Efesios 1:15 - Táurinakene máechejiriruwa’i ema Viya tikaijare

¹⁵ Taicha nusamairikapa eta yátupira'i ekasiñawa maye'e ema Viákenu Jesucristo étapa eta émunajirisirakaka'i emutu eti machanerana'i ema Viya,

Ignaciano

^15-16 Eta tacahe, núti néchahehi éti tamutu te nuyuja­ra­sirana, taicha nusamai­ri­ricapa eta yátupirahi éhica ema Viáquenu Jesucristo étapa eta émuna­ji­ri­si­ra­cacahi emutu eti machane­ranahi ema Viya. Nuhasu­lu­pa­yachahi ema Viya eyehe.

Efesios 1:15 ပူးပေါင်းရင်းမြစ်များ

Hechos 20:21

Namutu ena juriyuana enapa ena apawasana numetakawaka'i namutu eta náeñauchirawaina me Viya, étapa eta nasuapiraina nakasiñairaina ema Viákenu Jesucristo.

Romanos 1:8

Nuti, tétavikawa'i eta nukunachira'i ema Viákenu Jesucristo, nu'asulupayacha'i ema Viya íchavene'i emutu eti, namutu ena achaneana te awasareana téchejisia'eana'i eta yátupira'i ekasiñawaira'i maye'e ema Viya.

Gálatas 5:6

Eta máwa'asira'avi ema Jesucristo, wa'i étaparakaima'i eta vinaka'ini eta vikutiarana te viake'e. Takarichu tikamunukare'i eta vikasiñairayare yátupina ema, eta vikasiñawaira'i me Viya vémunakainapa namutu.

Efesios 1:1

Nuti Pablo, maye'enu'i apústule ema Jesucristo, taicha manerejirunuichu'i ema Tata Vikaiyakene, nawaraira'i nímitukaya ena achaneana eta máechejiriruwana, tási'a puiti, nukajure'e eta juka carta eye'e eti nuchamuriana ekawasana'i taye'e eta awasare Éfeso, taicha eti machanera'eipa ema Viya, táurikene'i eta é'isira'i ema Jesucristo.

Efesios 3:18

Eta taka'e namutu ena machanerana ema Viya, narata'ainapa nakaikutiara ena eta maemunaraiwa ema viákenu Jesucristo etapa eta taichapewa eta maemunasira'avi ema Viákenu Jesucristo.

1 Tesalonicenses 1:3

Taicha tamutu sácheana vécharairika'eparaka eta ímeresira'i eta esuapira'i é'isira'i ema Viákenu Jesucristo, étapa eta epamisirawa'i ekaemataneaka'i yátupi, táichavene eta émunasira'i ema, étapa eta ekamichira'i tamutu táichavene eta ekuchapirawa'i eta machaviraya. Ema Tata Vikaiyakene máima'a tamutu eta íchararakawana.

1 Tesalonicenses 4:9

Puiti tájinapa, waipa néñamawa eta eye'e eta émunasirakaka'i, taicha ema Viya tíjaraka'eipa eta émunasirakaka'i.

2 Tesalonicenses 1:3

Nuparapenaveana, tatuparaka vi'asulupayachaparaka ema Viya, taicha visamairika'i eta tápajusirawaipa eta esuapira'i ema Viya. Tajurusirapaipa'i eta émunasirakakaira'i.

1 Timoteo 1:14

Tási'asera tétavikawa'i eta máemunasiranu'i ema Viákenu Jesucristo, ichapeine'i eta máijarasiranu'i eta nusuapira'i yátupi ema, étapa eta máijarasiranu'i eta némunaraiwa'i.

1 Timoteo 1:5

Nutuparakavi'i taicha nuwara'a'i náimerekaya ena vichamuriana yátupina eta náemunasirakakaina táuchurenaware te nasamureana, tapachinawareni eta napanereruana, takuija nakúkichirawaina'ini eta nasamirawa'i te mamira'u ema Viya. Tauri eta náe'isiraina ema Viákenu Yátupina nakasiñawa me Viya.

Filemón 1:5

Taicha nusamairika'i eta pímiyanirawa'i pémunaka ema Viákenu Jesús, pé'ika'i yátupi, pémunaka'iware namutu ena machanerana ema Viya.

Hebreo 6:10

Ema Viya tétavikawa'i eta máitauraiwa'i, wáipaine'i máemitisikaima'i eta ekaemataneasirana'i, étapa tímereucha'e'i eta émunasirawaka'i ímikatasirawaka'iware ena echamuriana'i taye'e eta juka vé'iru'i, máima'a'i eta ímiyanawaira'i ekaemataneaka.

1 Pedro 1:22

Puiti tipachinaipa eta iáchanewana táichavene'i eta esuapira'i eta yátupikene máimiturapiana ema Jesucristo. Eta taka'e, ímerekawainapa puiti yátupina eta émunasirakaka'i naye'e ena echamuriana. Ewapinawaware eta te esamureana eta émunasirakakaira'i.

1 Juan 3:17

Te marari'i ema mákani achane tikaima'akene'i, te wa'i achanesamurena'i maye'e ema machamuri eta makaiju'era'i, ema maka wá'iware máemunaka'ini ema Viya.

1 Juan 4:21

Eta juka eta mawanairipi'i viye'e ema viákenu Jesucristo: ema temunaka'i ema Viya, éneichuware maemunakayare ena machamuriana.