Efesios 1:9 - Táurinakene máechejiriruwa’i ema Viya tikaijare

⁹ Taka'e timimaticha'avipa eta mapanereru'i maunaru'i te vuicha'a maitaucha'ini, taka'e mawanekapa ema machicha Jesucristo mawaraira'i maitauchayare'i eta mawara'akene maicha.

Efesios 1:9 ပူးပေါင်းရင်းမြစ်များ

San Mateo 13:11

Ema Jesús májikapawakapa: “Émasera ema Viya timimaticha'e eti, eta juka maeñaure'i te mawasa ema Viya akenuka te anuma, énasera ena apamuriana achaneana wa'i maitametakawakaima'i.

San Lucas 12:32

“Wa'i ekupika, eti nuchichanaveana; tayanapane wa'i kamuri'ena, eti máichu'akeneana'i ema Ekaiyakene'i. Eta taka'e, tétavikawa'i eta mawapinairawa'i eta majakapira'e'i.

San Lucas 2:14

“¡Tétávika vikunachira'i ema Viya vimutu viti viávi'ana'i te anuma! ¡Jé'eware puiti, tiúrikawanainapa ena achaneana te juka apake'e, ena manerejiruana'i makatajiruana'i ema Viya!”

Hechos 13:48

Te nasamapa eta juka ena, apawasana, tiúrisamureanapa, tási'a, naka'epa Tétavikawapa táurinawa eta juka máechejiriruwa ema Viya; énerichuware, nasuapapa ena máichu'akeneana'i ema Viya eta náitaresiraya máichekuarakireya te táekenenapa eta náepeniraya.

Hechos 2:23

Emara ema maka achane, eta taitauchirawaya eta mapanereruana mawara'akene maicha ema Viya, eta taka'e, máisapa'i eta íjararesira'i ema Machicha naye'e ena wínarajikeneana achaneana, ema, émetataru'i te crusu, ema, ímikaparu'i.

Hechos 4:28

Títauchawa'i naicha eta juka pipanereruana etairayare'i taka'eyare'i eta péchejiriruwana.

Romanos 11:25

Nuparapenaveana, nuwara'a numetaka'e eta juka tayumururewaini'i, máimimatichakenenu ema Viya. Eta namurakasamurewa'i ena nujaneanana. Té'esera námutupa nasiapa ena apawasana manerejiruana'i, napaenumawainapa ena nujaneanana náesenikayare ema Viya.

Romanos 8:28

Véchaipa'iware tétavikawa'i eta majaneasira'avi'i ema Viya vimutu viti vémunakana'i ema. Tayanapane vikatajiwa'ipuka, ema tamutu'i tiuri máicha. Títauchawayare eta mapanereruana ema eta viúrikakareyare'i eta máichuira'avi'i.

1 Corintios 1:21

Tamutusera eta mapanereruana'i ema Viya, tétavikawa'i eta tapachinawawaka'i. Narari'i ena tisuapanapa'i eta maechejiriruwa. Tayanapane ena apamuriana náimijacha'i súnsurupiana'i eta maechejiriruwa. Ena nani achaneana, tamapuruji eta náechemaraiwana'i, taicha wa'i táimimatichawaka'ini me Viya.

Gálatas 1:12

Wá'isera nímitukasiwaina'i maye'e mákani apana achane nukutikene'i apústule, émakene'i tímitukanu'i ema Jesucristo.

Gálatas 1:15

Námawakenewa'isera eta manerejisiranu'i ema Viya, te wicha'a núchuka'ini te suju'e esu tikachichanu; taka'e'i eta mapanereru'i eta máichuiranuyare'i, taicha eta máemunasiranu'i.

Gálatas 1:16

Tási'a, tímimatichanu'i ema Machicha, taicha mawara'a'i nukametarairuyare naye'e ena apawasana eta makuchukuirayare namutu ena tisuapana ema Machicha, wá'isera nutanuka'ini nákani náimitukanu'ini eta nukametarairuirayare, nájinaware nuyasereruina;

Efesios 1:11

Eta maye'e ema machicha Jesucristo ema Viya tinerejika'avipa tatiwa'i apaesa vijachapa eta maikure'avi'i, eta taka'e eta maitauchirayare'i ema Viya eta mapanereru'i.

Efesios 1:8

Taichavene eta makajaraisira eta viye'e viti, eta maitukakene etapa eta maitupajijiasirawa,

Efesios 3:11

Taicha mawara'a'i natiari'iyare kamurianayare ena tisuapanayare yátupi. Eta táuriwayare eta náe'isira, tímereuchayare'i eta máetaviuchira'i eta máitupajijiasirawa'i ema Viya. Náramine'i ena akenukana'i tiávi'ana'i te anuma eta náimaira'i eta juka. Eta taka'e'i eta mámirapa'i ema Viákenu Jesucristo tamutu eta mapanereruana eta akane ema Maiya.

1 Timoteo 3:16

Taicha eta juka vé'iru'i vimutu, tétavikawa'i eta táuriwa taechapewa'i: Ema Viakenu timerekawa'i eta máukupaisira'i makake'era'i eta juka viake'e'i viti achaneana, émaipa ema Machanewa Viya makametarapi'iware eta yátupira'i Machicha ema Viya. Náima'a'iware ena ángeleana eta máechepusira'i te máekari. Nakametarairpa tamutu awasareana, namutu achaneana nasuapa'i te juka apake'e. Ichapemuriana ena tijachapána eta majaraiwa te anuma.

2 Timoteo 1:9

Ema Viya tiámawa'i eta máemunasira'avi'i akane te tépanawainapa tamutu. Tijapanu'avi'i máichavene'i ema Machicha Jesucristo. Eta taka'e máichuira'aviyare vimutu viti vé'ikanayare ema Machicha, mawaraira'i tikuchuku'a'aviyare, wá'ineni viámawa'ini viúri'ini eta vítaresira'i. Puítisera ema Viya mawara'a mapekaturare'aviya te mamira'u.