Efesios 1:18 - Táurinakene máechejiriruwa’i ema Viya tikaijare

¹⁸ Nuyaseaka'iware ema yátupina eta ekaikutiarairaya, eti máichu'akeneana'i ema, eta táetaviuchirayare'i eta viúrikakarewayare te jena sácheyare vikuchapakene'i, nuyaseaka'iware ekaikutiaraya eta táetaviuchirayare'i eta táurikakarewayare eta viávi'aya te anuma, víkuchi'i viti machanerana ema Viya.

Ignaciano

¹⁸ Nuyasea­ca­hivare éma yátupina eta ecaicu­tia­rairaya, eti máichuha­que­neanahi éma, eta táetaviu­chi­ra­yarehi eta viúrica­ca­re­vayare te jena sácheyare vicucha­pa­quenehi. Nuyasea­ca­hivare ecaicu­tiaraya eta táetaviu­chi­ra­yarehi eta táurica­ca­re­vayare eta viávihaya te anuma, vícuchihi viti machanerana ema Viya.

Efesios 1:18 ပူးပေါင်းရင်းမြစ်များ

San Mateo 13:15

Taicha eta napanereruana ena achaneana, tétavikawa'i eta tamurakawa wa'i ewara'a esama, tási'a epiyakawa'iware púchuki'e, eta emawaraira'i ima'a, emawaraira'i ekaikutiara'ini, éñauchawa'ini nuye'e, apaesa wa'i ekukaikutiara, eta nuye'e, apaesa nuti waipa nukanaraka'ema'i.’

Marcos 10:17

Te tiyanayarepa ema Jesús tipaika, maka'epainecha ema émana achane. Tijunapapaipa'i matupirupa máepuyumiraucha te mamira'u ema, tási'a mayaserekapa: –Tata maestro, ¿tasája'apukaini nícha'ini eta taurikene, apaesa máichekuarakirena'ini eta nítaresira?

San Lucas 24:45

Máemechawakaipa'i eta nakaikutiarairayare'i eta táechejiriruwana eta Takapika'ukene Ajureka,

Hechos 16:14

Sutiari'i esu esena tikaijaru'i Lidia; esu, suchusine'i te awasare Tiatira. Esu suka tíjararekara'i eta yerérukawa sedana mularumeana. Ésuichu, tipikaura'i me Viya. Susamarakaipa eta mametarairu'i ema Pablo. Ema Viya mavejiasinaipa eta susamure sujakapirayarepa'i eta mametarairu ema Pablo.

Hechos 26:18

Puiti nuwanekavi pímitukawakayare eta mawanairipiana maye'e ema Viya. Nakaiju'e ema, apaesa náitujikawa náima'a eta majaraiwa, náinajikapa eta náichakeneasana te timapiku, waipa nakue'ika ema Wínaraji. Nae'ikapa ema Viya, apaesa majapanu'e eta epekaturana. Apaesa nasiapamuri'aya ena náinapureana'i manerejiruana'i.’

Romanos 11:29

Taicha ema Viya, tamutu eta máijararuana'i, wa'i máemepururekaima'i. Máitauchayare'iwa tamutu eta máichuarapiana.

Romanos 2:4

Émasera ema Viya, tétavikawa'i eta máuriwa'i eta eye'e, wa'i maíkuñaka'ewane'ini. Tikamicha'e'i, tikuchapa'e'iware, mawaraira'i éñauchawa'ini eta maye'e, ínajika'ini eta íchira eta tamaurikeneana.

2 Corintios 4:4

Taicha ena wa'i nasuapa'ini eta maechejiriruwa ema Viya, émapasera ema tasiñaraji te juka apake'e, emapa tepaka'aukicha'i, waipasare nákaikutiara, waipaware nakuima'a eta tajaraiwa eta maechejiriruwa ema Viakenu Jesucristo.

2 Corintios 4:6

Ema Viya, te máepiyakainapa eta juka apake'e, makawanairipipa tatiari'iyare'i eta tijara'i, témitiakayarepa eta timapikukenéni'i, ene maka'e'i eta viye'e, tímimaticha'avi'i eta majaraiwa ema Machicha. Tétavikawa'i eta tajaraiwa'i te visamureana, ema, tímimaticha'avipaipa'i eta máetaviuchakene'i máuriwa'i ema Viya.

Gálatas 5:5

Vítisera viti vikasiñana'i ema Jesucristo vikunewaipa eta majakapira'aviya ema Viya máichavene'i ema Machanewa Viya eta máwa'asira'avi'i.

Efesios 1:11

Eta maye'e ema machicha Jesucristo ema Viya tinerejika'avipa tatiwa'i apaesa vijachapa eta maikure'avi'i, eta taka'e eta maitauchirayare'i ema Viya eta mapanereru'i.

Efesios 1:7

Ema Viakenu Jesucristo máepusaika'i eta maitine te crusu maepenine'i, mawaraira'i tikatucha'aviyare'i, makaepa'apa eta vipekaturana, taichavene eta maemunasira'avira majapanuira'avi'i.

Efesios 2:12

échaichu'i kapeni juka tainapuisine, eti wicha'a imati'ini ema Viakenu Jesucristo, erajikawa'i taye'e eta mawasa Israel, tajinaware ímatiya'ini, etaipa eta maikure'avi'i ema Viya. Vijurupairuchucha te juka apake'e, tajina vimatiya'ini ema Viya, najinaware vikuchapakenena'ini.

Efesios 3:16

Nuyaseaka ema máijaraka'eni eti, ichapena'ini eta ítupajijiasirawa étapa eta étumewaina'ini te iáchanewana, maicha ema Machanewa Viya. Taicha ema Viya, tétavikawa eta máitupajijiasirawa, wá'iware mayawanaima'i,

Efesios 3:8

Wa'i németeakawa'ini nútinasami'ini manerejika, taicha narari'i'i ena títupajijiapanawana'i eta nuye'e, tijapanunu'isera ema Viya, nútisamipa manerejiru'i, mawaraira'i numetapana'e eta máichuira'e'i eti apana eti apawasana, eta ejakapiraya eta táurikakarekene víkuchi maicha ema Cristo, tétavikawaya eta viúrikakarewayare.

Efesios 4:1

Yátupi nuti témeratakanu'i puiti táichavene'i eta né'isira'i ema Viákenu, eta taka'e, nutuparaka'eya, takuija íchirawaina eta ítaresira te mamira'u ema Viya, taicha eti máichu'akene'eichu'i ema, mawaraira'i machanera'eyare.

Efesios 4:4

Émanaichuware ema tiáwa'aka'e, émaipa ema Machanewa Viya, etanaichuwa eta viake'e takuija íchirawaina eta iúrujisirawa'i, etanainaichu'i eta epanereruana, taicha ema Viya tíchu'a'e'i, puiti ekuchapa'i eta iápechirawayare ítareka.

Efesios 5:8

Échawaipa taká'eni'i eta ítaresira'i akane étaichu iámapirikaini'i iáwaku'a'i te timapiku. Puítisera eta iúrujiasiraipa ema Viya, tijara'ipa eta ítaresira'i,

Filipenses 3:14

nupamikawa'i taicha ichape eta nuwaraira'i nukurisamurecha'ini ema Viya, nuve'a'ini eta níkuchi'i maye'e, taicha eta taka'e'i eta máichuira'avi'i, mawaraira'i tíjaraka'avi eta viúrujiasira'i ema Jesucristo.

Colosenses 1:12

e'asulupayacha'ini ema Tata Vikaiyakene eta máichuira'e'i eti apanawa, mawaraira'i tíjaraka'aviyare vimutu eta tajara'ikene víkuchiana'i viti machanerana'i ema.

Colosenses 1:23

Taka'e, nuwara'a étumechawayarechucha, ímiyanawa táuri eta é'isira'i. Wa'i ekuyakujiekene'awa eta ekuchapira'i eta iúchukuiraya. Wa'i ekuemepurureka eta esuapiraipa'i eta máechejiriruwa ema Viya. Tétavikawa'i tasuapakarewa'i naye'e namutu ena achaneana te juka apake'e. Núti'ipa nuti Pablo wanairukakenenu'i, étaichu'iware taka'e'i eta nukametarairuira'i.

Colosenses 1:27

Tétavikawa'i táramikarewa'i maicha ema Viya eta máimimatichira'avi'i eta juka tayumururewaini'i ímitukasiwa'i puiti eti apawasanana'i. Eta juka, éma'i ema Jesucristo títekapaucha'eipa'i tiáwa'aka'eipa. Puiti, ejákapakarepa me Viya. Ekunewainapa maicha ema Jesucristo eta esiapiraya te máwasa anuma.

Colosenses 1:5

taicha ekuchapawainapa eta esiapiraya taye'e eta máwasa anuma ema Viya. Viúrisamurewa'i eta visamairisira'i eye'e, Ichape eta viúrisamurewa'i eta táuriwa'i esama eta metarapi, eta yátupikene máechejiriruwa ema Viya

Colosenses 2:2

Nuwara'a'i ámutu'ini étumechawa'ini te esamureana, ewapinawa'ini te iúrujisirawana taicha eta émunasirakaka'i, nuwara'a yátupina ímati ema Cristo, éma'i araenuma'i wanairuka'i me Viya, nuwara'a'iware ímatiekene'ayare eta mapanereruana ema Viya apaesa ichapena'ini eta ekasiñairawaina'ini eta maye'e.

Colosenses 3:15

Ísapawaware maye'e ema Cristo makanaraka'e tamutu eta epanereruana, taicha taka'e'i eta máichuira'e'i, mawara'a'i etanayaréichu'i eta epanereruana eta iúrujiasirakaka'i. E'asulupayacha'iwaréni tamutu sácheana.

1 Tesalonicenses 2:12

Vékatiaka'e'i ichape eta iúriwaina eti, ímerekaya eta makáchichaira'eipa ema Viya, taicha íchuarekasiwaipa maye'e eta ekachaneraya ema taye'e eta máwasa te anuma, te távi'a'i eta majaraiwa.

1 Tesalonicenses 5:8

Vítisera taye'e'avi'i te sachemu'u, takamunu'i vikuneuchawa eta tauriwaina eta vitaresira. Tawara'a vikatiuchawa, wakuti'ini ema suntaru makarataka'i eta makatiuchawaya, eta taka'e vimeresiraina'ini eta vikuneuchirawayare viti machanerana, eta vikasiñairawame Viya, etapa eta vemunasirakaka yatupina'ini visuapa eta makuchuira'avirayare takuti'ini eta casco maye'e ema suntaru.

2 Tesalonicenses 1:11

Eta taka'e, tamutu sácheana te viyujarasirana, viyaseucha'e'i me Viya eta ímiyanirawaina eta iúriwa, taicha eti maíchuakene'e'i eta maye'e, énerichuware viyaseucha'e me Viya eta máijarasira'ena eta ítupajijiasirawaina taye'e eta juka ématanerepi'i táichavenena'i eta esuapajiraiwa'i, eta juka.

2 Tesalonicenses 2:16

Nuparapenaveana, tétavikawa'i eta máemunasira'avi'i ema Viákenu Jesucristo, émapa ema Tata Vikaiyakene. Tayanapane wa'i viúri'ini, énasera nawara'a'i tikurisamurecha'avianaya. Tási'a, vikunewainapa eta viúrikakarewaya, máichekuarakirenapa náicha,

1 Timoteo 6:12

Pétumechawachucha eta pikaemataneasira'i ema Viákenu, murakaina eta pikasiñawaira maye'e, wa'i pikuyakujiekene'awa eta pikuchapira'i eta pítaresiraya máichekuarakireyare, taicha máichu'akenevirichu'i ema Viya, wa'i pikuemepurureka eta péchejiriruwana'i te namuri ena vichamuriana, te píjarakawainapa eta pé'isirayare ema Viya.

Tito 2:13

Tási'a, vikunewainapa eta machavirayare ema Viákenu Jesucristo, ema Makatiura'ikene'i viye'e. Eta máitesiraya mámayarepa'i eta tapachinakene majaraiwa.

Tito 3:7

etasera te taekenapa eta majakapira'avi'i tijaraka'avipa eta tauriwayare eta vitaresira etapa eta vijachapirayare eta vikuchi'i maichekuarakirenapa eta vitaresira.

Hebreo 10:32

Németeakasera ímiyanawayare eti tauri eta é'isira'i. Échaichu'i eta ítaresira'i kape juka, te épanawainapa eta ejakapira'i eta juka tajara'ikene máechejiriruwa ema Viya. Ichapemuri'i eta ekatajiwaira'i naicha ena tikatianaka'eana'i, ekamicha'isera eti.

Hebreo 6:4

Taicha ena etaipa eta najachapa'i eta majaraiwa, nimatipa'i eta maitupajijiasirawa ema Viya, taicha ema mawa'akaipa ema Machanewa Viya,

1 Pedro 1:3

Tétavikawa'i eta vikunachira'i ema Viya, Makaiyakene ema Viákenu Jesucristo, tétavikawa'i eta majapanuira'avi'i, tepanawa'i maicha eta vitaresira eta machavira'i titareka ema Viákenu Jesucristo. Eta juka yátupikenepa eta viuchukuiraipa,

1 Pedro 3:9

Tijurikati natupiaka'epuka, náume'a'e, wá'isera ekujikapa, eyaseakachucha ema Viya eta náurikakarewaina, taicha mawara'a ema Viya vijapanura'iyare'i víti, vikutiyare ema eta majapanuraiwa'i, tatiari'iyare táitsiwayare viye'e máicha.

1 Pedro 5:10

Ema Viya, tíchu'a'avi'i, mawara'a'i visiapa te máwasa, táichavene'i eta vé'isira'i ema Jesucristo. Ánipinesera eta ekatajiwairaya puiti juka sácheana. Émasera ema Viya, tétavikawa'i eta majapanuraiwa'i. Ema, tímararaka'e'i eta ekamichira'i; tási'a ema, tíjaraka'enapa eta ewayuchirawaya eta etúmewaya.