Colosenses 1:3 - Táurinakene máechejiriruwa’i ema Viya tikaijare

³ Vi'asulupayachaparaka'i ema Viya Makaiyakene ema Viákenu Jesucristo. Tamutu sacheana te viyujarasirana, viyaseucha'e'i.

Ignaciano

^3-8 Puiti títeca­pau­cha­ha­viripa ema vémuna­ruquene Epafras, ema vichamurihi eta vicame­ta­rai­ruirahi. Éma, ichape eta macuna­cha­ca­revahi. Tiúrihi eta máitauchirahi tamutu eta macava­na­rairahi ema Cristo, máimitu­si­rahehi yátupi eta máimitu­rapiana ema Viáquenu. Ema Epafras títame­ta­ca­havihi eta íchara­ra­cavahi, eta éhisiraipa ema Jesucristo, étapa eta émuna­si­ra­ca­cairahi emutu éti, émuna­si­ra­hivare ena iúmuri­vanahi te apana avasareana, machane­ra­na­hivare ema Viya, taicha ecucha­pa­vainapa eta esiapiraya tayehe eta mávasa anuma. Viúrisa­mu­revahi eta visamai­ri­sirahi eyehe, vihasu­lu­pa­ya­cha­pa­racahi ema Viya Macaiyaquene ema Viáquenu Jesucristo. Tamutu sácheana te viyuja­ra­sirana, viyaseu­chahehi me Viya. Ichape eta viúrisa­mu­revahi eta táurivahi esama eta macame­ta­rai­ruirahi ema Epafras eta yátupiquene máechaji­riruva ema Viya, etupi­ruvahi esuapa eta ímitu­ca­sivahi, te esamainapa eta máemuna­si­rahehi éti apanava ema Viya. Étarichuhi eta juca vímitu­rapihi nayehe ena apamuriana achaneana ticava­sanahi te apanana avasareana. Natiari­hipahi ena tisuapa­napahi eta vímitu­rapiana.

Colosenses 1:3 ပူးပေါင်းရင်းမြစ်များ

Romanos 15:6

Nuwara'aware ákutikaka'ini eta epanereru. Tási'a, te iúrujisirawana, étanainaichu'ini eta iá'uana eta ekunachirayare ema Viya, tási'a Makaiyakene ema Viákenu Jesucristo.

1 Corintios 1:4

Nuti nu'asulupayachaparaka ema Viya táichavene eta majapanuira'eipa, eta iáwa'asira'i ema Jesucristo, ichapeine'i eta iúrikakarewa'i.

2 Corintios 1:3

Nuti nuwara'a nukunachaparaka ema Viya Makaiyakene ema Viákenu Jesucristo, taicha ema, vikaiyakene'iware víti, tétavikawa'i eta majapanuira'avi'i, tétavikawa'iware eta makurisamurechira'avi'i.

Efesios 1:15

Taicha nusamairikapa eta yátupira'i ekasiñawa maye'e ema Viákenu Jesucristo étapa eta émunajirisirakaka'i emutu eti machanerana'i ema Viya,

Efesios 6:18

Eyujaraka, eyaseakaya ema Viya máijaraka'e eta etumewaina. Eta eyujarasirana, takuija ta'apapirika'e eta máimitusira'e'i ema Machanewa Viya. Wa'i ekuyakuji eta eyaseuchirawaka namutu ena vichamuriana, majaneakawaka'ini ema Viya.

Filipenses 4:6

Wa'i ekueñamawa, te tatiari'inapapuka eta íchawa, ekasiñawasera eta eyaseasira ema Viya te eyujarasirana. E'asulupayachaware taye'e jákani máijararu'eana'i.

Colosenses 1:13

Ema Viya tikatiucha'avipa maye'e ema wínaraji tiavi'a te timapiku, tiama'avipa eta mawasa ema maemunarukene Machicha Jesucristo,

Colosenses 1:9

Eta taka'e, te visamairika'epa, viyaseucha'eparaka me Viya tamutu te viyujarasirana, viyaseucha'e'i máijaraka'eni eta ítusiraina, ímatiraina yatupina eta mapanereru'i ema Viya, máijaraka'e'iwaréni eta échemaraiwaina'ini, ekaikutiarayare eta máechajiriruwana, máichavenena'ini ema Machanewa Viya.

1 Tesalonicenses 1:2

Viti vi'asulupayachaparaka ema Viya eye'e emutu eti. Tamutu sácheana, te viyujarasirana, viyaseucha'e me Viya.

2 Timoteo 1:3

Nuti nécharairikavi'i te sácheana yátiana te nuyujarasirana, nuyaseuchavi'i me Viya. Nu'asulupayacha'i ema eta piúriwa'i máicha. Ema nukasiña'i nuti, takuti'i eta nakasiñaira'i ena viáchukanaveanaini.