5

taicha ekuchapawainapa eta esiapiraya taye'e eta máwasa anuma ema Viya. Viúrisamurewa'i eta visamairisira'i eye'e, Ichape eta viúrisamurewa'i eta táuriwa'i esama eta metarapi, eta yátupikene máechejiriruwa ema Viya

1 Tesalonicenses 4:13

Nuparapenaveana, éneichuware viwara'a vimetaka'e eta náichararakawayare ena vichamuriana náepenakeneanaipa. Wa'i ekukatisamurewa naye'e. Ena apamuriana achaneana tikatisamurewanapa te náekarapana ena náepenakeneana, taicha wa'i nákasiñawa'ini me Viya. Wa'i ekuka'e eti.

1 Tesalonicenses 4:5

wa'i ekukutipa ena ajairana esenamareana. Ena náicha'i eta juka, taicha eta namaimatira'i ema Viya.

2 Tesalonicenses 2:16

Nuparapenaveana, tétavikawa'i eta máemunasira'avi'i ema Viákenu Jesucristo, émapa ema Tata Vikaiyakene. Tayanapane wa'i viúri'ini, énasera nawara'a'i tikurisamurecha'avianaya. Tási'a, vikunewainapa eta viúrikakarewaya, máichekuarakirenapa náicha,

1 Timoteo 1:1

Ema Pablo maye'e apústule ema Jesucristo. Mawanekasiwa'i maye'e ema Viya. Makatiura'ikene'i viye'e, émapa ema Viákenu Jesucristo, ema vikunekene'i eta mápechirawayare tichawa,

Hebreo 11:34

makaema'a'iware eta táijurekene yuku. Ena apamuriana, makuchuku'awaka'i eta naepenira, nawara'a'i náechatinukawakayare'i. Narari'iware ena matumera'ana'i, máetumechawaka'i. Ena, tétavikawa eta náitupajijiasirawapa'i eta nae'akakairapa'i, náita'awakapaipa eta ichapekeneana ejército ena nánarana'i.

Hebreo 6:18

Tímatikare'i eta máuriwa'i ema Viya waipaina'i maitsiwachaima'i eta maijarasirawa'i eta maitauchirayare'i eta maechejiriruwa wa'iware tiwayuaraka'avima'i, taicha tijaraka'avi'i eta vitumewayare'i etapa eta makurisamurechira'aviyara'i viti vitanukana eta makatiuchira'aviyare'i ema Viya etapa eta vikasiñawaira vikuchapirayare eta maichakene'i.

Hebreo 8:6

Émasera ema Jesús, tiúripana'i eta máematanerepi taicha te anuma eta máechejiuchira'avi'i, ema, téchejiura'i taye'e eta arairu matratune ema Viya, eta arairu matratune, tiúripana'i eta táinapure'i, taicha tétavikawa'i eta viúrikakarewayare'i taicha máijaraka'i eta máechjjiruwa ema Viya.

1 Pedro 1:21

Éneichu táichavene'i eta é'isira'i ema Cristo, ímatipa puiti ema Viya, ema tikaechepuka'i ema Machicha te máekari. Puíticha téjakaipa ema te máwakure'i te anuma. Eta taka'e, tétavikawaine'i eta ekasiñawaira'i maye'e ema, ekuchapawaipa eta maijararu'eyare ema Viya.

1 Pedro 1:3

Tétavikawa'i eta vikunachira'i ema Viya, Makaiyakene ema Viákenu Jesucristo, tétavikawa'i eta majapanuira'avi'i, tepanawa'i maicha eta vitaresira eta machavira'i titareka ema Viákenu Jesucristo. Eta juka yátupikenepa eta viuchukuiraipa,

1 Pedro 3:15

íjarakawasera yátupi eta é'isira ema Viákenu. Te nayasereka'epuka eta takayema'ipuka eta é'isira'i ema Cristo, táuri eta ejikapirawaka taye'e eta ekuchapakene.

1 Juan 3:3

Tási'a, vimutu víti vikunewayare eta vikutiraya ema Jesucristo, puiti wákutikaka viúri'ini tákuti'ini eta máuriwa'i ema.