Apocalipsis 6:9 - Táurinakene máechejiriruwa’i ema Viya tikaijare

⁹ Te mavepistakawarepa ema Cordero eta tasinkune sello, níma'apa te tápeku taye'e eta námawa'u, eta náchanewana ena náepenakeneana táimikaparuana'i eta náe'isira'i ema Viya.

Ignaciano

⁹ Te mavepi­sta­ca­varepa ema Cordero eta tacincone sello, nímahapa eta mesa tiámahi eta mayucuneasa ema Viya. Te tápecu, nímaha­varepa eta náchanevana ena náepena­queneana táimica­pa­ruanahi eta náehisirahi ema Viya. Vahi náinaji­cahini eta náehisirahi te náimahapa eta nacata­ji­vai­rayare. Váhivare timati­na­naimahi eta nameta­sirahi eta máechaji­riruva ema Viya.

Apocalipsis 6:9 ပူးပေါင်းရင်းမြစ်များ

San Juan 16:2

Ena tiákijika'eanayare taye'e eta peti naúrujisirarewa ena juriyuana. Éneichuware nawara'ayare tikapaka'eana, ena náimijachayare'i tiúriyare'i eta náichirayare te mamira'u ema Viya.

2 Corintios 5:8

Nuwara'aine'isera táija'uchawa'ini takaitsiwa'ini eta juka náke'e, nuyanasarepaini nukachane'ini ema Viákenu.

Filipenses 1:23

Nuwara'aipanéni níja'uchawa'ini népena'ini apaesa nunarakapaini te machakaya ema Cristo, eta juka tiúripana'i eta nímaira'i, wá'isera nímatiekene'a tája'apuka eta né'iruyare.

Filipenses 2:17

Nímikuticha'e eta esuapajiraiwa'i taye'e eta ekaemataneasira'i ema Viya, takuti'i eta iámawa'u'i maye'e, nuti, tijurikati táimikapakanupuka eta nukametarairuira'i eta eye'e, eta népenirainapukaini takutiyarewa eta námawa'u'i maye'e ema Viya, takachane eta iámawa'u'i eti, nuti nuwapinawa'i eta níjarasirawa'i népena, núrisamure'iware eta nukamawa'uira'i me Viya.

2 Timoteo 1:8

Eta taka'e, wa'i pikutsiri'a eta pikametarairuiraya eta máechajiriruwana ema Viákenu. Wá'iware pikutsiri'a eta táemeratasiranu'i, taichavene'i eta nukametarairuira'i nuti apana. Yátupina pikamicha eta pikatajiwairaya. Taicha ema Viya, ema tíjarakaviya eta pitumewaya eta pímiyanirawaya pikametarairu.

2 Timoteo 4:6

Puítisera, nuti tiáne'ipa eta nítaviraya te apake'e. Nukutipa eta yúkupi te títawayarepa téma'ayarepa, éneipa nuka'e'i nuti.

Hebreo 12:23

eti esiapapa eta nasimutuwa ena ekutikeneana'i machichanaveana'i ema Viya, ekajukunaware anaki te anuma. Makachakayaipa ema Viya, ema yatupikene akenuka'i naye'e namutu ena náchanewana ena machichanaveana náepenakeneana, ena maepachinaruana'i,

Apocalipsis 1:2

Takuti eta yátupi'i nukametarairuira'i eta máechejiriruwana ema Viya, étaichu'i eta máimiturapiana ema Jesucristo, puiti nutupiruwa numetaka'e eta juka numetakasiwana'i.

Apocalipsis 1:9

Nuti Juan, núti'ichu echamurinu'i, núti'ichuware ekutikenenu'i eta nawa'asira'i ema Viya, taye'e eta vikatajiwaira'i, vikamicha'isera tamutu taicha tétumecha'avi'i ema Jesús. Taichavene eta vikametarairuira eta maechejiriruwa ema Viya, eta nukawana'ira'i ánaki tejena tiurupu'i tikaijare Patmos.

Apocalipsis 14:18

Éneichuware tiúchujikawarepa ema apana ángele eta te mesa tavirare eta námawa'uasana, tiáma'i eta mayukuneasa ema Viya, ema, técha'i eta yuku, taka'e, mapiarakapa muraka ema tiamapa'i eta tumare takasirikene, máichapa: “¡Puiti piyana piama eta pitumara, pive'ayare eta uwana eta tatiari'ikeneana te juka apake'e, taicha tiya'awakaipa'i!”

Apocalipsis 16:7

Nusamawarepa eta ma'u ema apana taye'e eta tavirare eta námawa'uasana, tiáma'i eta mayukuneasa ema Viya, ánipa maka'e'i: “Tata, tétavikawapa eta pítupajijiasirawa. Pitupiruwa'i eta píkuñasirawaka'i ena tikaviurewana'i.”

Apocalipsis 19:10

Népuyukapa te máiwapechakaya ema ángele, nuwara'apa nutsiukayare'ini, émasera máichanupa: “Wa'i pikutsiukanu, taicha núti'ichu'i pikutikenenu'i mawanaranu'i ema Viya, énapa ena pichamuriana'i títauchana'i eta mawanairipiana ema Jesús. Ema Viya, ema tatuparakavi'i pitsiukayare.” Taicha éti'ichu'i vikutikeneana eta vikametarairuira eta máechejiriruwa ema Jesús.

Apocalipsis 2:13

Nuti nímati tamutu eta píchakeneana'i, eta piavi'aira'i te mawasa ema Wínaraji, wá'isera ínajikawa'ini, étumechawaichucha eta é'isiranu'i nuti. Étaipa te íma'apa eta nakapasira'i ema nuchaneraini Antipas, yátupikene'i eta masuapiranu'i ema, ena machanerana'i ema Wínaraji nakapaka'i ema te jena iávi'a'i eti.

Apocalipsis 20:4

Níma'warepa eta trono, tejakana'i taye'e, ena tijachapana'i eta natupara'ana juéseanaipa'i. Níma'awarepa eta nachanewana ena achaneana, ena táimikaparuana'i eta náe'isira'i ema Jesús, étaipa eta nakametarairuira'i eta máechejiriruwa ema Viya. Ena nani, wa'i náepuyumiraucha'ini eta útsutsure, wá'iware natsiuka'ini eta máima'i nasiñaraji'i ena apamuriana achaneana, wá'iware náwara'a'ini nanaka eta naikutiara eta te nana'u étapa te nawa'u. Níma'awarepa eta nachavirapa titarekana, tási'a tiapechawanainapa katupara'ana, nakáchanenapa ema Viya, mil añu eta nakatupara'airayare.

Apocalipsis 8:3

Tási'a, títekapawarepa ema émana ángele, mámapa'i eta censario, amairi'a uru. Ema ángele titupi'apa te tamira'u eta námawa'u, tási'a náijarakapa eta incienso tisimuri. Taka'e, makaratakapa eta censario, makapusisiakapa, takachanepaipa eta nayujarasirana namutu ena machanerana ema Viya.

Apocalipsis 9:13

Te tikachujapa ema apana ángele, nusamapa eta ma'u ema apana te tápusi eta kuátrukene esquina taye'e eta mesa uru, tiávi'a'i eta mámawa'u te mamira'u ema Viya.