Apocalipsis 5:6 - Táurinakene máechejiriruwa’i ema Viya tikaijare

⁶ Taka'e, níma'awarepa ema Jesús, tikaijare'iware Cordero. Titupi'a'i ema te tamira'u eta trono, nachayaka'i ena kuatrukeneana ekutiarareana énapa ena víyara'ana tuparairukana. Níma'a'i eta majara, taicha táimikapaka'i ema eta makaepa'aira'i eta vipekaturana viti achaneana. Siete eta maji'uana, eta juka táikutiara'i eta akenukaira'i. Siéteware eta máuki'ana. Eta juka táikutiara'i eta tamutuira'i máimatikene'a, taicha nawana'i'i ena siéteana arcángeleana maye'e ema Viya, eta náimararasiraya tamutu eta apake'e.

Ignaciano

⁶ Tacahe, nímaha­varepa ema Jesús, ticaija­re­hivare Cordero. Titupihahi éma te tamirahu eta trono, nachayacahi ena cuátroqueneana ecutia­rareana énapa ena víyarahana tuparai­rucana. Nímahahi eta majara, taicha táimica­pacahi éma eta macaepa­hairahi eta vipeca­turana viti achaneana. Siete eta majihuana. Eta juca táicutiarahi eta aquenu­cairahi. Siétevare eta máuquihana. Eta juca táicutiarahi eta tamutuirahi máimati­queneha, taicha navanahihi ena siéteana arcángeleana mayehe ema Viya, eta náimara­ra­siraya tamutu eta apaquehe.

Apocalipsis 5:6 ပူးပေါင်းရင်းမြစ်များ

San Lucas 1:69

Mawaneka'i ema yátupikene Makatiuraiwa, ema émana'i mámariekene'i ema David, ema mawanaraini'i ema Viya.

San Juan 1:29

Te apanapa sache, máima'apa ema Juan eta mapauchirapaipa'i ema Jesús. Taka'e, máichawakapa ena achaneana: “¡Íma'a, márajapa ema Wanairuka me Viya. Ema, tikaepa'ayare eta vipekaturana te juka apake'e!

San Juan 1:36

Te máima'apa ema Juan, tiánuku'apaipa'i ema Jesús, máichawakapa: –¡Íma'a, ema maena Jesús, éma'i ema, wanairuka'i me Viya!

Hechos 8:32

Eta máechejikurepa'i ema achane, ani taka'e'i: “Takutipa eta uvesa eta námira'i te matadero, takuti'i eta chikeru wa'i taituka katiuchawa te namira'u ena tiamanapa'i, ema wa'i maéchejiuchawa'ini, timatinaichucha

Apocalipsis 1:4

Nuti Juan nukajure'e eti siétemuriana nuchamuriana'i éjanereruana'i taye'e eta tinapaika te Asia. Nuwara'a makatajika'e'ini ichape ema Tata Vikaiyakene, émapa ema Jesucristo. Táuri'iwareni eta epanereruana. Te tamira'u eta máejasi'a'i trono, natiari'i ena siétekeneana maye'eana arcángeleana,

Apocalipsis 12:11

Ena vichamuriana naita'aka'i taicha eta maepusaisira'i eta maitine ema Cordero tási'a náimimaticha'i, eta máechejiriruwana ema Viya, wa'i napikakawawaka'ini eta náitaresira, tijarakawana'i te náepenirayare'i.

Apocalipsis 13:8

Eta akane te tépanawainapa eta apake'e, tatiari'i eta Ajureka tiama eta najukunana ena títarekanaya te apana vítaresira, makarataru'i ema nakaparu'i Cordero, natiari'isera ena apamuriana achaneana tikawasana te juka apake'e, tájina'i eta nájukunaina'ini taye'e eta Ajureka, ena nani ena titsiukanayare eta Útsutsure.

Apocalipsis 14:1

Níma'apa ema Cordero, titupi'a'i te tikaijare'i Sión. Te machakaya natiari'i'i ena 144 mil keneana ena achaneana ena té'ikana'i ema. Ena tatiari'i'i eta naikutiara'i te nana'uana eta máijare ema Cordero émapa ema Maiya.

Apocalipsis 17:14

Taka'e, ena nani nakanarainapa ema Cordero, wá'isera nárata'aima'i, máita'akawakayare'i ema Cordero. Taicha ema, yátupikene'i Rey, Akenuka'iware, mawaneka'i ena reyeana énapa ena akenukana, natiari'iyarewa ena makachanekeneanayare ema, nakanerejikene'i eta máichuira'i ema Viya, taicha, yátupi'i eta náe'isira'i ema.”

Apocalipsis 21:22

Te jena awasare, tájina níma'a'ini eta templo nayujarasiraréna'ini. Tájina tákamunu'ini eta nayujarasirareyare, taicha matiari'i'i ema Viya máitupajiji'akene máituruekene'aware tamutu, émapa ema Cordero.

Apocalipsis 21:23

Takutikene, wa'i tákamunu'ini eta sache, étaipa eta kaje eta tamikauchiraina'ini eta awasare, taicha tamikaucha'i eta majaraiwa ema Viya, émapa ema Cordero.

Apocalipsis 22:1

Ema ángele tímechanuwarepa eta tapachinakene kajakure, tétavikawa'i eta takaitarekaraiwa'i eta ta'unera. Takutiyaréni eta cristale eta tajararaesira. Eta táuchusi'a'i eta maye'e trono ema Viya, émapa ema Cordero.

Apocalipsis 22:3

Tájinapa tímiapechaima'i tiviuchaima'i ena achaneana tikawasana taye'e eta juka awasare, eta máejasi'a'i ema Viya, émapa ema Cordero, tási'a ena mawanarana, máitawakakayare'i eta najirauchirayare'i, étapa eta natsiusirayare.

Apocalipsis 4:8

Taka'e, ena nani kuatrukeneana, saisi eta napawana. Tikauki'awakaware amairi'a eta napawana. Ena nani, wa'i táechuki'a'ini eta nakunachira'i ema Viya, ema akanewakakene eta máitaresira'i. Tamutu'i sácheana, yátiana naka'e'i: “Santu, Santu, Santu, tétavikawa'i eta pisantuwa, piti Tata, tétavikawa'iware eta pítupajijiasirawa'i, Puiti vi'asulupayachavi'i eta pichaviraya”

Apocalipsis 5:11

Tási'a, nusamawarepa eta na'u ena kamurikeneana ángeleana nachayaka'i eta trono, eta návi'a'i ena kuatrukeneana ekutiarareana, énapa ena tuparairukana. Tétavikawa eta nasimutuwa'i ena,

Apocalipsis 5:12

Énerichuware tijirana muraka: “¡Piti Cordero, piti nakaparu'i, pikarichu tatuparaka'i pijakapayare eta pitupajijiasirawayare etapa eta piurikakarewayare, Tétavikawa eta pímatiekene'aira'i tamutu etapa eta pitumewa'i, Tétavikawa eta pipikauchakarewa'i, tétavikawa eta pikunachakarewa'i, tijara'i visama te vijirauchavi!”

Apocalipsis 5:13

Nusamaware eta ta'u tamutu eta máepiyaruana'i ema Viya, eta tiávi'ana'i te anuma, étapa eta tiávi'ana'i te apake'e, énerichuware eta tiávi'ana'i te ama'e eta apake'e, étapa eta tiávi'ana'i te ichape une. Ánipa taka'e'i: “¡Ema tejaka'i te maye'e trono, ema tikaijare, Cordero, eti, tétavikawa eta ekunachakarewa'i. Eti, tétavikawa eta epikauchakarewa'i máitawakakayare eta vitsiusira'eyare!”

Apocalipsis 5:14

Énapa ena kuatrukeneana ekutiarareana najikapapaipa: “¡Amén!” Tási'a, ena véintikuatrukeneana víyara'ana tépuyumuri'anapa, natsiukapa.

Apocalipsis 6:16

ánipa naka'e: “¡Vikavi eta ichapekeneana mari, apaesa wa'i makuima'a'avi ema Viya, apaesa viúchuku'a taye'e eta táiñe'ikene máikuñaraki ema Cordero!