Efesios 1:20 - Táurinakene máechejiriruwa’i ema Viya tikaijare

²⁰ Ema Viya máimereka'i eta máitupajijiasirawa ichape te makaechepukapa ema Cristo te máekari, makaejakapa ema te mawaure taye'e eta anuma mávi'a'i puiti,

Ignaciano

²⁰ Ema Viya máimerecahi eta máitupa­ji­jia­sirava ichape te macaeche­pucapa ema Cristo te máecari, macaejacapa éma te mavaure tayehe eta anuma mávihahi puiti.

Efesios 1:20 ပူးပေါင်းရင်းမြစ်များ

San Mateo 26:64

Ema Jesús majikapapa: –Petupika'i eta píchira'i, tási'a nuti eneichuware, numetaka'eyare eti, eta íma'ayare ema Machicha ema Ajaira eta maéjasirayare te mawaure ema Máitupajijiaruwakene'i, tási'a eta maúkupaisirayare mási'ayare te anuma, támirayarepa'i eta úkajiana.

San Mateo 28:18

Ema Jesús témeña'awapa naye'e ena, tási'a máichawakapa: –Ema Viya tijarakanu'i eta tuparairukanuya'i taye'e eta anuma, tási'a étapa eta apake'e.

Marcos 14:62

Ema Jesús máichapa: –Nuti'ichu'i. Tási'a eti íma'ayare ema Machicha ema Ajaira eta maéjasirayare te mawaure ema Máitupajijiaruwakene'i, tási'a eta maúkupaisirayare mási'ayare te anuma, támirayarepa'i eta úkajiana.

Marcos 16:19

Taka'e, te títawapa tamutu eta mametarapiana'i ema Viákenu Jesús, tiyanapa tiyapa te anuma. Ema Viya makaejakapa te mawaure.

San Juan 10:18

Nájinaneni napamikanu'ini eta nísapirawaya tikapakanuana. Níjararuwa'i nuti eta nakapasiranuya. Taicha nutupara'aichu'i me Tata nuti néchinawayare'i.”

San Juan 10:30

Taicha nuti emapa ema Tata vikutikaka'i eta vítupaijiasirawawaka'i.

Hechos 10:40

Émasera ema Viya makaechepuka'i te máekari te mapanakenepa sache, tási'a, máimerekaware te vimuri eta machavira'i títareka.

Hechos 26:8

¿Taja'a takayema eti wa'i esuapa ema Viya, eta makaitarekawakaya ena naepenakeneana'i?

Hechos 4:10

Vimetaka'eyare puiti, viwara'a vémecha'eyare, eti énapa ena achaneana te juka viáwasa Israel. Ema maka achane, íma'akene'i eta manarasira'i, viwara'a vímimaticha'e eta máitupajijiasirawa ema Jesucristo ema Nazareno takanaraka'i eta vipiarasira'i te máijare ema, émetataru'i te crusu, ekaparu'i, émasera ema Viya makaechepuka'i te máekari.

Hechos 5:31

Tási'a puiti, ema Viya máunaka'i te anuke'e anuma, makaejaka'i te mawaure taye'e eta trono, máijarakaipa eta matupara'ayare'i Akenukayare'i Tikatiura'iyarewa, taicha mawara'a'i ema Viya vimutuyare viti israelítana véñeuchawaya maye'e, apaesa ema tijapanu'aviyarewa taicha tamutu eta vipekaturana.

Romanos 1:4

Émasera ema Machanewa Viya, maimikacherachapa eta émaira'i Machicha ema Viya eta maitupajijiasirawa'i, etapa eta maechepusirayare'e te maekari.

Romanos 8:34

Tájinakenepa tímikuñaka'avima'i taicha ema Cristo máepenina'avipa, tichawaipaware títareka. Puíticha téjaka'i te mawaure ema Viya, téchejiuruka'avipa ema.

Efesios 1:3

Nuti nukunachaparaka ema Viya, ema Makaiyakene ema Viákenu Jesucristo taicha ichape eta máimikatasira'avi'i táichavene'i eta viúrujiasira'i ema Cristo. Puiti tachicha'avi'ipa eta anuma, ichape eta viúrikakarewa'i maicha ema Machanewa Viya.

Filipenses 3:10

Nuwara'a'i nuti tajurukachucha eta nímatirayare'i ema Cristo. Nuwara'aware nukapayayaraka'iwareni eta makatajiwaira'i. Étapa eta népenira, nuwara'aware táurichawakayare ena nuchamuriana, tákuti'ini eta táurichira'avi'i eta máepenira'i ema Jesús,

Colosenses 1:16

Ema, mawana'i'i me Maiya eta máepiyasira'i tamutu eta víma'akeneana'i puiti, te anuma, étapa te juka apake'e, tamutu eta vima'akeneana étapa eta vimarata'akeneanapa víma'a, enapa ena ángeleana tikawakureana, enapa ena ichapekeneana eta naitupajijiasirawa eta nakawakurera'i. Namutu'isera ena maepiyaruana'i ema, taicha mawana'i'i ema Machicha maye'eyare'i ema Cristo.

Colosenses 3:1

Puítisera arairupa eta ítaresira maicha ema Cristo, étainapa ti'apasamurereka'eyare eta máuriwa'i ema étapa eta ítekapauchira ema taye'e eta anuma máejasi'a'i te mawaure ema Maiya.

Hebreo 1:3

Ema tikaye'e'i eta majaraiwa'i máijararu'i ema Maiya. Eta máukupaisira'i eta viye'e, tímimaticha'avipa eta máuriwa'i ema Maiya. Tási'a, te tamutupa eta makaepa'aira'i eta vipekaturana, tichawapa te anuma. Ánaki ema Maiya makaejakapa te maejasi'ayare te mawaure,

Hebreo 10:12

Émasera ema Jesucristo éta'erichu'i eta máichira'i, wá'ikene mápepejirikawa'ini, taka'e, téjakaipa'i te mawaure ema Viya.

Hebreo 13:20

Ema Viya, tétavikawa'i eta mauriwa''i, tétavikawa'iware eta máitupajijiasirawa taicha makaechepuka'i ema Viákenu Jesucristo te máekari, émayare'i yátupikene'i Pastuleruyare'i, tijaneara'i viye'e viti machichanaveana. Tisipa'aka'avipa eta te máitine, apaesa máitawakakayare'i eta vikachanerayare ema,

Hebreo 2:9

Marari'isera ema Jesús. Tiúkupaika'i ánipi'i te juka apake'e, nakachuriakaipa ena ángeleana eta náitupajijiasirawana. Eta máemunasira'avi'i vimutu viti achaneana, ema Viya máimikapakaicha'aware te crusu vítivene'i. Té'esera te táekenepa, makaejakapa ema Jesús taye'e eta tajara'ikene máwakure'i takapika'ukene, táitsiwa'i eta makatajiwaira'i eta máepenira'i.

1 Pedro 1:3

Tétavikawa'i eta vikunachira'i ema Viya, Makaiyakene ema Viákenu Jesucristo, tétavikawa'i eta majapanuira'avi'i, tepanawa'i maicha eta vitaresira eta machavira'i titareka ema Viákenu Jesucristo. Eta juka yátupikenepa eta viuchukuiraipa,

Apocalipsis 1:17

Nupikaine'i eta nímaira'i, nákipaikawapa te máiwapechakaya, tiáne'i népena eta nupisira'i. Émasera manakapa eta mawa'u waure te nápusi, máichanupa: “Wa'i pikupikanu, nútichucha nuti nunakucha'i eta táepanirawa'i, núti'ichuware nécha'i eta táitavirayare tamutu,