Efesios 2:10 - Táurinakene máechejiriruwa’i ema Viya tikaijare

¹⁰ arairuinapa eta vítaresira maicha ema Viya, émaichuware tikajuruka'avi eta vé'isira'i ema Jesucristo, mawaraira'i víchayare eta táurikeneana, eta víchira'i, vítaucha'i eta mapanereruana akane.

Ignaciano

¹⁰ Arairuinapa eta vítaresira maicha ema Viya. Émari­chuvare ticaju­ru­cahavi eta véhisirahi ema Jesucristo, mavarairahi víchayare eta táuriqueneana. Eta víchirahi, vítauchahi eta mapane­reruana ­ acane.

Efesios 2:10 ပူးပေါင်းရင်းမြစ်များ

San Mateo 5:16

Ene eka'eyare eti, ímerekayare eta ejaraiwayare naye'e ena achaneana, apaesa eta náimairaina'i eta táurikeneana íchakeneanayare, ena apanaware nakunachayarepa ema Tata tiávi'a'i te anuma.

San Juan 3:21

Énasera ena tisuapana'i yátupi eta máechajiriruwa ema Viya, náurikayare'i napaucha eta majaraiwa. Jé'esare tikaecheranasarepa eta machaneranaripa'i ema Viya.”

Hechos 9:31

Taka'e, tiúrikawanapa ena náumuriwana ena té'ikana'i ema Jesús tiávi'ana te apanana awasareana taye'e te Judea, te Galilea, étapa te Samaria. Tási'a, tétumechakakana'i eta náimiyanirawaya napikauchiraya ema Viákenu. Máimikatamuri'a'iware ema Machanewa ema Viya. Eta taka'e, kamurianapaipaware ena té'ikana'i.

Hechos 9:36

Te jena sácheana'i, sutiari'i esu esena tikaijaru Tabitá, te naéchejiriruwa griego eta takayemakene'i Dorcas. Esu, tikawasa'i eta te awasare Jope. Ésuichu'iware té'ika'i ema Jesús. Eta suítaresira'i esu suka esena, sukajiwaka ena páureana eta suíma'akeneana.

Romanos 8:1

Puítisera, viti viáwa'akanaipa'i ema Jesucristo, waipa vikaikuñáima'i.

Romanos 8:29

Akaneipa'i eta máimatira'avi'i, tinerejika'avipa machicha'aviyare'i. Mawara'a'i ema vikutiyare ema Machicha Jesucristo eta máuriwa'i. Tímikutijirikawayare'i viparapeya ema, véchavimuri'i eta makachichaira'avi'i.

1 Corintios 3:9

Víti mamusura'avi'i ema Viya, eti ekuti'i eta sukurekana eta makajurusira'e'i ema Viya, ekuti'iware eta makaemataneasira eta petiyare maepiyaru ema Viya. Eta é'isira'i ema Jesús takuti'i eta náepiyasira'i eta ichapekene peti.

2 Corintios 5:17

Puíti'ipa viti viúrujiakana'i ema Cristo, apana'avipa. Vínajikaipa eta viye'erepini'i tamaurikeneana. Tamutupa arairu'i puiti eta viye'erepiana.

2 Corintios 5:5

Taka'e, ema Viya tamutu'i máikucha eta táichararakawayare te apana vítaresira. Puiti tíjaraka'avi'iware ema Machanewa Viya. Émapa títametaka'aviparaka eta vijakapirayare eta víkuchiana'i.

2 Corintios 9:8

Ekasiñawaya yátupina maye'e ema Viya, taicha ema, tétavikawa'i eta máitupajijiasirawa'i, mawara'a'i tíjaraka'eya tamutu eta ekamunukeneana, waipa échuri'aima'i maicha ema, ekaye'enasarepa eta ímikatasirawakaya nákani apamuriana tikamunuwana'i.

Gálatas 6:15

Tajinapa taichakenerepina eta vinakapuka wa'ipuka eta vikutiarana eta te viake'eana. Étasera eta tiuripana veperajikaya, étara eta táepanirawa'i arairu eta vítaresira.

Efesios 1:1

Nuti Pablo, maye'enu'i apústule ema Jesucristo, taicha manerejirunuichu'i ema Tata Vikaiyakene, nawaraira'i nímitukaya ena achaneana eta máechejiriruwana, tási'a puiti, nukajure'e eta juka carta eye'e eti nuchamuriana ekawasana'i taye'e eta awasare Éfeso, taicha eti machanera'eipa ema Viya, táurikene'i eta é'isira'i ema Jesucristo.

Efesios 1:4

Akane, te tamira'u eta táepanirawapa eta apake'e, ema Viya tinerejika'avipa maye'e ema Machicha Jesucristo apaesa vitinapa machaneranayare ema, eta taka'e tajinainapa eta vipekaturaina,

Efesios 2:13

Puítipasera eta é'isira'i ema Jesucristo, iúrujiakaipa'i. Taicha ekasiñawa'i eta máepenina'e'i. Puiti waipa eyere'i, ekachakayapa maye'e ema Jesucristo.

Efesios 2:15

Makaepa'aipa tamutu eta taichakeneana'i eta wanairipiana, táichavene'i eta apawasana'avira'i. Táitusiawa tiúricha'avipa vimutu maye'e ema Viya.

Efesios 2:2

kape juka ítaresira'i eti, e'ika'iware eta taye'erepiana eta apake'e, tamaurikeneana'i. Esuapa'iware eta mawara'akeneana ema wínaraji, ema mapamikawaka'i ena achaneana masuapajiraira'ana'i me Viya.

Efesios 2:6

Puiti, eta viáwa'asira'i ema Cristo, yátupi'i eta véchepusiraya, vikaikuchipa eta makaejasira'avinapa taye'e eta viáwakureyare te anuma.

Efesios 4:1

Yátupi nuti témeratakanu'i puiti táichavene'i eta né'isira'i ema Viákenu, eta taka'e, nutuparaka'eya, takuija íchirawaina eta ítaresira te mamira'u ema Viya, taicha eti máichu'akene'eichu'i ema, mawaraira'i machanera'eyare.

Efesios 4:24

Tási'a, apanainapa eta ítaresiraya. Yátupi eta ekake'eraina ema Viya, ákutini ema eta máuriwa'i.

Filipenses 1:6

Ema Viya, tétavikawa eta máurichira'e'i eta ítaresira kape juka. Nuti, tétavikawa'i eta nukasiñawaira'i maye'e eta máimiyanirawaina eta máurichira'eyare, mawaraira'i iuri eta machimapira'eya ema Jesucristo te jena sache machavirayare.

Filipenses 2:13

ema Viya, émaichu'i ema tinaka'i te esamureana eta ewarairayare ekurisamurechayare ema; tiáwa'aka'eware eta ítauchirayare tamutu. Takuija táemitiekene'a'ini eta tapachinawa'i eta iáchanewana.

Colosenses 1:10

Víti viyaseaka'i ema Viya takuija'ini etapirawaina te mamira'u taicha eti machanera'e'i ema, ítaucha'ini tamutu eta ekaurisamurechirayare ema, táuri'ini eta ekaemataneasira'i, támutu'ini ítapara'a eta táurikeneana, iápajukawapáipa'iwaréni eta ímatirayare ema.

Colosenses 3:10

puíticha, amairi'apa arairupa eta juka ítaresira'i machicha'eipa ema Viya: tajurukapaipaini eta ekutirayare ema eta masantuwa'i étapa eta máuriwa'i ema.

2 Tesalonicenses 2:17

esamawaini eti eta nakurisamurechira'e te esamureana. Náetumechawareni eta ímiyanirawaya icha eta táurikeneana, táuri'iwareni eta échejirisirawana.

1 Timoteo 2:10

Étaipa náurinawa'i yátupikene'i, eta náimeresirawaina eta yátupina náe'isira'i ema Viya, náichirainaware eta táurikeneanapa.

1 Timoteo 5:10

Ésupa súkani tímatikare'i eta táuriwana'i eta suématanerepiana. Súkani tiúri'i eta sukajurusira'i ena suchichanaveana. Súkani tijakapara'i te supena naye'e nákani tichimarachanapa'i. Súkani tiuri eta suéchapajirisira ena vichamuriana. Súkani tamutu'i suítapara'a suicha eta táurikeneana.

1 Timoteo 5:25

Ene taka'e'i, narari'i ena tímatikareanawane'i eta náichira'i eta táurikeneana'i, narari'iware ena takamunu'i eta pikasamairunuma, wa'i tikaecherawane'i eta naichakeneana tamutusera eta juka timerekawayare.

1 Timoteo 6:18

Taka'e, ena vichamuriana ríkuana'i, pímitukawakaicha'aware eta náuriwainaicha, náimikatara'i ichape taye'e eta ematanekana. Nájapanura'i nakajira'i naye'e ena tikamunuwanapa'i, tátupiruwa te nasamure eta náijarasiraina.

2 Timoteo 2:21

Eta taka'e víti, ichape eta vijaneasirawayare taye'e eta tamaurikeneana. Yátupiyare'i eta vikamunukarewaina maye'e ema Viya, vítauchirayare'i eta vikaemataneasira ema. Jé'esare, ichapenapa eta vimunawayare'i maye'e.

2 Timoteo 3:17

Taka'e, ena vichamuriana máwa'aruana ema Viya téchemara'ianayare'i, yátupi náitukayare'i tamutu eta náichiraya eta táurikeneana.

Tito 2:14

Ema, máepenina'avi'i, mawaraira'i makaichepaikaya tamutu eta víchira'i eta tamaurikeneana'i. Máepachinachayare tamutu eta tamaeperajiwana eta viáchanewana. Taicha mawara'a'i machanerakene'aviyare. Taka'e, puiti vichaya eta táurikeneana.

Tito 2:7

Tamutu eta juka, pinakipairuyare píti eta piúriwaina, apaesa étaina náe'ika ena vichamuriana eta piúriwa'i píti. Etanaichu eta pímiturapiya, wa'i pi'apapikaima'i eta pímitukasiwa'i. Wá'iware pikuitsiwacha. Tapikauchakare eta pímituresiraya,

Tito 3:1

Pémechayarewa ena vichamuriana eta nasuapiraina ema ichapekene'i akenuka, tási'a, énapa ena tuparairukana. Énerichu pémechaware ena vichamuriana énaina nápajukawa eta náwanakare taye'e jákani emátanekanaya.

Tito 3:14

Pímitukayare ena vichamuriana eta achanesamurewakaina, máejerarena eta nakajiraiwaina naye'e ena achaneana, yátupina naitaucha eta nakamunukarewana'i.

Tito 3:8

Etasera eta juka yátupikene'i tasuapakarewa eta juka vímitukasiwa'i, eta juka néchejisi'akeneana'i puiti, nuwara'a pímitukayare tamutu sácheana apaesa náimiyanawa naicha eta táurikeneana ena vikutikeneana tisuapajira'iana me Viya. Tétavikawa'i táuriwa eta vímiturapiana, tájina táichirawaina, taicha eta juka tíjarakara'i eta náuriwaya naye'e namutu ena achaneana.

Hebreo 10:24

Puiti vikamesawa eta vétumechawayare vímikatajirikakayare eta tápajusirawaina eta vémunaraiwanaya, vímitukakayarewa eta víchirayare eta táurikeneana.

Hebreo 13:21

Ema Viya, máimikataka'e'ini ítaucha tamutu eta mawara'akeneana, íchira'i eta táurikeneana apaesa ekurisamurecha'ini ema, tamutu eta ítaresira eta é'isira'i ema Machicha Jesucristo. ¡Máitawakakayare eta vikunachira ema Cristo! Amén.

1 Pedro 2:12

Iúri'isera eta ekachaneraicha'a ena achaneana te juka apake'e máimatira'ana'i ema Viya. Tayanapane nakatianaka'e, naechejika eta eye'e, ekuti'i ena máuritaresirana náicha'e. Ímerekayaresera eta iúriwa'i apaesa ena nakunachayare ema Viya, nawara'ainapa náe'ika ema, taicha náima'a'i eta táuriwa'i eta ítaresirana'i.

1 Juan 1:7

Té'esera yátupina eta visuapira eta mawanairipiana, vinasi'ichu'i eta te majaraiwa'i ema Viya, takuti'i eta manasiraichu'i ema eta te majaraiwa'i. Tási'a, eta vinasiraichu'i eta te majaraiwa'i, viúritarekayare'i eta viúrujiusirakaka naye'e ena vichamuriana. Éneichuware máepachinachayare tamutu eta vipekaturana, taicha te tépenapa ema Jesucristo Machicha ema Viya, máepusaika'i eta máitine eta máepachinachira'aviyare'i.

1 Juan 2:6

Ema tika'eana viti viáwa'aka ema Viya, tási'a, takamunu'i eta táuri'ini eta naitaresiraina'ini tákuti'ini eta táuriwa'i eta máitaresira'i ema Jesucristo.