Efesios 1:19 - Táurinakene máechejiriruwa’i ema Viya tikaijare

¹⁹ Nuwara'a ekaikutiaraware eta táetaviuchira'i eta máitupajijiasirawa'i ema Viya, wá'ikene tivitaima'i ema. Makaemataneaka'i eta vítaresira, mawaraira'i viúripanayare viti vikasiñawana'i maye'e,

Ignaciano

¹⁹ Nuvaraha ecaicu­tia­ravare eta táetaviu­chirahi eta máitupa­ji­jia­si­ravahi ema Viya, váhiquene tivitaimahi. Éma, macaema­ta­neacahi eta vítaresira, mavarairahi viúripa­nayare viti vicasi­ña­vanahi mayehe.

Efesios 1:19 ပူးပေါင်းရင်းမြစ်များ

San Juan 3:6

Te tiúchuka eta amuya te suju'e esu taena, tímatikare'i eta machichaira'i ema suima. Takutikene'i, mákani achane machicha ema Viya je'eware ema mauchure maye'e ema Machanewa Viya

Hechos 26:18

Puiti nuwanekavi pímitukawakayare eta mawanairipiana maye'e ema Viya. Nakaiju'e ema, apaesa náitujikawa náima'a eta majaraiwa, náinajikapa eta náichakeneasana te timapiku, waipa nakue'ika ema Wínaraji. Nae'ikapa ema Viya, apaesa majapanu'e eta epekaturana. Apaesa nasiapamuri'aya ena náinapureana'i manerejiruana'i.’

Romanos 1:16

Wa'i nimitsiriawa'ini eta nukametarairuira eta juka Arairu maechejiriruwa, taicha eta juka maitupajijiasirawa'i ema Viya, namutu nákani tisuapanaya najachapaya eta makatiurapi, natiwayare ena juriyuana enepa ena apawasana.

2 Corintios 4:7

Eta juka vé'iru'i vímiturapiana'i, tétavikawa'i eta takunachakarewa'i, wa'i vítina'ini vikunachakare'ini, taicha viti páureanasami, vikutichucha eta muñeka náipune, émasera ema Viya máimereka'i eta máitupajijiasirawa'i, máijarasirapa eta tatumewayare'i eta viáke'e, wá'isera vítijiwaina'ini.

2 Corintios 5:17

Puíti'ipa viti viúrujiakana'i ema Cristo, apana'avipa. Vínajikaipa eta viye'erepini'i tamaurikeneana. Tamutupa arairu'i puiti eta viye'erepiana.

Efesios 2:10

arairuinapa eta vítaresira maicha ema Viya, émaichuware tikajuruka'avi eta vé'isira'i ema Jesucristo, mawaraira'i víchayare eta táurikeneana, eta víchira'i, vítaucha'i eta mapanereruana akane.

Efesios 3:20

Tétavikawa'i eta nukunachira'i ema Viya, taicha máituruekene'a'i tíjaraka'avi tamutu, máemetavika'i eta viyasearuana'i, étapa eta vipanerechirana, tétavikawa eta máitupajijiasirawa ema Machanewa Viya eta máetupirisira'i eta visamureana.

Efesios 3:7

Tétavikawa'i eta majapanuiranu'i ema Viya nútisamipa máichu'akene'i eta nukametarairuyare'i eye'e, tási'a ema, tétavikawa'iware eta máetumechiranu'i te tamutu eta nukametarairuira'i, eta maimeresira'i eta maitupajijiasirawa'i.

Efesios 6:10

Puiti nutuparaka'eware, nuparapenaveana, ekasiñawa yátupina maye'e ema Viákenu apaesa máijaraka'e ema eta matumewa étapa eta máitupajijiasirawa.

Filipenses 2:13

ema Viya, émaichu'i ema tinaka'i te esamureana eta ewarairayare ekurisamurechayare ema; tiáwa'aka'eware eta ítauchirayare tamutu. Takuija táemitiekene'a'ini eta tapachinawa'i eta iáchanewana.

Filipenses 3:21

Máitsiwachainapa ema eta juka viáke'esami, apanainapa eta táima'iyare, takutinapa eta makáke'era ema, tapachinakene'i. Tétavikawainapa eta tatumewayare taicha ichapekene eta máitupajijiasirawa'i ema, marata'a'i makapakecha tamutu.

Colosenses 1:29

Eta taka'e, nupamikawa'i nuti eta nukaemataneasira'i ema Viákenu. Émakene'i tétumechanu'i eta nurata'aira'i tamutu eta nímitusira'e'i emutu eti nuchamuriana'i.

Colosenses 2:12

Te ekaikachasipa eti maye'e ema Cristo, taka'e eti eneichuware échawapa itareka maye'e ema Cristo taichavene eta esuapira'i eta maitupajijiasirawa'i ema Viya, ema timichawa'i tikaitareka'e'i.

1 Tesalonicenses 1:5

Taicha te vímituka'epa eta máechejiriruwa ema Viya, eti etupiruwa'i ejákapa eta vimetarairuana, taicha ema Machanewa Viya tinakasamurecha'e'i eta táuriwa'i esama eta vímitusira'e'i. Ímati'avi'i eta mawanesira'avi'i ema Viya. Íma'a'iware eta viúriwa'i eye'e.

2 Tesalonicenses 1:11

Eta taka'e, tamutu sácheana te viyujarasirana, viyaseucha'e'i me Viya eta ímiyanirawaina eta iúriwa, taicha eti maíchuakene'e'i eta maye'e, énerichuware viyaseucha'e me Viya eta máijarasira'ena eta ítupajijiasirawaina taye'e eta juka ématanerepi'i táichavenena'i eta esuapajiraiwa'i, eta juka.

Santiago 1:18

Taicha ema mawaraira'i machicha'aviyare'i, eta taka'e tijaraka'avipa eta arairu vitaresirayare'i, taye'e eta yatupikene maechejiriruwa, taicha maichekuarakirenapa eta vitaresira.

1 Pedro 4:11

Eti máimitureana ema Viya, eta échejisira, ekuneuchawa yátupi eta máechejiriruwana ema Viya. Eti ímikatara'iana ítatiwaka ena echamuriana, wa'i éñamaima'i eta etumewa máijararu'e'i ema Viya. Étavene'i eta é'isira'i ema Jesucristo, tamutu tauri eta jákani íchakeneana apaesa nakunacha ema Viákenu namutu ena tíma'a'eana. Ema, ¡tétavikawa'i eta makunachakarewa'i! ¡Máitawakaka'iware eta vé'isiraya ema! Amén.