Efesios 1:17 - Táurinakene máechejiriruwa’i ema Viya tikaijare

¹⁷ Ema, makaiyakene'i ema Viákenu Jesucristo, máetaviure'i eta majaraiwa te mávi'a'i te anuma, nuyaseaka'i máijaraka'e'ini eta échemaraiwaina'ini maicha ema Machanewa Viya, apaesa ímatiekene'a'ini yátupina eta emétakasiwanaya eta mapanereruana'i ema Viya, nuwara'a ímatipaipaichaini ema.

Ignaciano

¹⁷ Éma, macaiya­quenehi ema Viáquenu Jesucristo. Máetaviurehi eta majaraiva te mávihahi te anuma. Nuyaseacahi máijara­ca­hehini eta échema­rai­vai­nahini maicha ema Espíritu Santo, apaesa ímatie­que­ne­hahini yátupina eta emeta­ca­si­vanaya eta mapane­re­ruanahi ema Viya. Nuvaraha ímati­pai­paichaini éma.

Efesios 1:17 ပူးပေါင်းရင်းမြစ်များ

San Mateo 11:25

Te akaneni taepaninewaini, ema Jesús ánipa maka'e: “Tata Nukaiyakene, tétavikawa eta nukunachiravi, jé'eware píti tákenuvi'i eta anuma étapa te juka apake'e. Títauchawaipa eta pipanereru'i, wa'i písapa'ini náituka'ini eta júkana ena achaneana tímijachawana'i téchemara'iana.

San Mateo 11:27

“Ema Tata Nukaiyakene, ema tíjarakanu'i eta nútiraya néchaya tamutu. Nájina timatina ema machicha emachucha ema Vikaiyakene, nájinawa timatina ema Vikaiyakene emachucha ema machicha manerejiru.

San Mateo 16:17

Taka'e ema Jesús máichapa: –Piti Simón machicha ema Jonás, tétavikawa'i eta pétupisirawa'i, taicha manakasamureruvi'i ema Tata Nukaiyakene tiávi'a'i te anuma. Wa'i etaina'ini eta náimiturapiana naye'e nákani achaneana.

San Mateo 20:33

Ena najikapapa: –Tátachicha, nuwara'a pikaimairikanupaini.

San Mateo 6:13

Wa'i pikuisapa'avi vicha eta tamaurikeneana pikatiucha'avi maye'e ema wínaraji.’

San Lucas 12:12

Ema Machanewa Viya tímituka'eyare eta táuriwaya eta ekayemayare te jena sache ekayasesere'inapa.

San Lucas 2:14

“¡Tétávika vikunachira'i ema Viya vimutu viti viávi'ana'i te anuma! ¡Jé'eware puiti, tiúrikawanainapa ena achaneana te juka apake'e, ena manerejiruana'i makatajiruana'i ema Viya!”

San Lucas 21:15

Taicha nuti, níjaraka'eyare eta ítusirayare ekatiuchirawaya, nájina ákutima'i eta ítupaijiasirawaya, ichape ekachuriakayare ena iánaranaya.

San Juan 14:17

Ema tímituka'eyare, máitametakayare tamutu eta yátupikeneana'i, tási'akeneana eta me Tata. Énasera ena achaneana, wa'i tikaijarakasianaima'i, taicha wa'i náwara'a'ini najakapa'ini ema. Étisera ímatiyare ema, taicha máitawakakayare eta máwa'asira'eyare.

San Juan 14:26

émasera ema katiura'i Machanewa Viya, mawaneruyare ema Tata te níjare nuti, ema tímikataka'eyare, tikurisamurecha'eyarewa. Éneichu tímituka'eyare, témecha'eyare tamutu eta juka numetarapiana eye'e.

San Juan 16:3

Ena, náichayare eta juka táichavene eta namáimatira'i ema Tata, wá'iware náimatinu'ini nuti.

San Juan 17:3

Níjarakayare eta náitaresirayare máichekuarakireyare, ena píjararunuanayare apaesa náimativi, piti Tata pikarichu yátupikenevi'i Viya, nútipa nuti Jesucristo, nuti piwanerunu'i te juka apake'e.

San Juan 20:17

Ema Jesús máichapa: –Wa'i pikuemama'akanu, taicha wicha'a nápana'ini te mávi'a'i ema Tata. Piyana pimetakawaka ena apamuriana nímitureana eta nápanirayare maye'e ema Tata nukaiyakene, Ekaiyakene'iware eti apanawa.

Hechos 6:10

eta Machanewa Viya, máijaraka'i ichape ema Esteban eta máitusiraya téchejika. Eta taka'e, wa'i nárata'a'ini nakachuriaka'ini ema.

Hechos 7:2

tási'a, ema majikapapa: “Tatanaveana, nuparapenaveana, esamanucha'a: Eta akane, ema Viya tiúkupaika'i mási'a'i te máwasa anuma. Tímerekawapa maye'e ema viáchukaini Abraham. Ema mávi'aicha'a'i te Mesopotamia, wícha'a mayana'ini makawasa'ini te Harán,

Romanos 1:28

Taichavene eta namawaraira'i naimati'ini ema Viya, taka'e ema mainajikapa naichapa eta tamaurikeneana napanereruana, apaesa naikutichawa naicha eta nawara'akeneana.

Romanos 15:6

Nuwara'aware ákutikaka'ini eta epanereru. Tási'a, te iúrujisirawana, étanainaichu'ini eta iá'uana eta ekunachirayare ema Viya, tási'a Makaiyakene ema Viákenu Jesucristo.

1 Corintios 12:8

Narari'i ena máimikatakawaka ema Machanewa Viya eta náitusiraya téchejikana, náimituresiraya. Ena apamuriana máijarakawakaware máejerareyare eta nakaikutiarairaya eta mapanereruana. Émanaichu'isera ema Machanewa Viya tíjaraka'i eta juka.

1 Corintios 14:6

Núti'ipa, nuparapenaveana, nítekapaucha'epukaini néjirapana'e'ini, tási'a néchejikapa'ipukaini te apaechejiriruwa eta eye'e, eti wa'i ákaikutiaraima'i, wáipaware tímikataka'ema'i eta tajurusiraina'ini eta ekasiñawaira'i me Viya. Takamunu'i néchejika'ini te échejiriruwaichu eta nímitusira'ena'ini, eti ekaikutiarasarepaini tamutu eta numetakasiwana'i me Viya, étapa eta máimerechakenenu'i, étapapuka eta máimatikene'i, arairu eta viye'e.

1 Corintios 2:10

Ema'i ema Viya tímimaticha'avi'i maye'e ema Machanewa, taicha ema Machanewa, makarichu máimati'i eta tayumururewana'i te mapanereruana ema Viya.

1 Corintios 2:8

Ena akenukana'i, wa'i náimati'ini eta mapanereruana ema Viya. Nájina émanaina'ini ema ichapekene akenuka máimati'ini. Taicha te náimati'ini eta mapanereruana ema Viya, wá'ichupukaini nakuémetataka'ini te crusu ema Viákenu, ema Tata, ema tikarataka eta vitaresirana.

2 Corintios 12:1

Yátupi tájina nuve'aima'i eta nútijiwaira'i nukunachawa. Numetaka'eyesera eta nímaira'i te nuwapure máechejisiranu'i ema Viákenu.

Efesios 1:3

Nuti nukunachaparaka ema Viya, ema Makaiyakene ema Viákenu Jesucristo taicha ichape eta máimikatasira'avi'i táichavene'i eta viúrujiasira'i ema Cristo. Puiti tachicha'avi'ipa eta anuma, ichape eta viúrikakarewa'i maicha ema Machanewa Viya.

Efesios 3:5

Eta juka tayumururewaini'i mapanereru'i ema Viya, nájina náimatiekene'a'ini kape juka tásinekene'i. Puítisera, ema Machanewa Viya tímecha'avipa viti maye'eana santu apústuleana énapa ena profetana.

Efesios 4:13

apaesa yátupina wákuti wámutu eta máuriwa'i ema Machicha ema Viya; táitekapawanewareni eta sache eta viúrujisirawaya, tájinapa ta'apapika'avima'i eta vé'isira'i; vítamuturukaripa'ini tamutu eta vítukakeneana'i tási'akeneana'i me Cristo. Wákutipaini ema tamutu eta máitupajijiasirawa'i.

Filipenses 3:15

Vimutu viti yátupikeneanapa vikasiña ema Viya, áninapa taka'e eta vipanereruana. Te etiari'icha'aserapuka eti apanacha'a eta epanereruana, eta apanaware timituka'eyarewa ema Viya.

2 Timoteo 2:25

enaipa ena viánarana'i, tiúriyare eta véchejirisirayare. Vikuchapayare eta táetupirisirawaina eta napanereruana, máijaraka'ini ema Viya nasuapiraina eta máechejiriruwa,

Tito 1:1

Eta najure nuti Pablo, mawanaranu ema Viya apústulenu'iware maye ema Viákenu Jesucristo, mawanerunu'i ema, apasea ena manerejiruana'i ema Viya naimatiekene'a eta yátupikene'i makasiñakarewa ema Viya, eta juka tiavi'a'i te juka viawapairu'i,

Santiago 2:1

Nuparapenaveana, eti é'ikana'i ema máitupajiji'akene'i Viákenu Jesucristo, wa'i táurika'ini épurukaka'ini naye'e ena echamuriana ejákapakeneanaya.

2 Pedro 1:3

Ema Viya tetavikawa eta maitupajijiasirawa'i, tijaraka'avi'i tamutu eta vikamunukeneana te juka vitaresirapa, etapa eta, maimimatichira'avipa ema Viakenu Jesucristo, mawaraira'i vitaucha eta mawara'akene vicha, ema tichu'a'avi'i taichavene eta maitupajijiasirawa'i, etapa eta maemataneana tiaramikareana vima'akeneana'i.

2 Pedro 3:18

Tajurukapaichuchaini eta ímatiraina, eta máemunasira'e'i ema tikatiucha'avi'i ema Viákenu Jesucristo. Tétavikawa'ini eta vijirauchira, te vinarasirana, te véjamisirana ¡vímiyanawayare! ¡Amén!

Apocalipsis 7:12

naka'epa: “¡Eta vika'eyare! Maitawakakayare eta vitsiusiraviyare, taicha tétavikawapa eta pikunachakarewa'i, tetavikawaware eta pimatiekene'aira'i tamutu, étapa eta pipikauchakarewa, étapa eta pitumewa pikarichu piti pécha'avi'i. Ichape eta vi'asulupayachiravi'i, ¡Eta vika'eyare!”