Efesios 1:22 - Táurinakene máechejiriruwa’i ema Viya tikaijare

²² Ema Viya makaejaka'i ema técha'i tamutu eta tatiari'ikeneana, émaipa Vikaiyakene'i vimutu viti machanerana.

Ignaciano

²² Ema Viya macaejacahi éma téchahi tamutu eta tatiari­hi­queneana. Émaripa vicaiya­quenehi vimutu viti machanerana.

Efesios 1:22 ပူးပေါင်းရင်းမြစ်များ

San Mateo 16:18

Tási'a nuti apanaware nutupiruwa numetakavi, píti pikaijare'i Pedro, tási'a nukaechepukayare taye'e eta juka mari, eta nuye'e iglesia, tási'a etaipa eta tatumewa eta naepenira, wa'i tarata'aima'i takaepa'a.

Hechos 20:28

Tiuri puiti, ejaneakawayare eti, éneichuware ejaneakayare ena iúmuriwana, taicha etupara'aipa maye'e ema Machanewa Viya eta ejaneasirayare ena manerejiruana'i ema Viákenu, énavene'i tépena'i ema, máepusaika'i eta máitine.

1 Corintios 11:3

Nuwara'asera némecha'eyare eta juka apanaware téchakare'i, ema Tata Vikaiyakene, ema machutiri'a'icha ema Cristo. Ema Cristo, émapa vichutiri'a'i vimutu viti ajairana. Ene naka'e'i ena ajairana nakaparapekeneana, ena nachutiri'ana'iware ena esenana nayenana.

Efesios 3:21

¡Vikunachaparaka'ini ema Viya wámutu viti vé'ikana'i ema Jesucristo máichekuarakirenapa eta vikunachira! Amén.

Efesios 5:23

Taicha mákani achane, tatuparaka'i ema, téchaya eta máitatiraya esu mayena, takuti'i ema Jesucristo ema técha'aviyare'i vimutu viti vé'ikana'i taicha ema make'e'i. Émaichuware ema tikatiucha'aviya vimutu viti machanerana'i.

Colosenses 1:18

Émaichuware ema Cristo Tachuti'i naye'e ena machanerana, enasera tímikutijirikawaipa énaina'ini make'ena'ini. Taicha ema tinapuisina'i te tepanawainapa, ema tinapuka'i techepuka te maekari, eta taka'e ema techa'i tamutu.

Colosenses 1:8

Ema títametaka'avi'i eta íchararakawa'i eti, émunasira'iware ena iúmuriwana'i. Maicha ema Machanewa Viya.

Colosenses 2:10

puiti eta iáwa'asiraipa ema Cristo, tisantucha'ewakaipa'i ema. Tájinapa ákamunu'ini puiti eta iuchukuirapa, taicha ema Viákenu, ema túmepana'i.

Colosenses 2:19

Ena wa'i naurujika'ini ema Cristo, ema techa'i eta tajurusirayare'i eta nake'eana eta maenisirayare etapa eta makurujisirayare eta apánapanenejiana nake'eana emasera techa'i eta mapanereru'i.

1 Timoteo 3:15

apaesa te wa'i nukuitujikawawane pítukapa eta táuriwaina eta pítaresiraya, taicha machichavi'i píti ema Viya, viti manerejiruana'i ema yátupikene'i Viya, viúnaka'i vímitureka'i yátupi eta máechajiriruwana.

Hebreo 2:8

tisuapakare'i viti tamutu eta pituparasira'avi'i.” Taka'e, eta véchira'i tamutu eta máepiyaruana'i ema Viya, tájina tikaejeraima'i, maicha ema. Wícha'asera víma'a'ini vikayamurika'ini tamutu táichavenena'ini eta visuapakarewa'i.