Colosenses 2:3 - Táurinakene máechejiriruwa’i ema Viya tikaijare

³ Nájina mákuti ema Cristo, ema tíjaraka'avi'i tamutu eta vítupajijiasirawana'i, véchemara'iwaka'i máicha.

Ignaciano

³ Nájina mácuti ema Cristo, ema tíjara­ca­havihi tamutu eta vítupa­ji­jia­si­ra­vanahi, véchema­ra­hi­vacahi máicha.

Colosenses 2:3 ပူးပေါင်းရင်းမြစ်များ

San Mateo 10:26

“Wá'isera ekupikawaka ena achaneana. Taicha tajina tiyumurukawaima'i eta naeñaureana, tamutuyare'i téchakareya, tájinaware tépakuchaima'i jákani nayumurureana, tamutuyare'i téchakareya.

San Lucas 11:49

“Eta taka'e ema Viya eta maitupajijiasirawa'i, maka'e'i: ‘Nuwanekayare ena profetana, tási'a éneichuwa nuwanekayarewa ena apústuleana. Tási'a nakapakayarepa'i, napanajirikawakainapa ena apamuriana.’

Romanos 11:33

¡Ema Viya, tétavikawa'i eta majapanuraiwa'i eta viye'e, tétavikawa'iware eta máitupajijiasirawa'i! Najina naechaima'i eta mawara'akene maicha, apaesaina'ipukaini naimatiekene'a'ini eta mayani'apa'i.

1 Corintios 1:24

Natiari'isera ena tisuapanapa'i eta máichuira'i ema Viya, ena israelítana énapa ena apawasanana'i, náimatipa ema Cristo, eta wanairukaira'i maye'e ema Maiya taicha ema tíjaraka'i ema Machicha eta máitupajijiasirawa'i étapa eta matumewa.

1 Corintios 1:30

Puítisera eti, majakapakeneanaripa ema Viya. Máwa'aru'ewarepa ema Jesucristo maicha ema Maiya. Taka'e, ichapeipa eta échemaraiwa'i máicha, santu'eipa máicha, ekutipaipa eta masantuwa'i ema. Iuchukurepaipa'i taye'e eta tikaviurekarewana.

Efesios 1:8

Taichavene eta makajaraisira eta viye'e viti, eta maitukakene etapa eta maitupajijiasirawa,

Colosenses 1:19

Taicha ema Viya máijarakapa ema Machicha makutiyare'i eta masantuwa'i, étapa eta máuriwa'i, étapa eta máitupajijiasirawa'i.

Colosenses 1:28

Eta taka'e, émakene'i ema Cristo véchejisi'a'i víti te vikametarairu. Étaipa te vechejirika, te vímiturekapa'i naye'e namutu nákani achaneana. Viwara'a ítamuturukaipa'ini te táitekapapa eta sache vímeresira'eyare te mamira'u ema Cristo.

Colosenses 1:9

Eta taka'e, te visamairika'epa, viyaseucha'eparaka me Viya tamutu te viyujarasirana, viyaseucha'e'i máijaraka'eni eta ítusiraina, ímatiraina yatupina eta mapanereru'i ema Viya, máijaraka'e'iwaréni eta échemaraiwaina'ini, ekaikutiarayare eta máechajiriruwana, máichavenena'ini ema Machanewa Viya.

Colosenses 3:16

Étaviucha'ini eta iúnasiraina te esamureana eta máechejiriruwana ema Cristo. Étumechakaka'ini eta ímitusirakakaya eta échemaraiwayare, ewapinawa'ini te esamureana eta ejiraira te iúrujisirawana, ejirayare eta majiria'uana ema Viya, eta e'asulupayachirayare'i ema.

Colosenses 3:3

Taicha íjararuwaipa eta ínajisirayare eta júkana, puiti tikaitareka'eipa ema táichavene'i eta iáwa'asiraipa ema Jesucristo.

2 Pedro 1:5

Eta taka'e, akamesawa etumechawa eta ímiyanirawa'na eta ekasiñawairaina me Viya, eta tauriwaina eta itaresira, etapa eta itukakeneanaina,

Apocalipsis 2:17

¡Ema tikakiña masayare eta makayemakene ema Machanewa Viya naye'e ema pichamuriana! Enasera ena tita'arekanayare nijarakayare eta nanikayare eta maná, nijarakayareware eta marichi tijapu, eta taye'e marichicha tikajuyare eta taijare arairu, najinasera timatina makarichu ema tijachapayare maimatiyare eta taijare.