Apocalipsis 4:8 - Táurinakene máechejiriruwa’i ema Viya tikaijare

⁸ Taka'e, ena nani kuatrukeneana, saisi eta napawana. Tikauki'awakaware amairi'a eta napawana. Ena nani, wa'i táechuki'a'ini eta nakunachira'i ema Viya, ema akanewakakene eta máitaresira'i. Tamutu'i sácheana, yátiana naka'e'i: “Santu, Santu, Santu, tétavikawa'i eta pisantuwa, piti Tata, tétavikawa'iware eta pítupajijiasirawa'i, Puiti vi'asulupayachavi'i eta pichaviraya”

Ignaciano

^8-9 Tacahe, ena nani cuátroqueneana ecutia­rareana tiávihanahi tayehe eta trono, sáisivaca eta napavana. Ticauqui­ha­va­cavare amairiha eta napavana. Ena nani, vahi táechuqui­hahini eta nacuna­chirahi ema Viya, ema acane­va­caquene eta máitare­sirahi. Tijiranahi tamutu sácheana, yátiana. Ánipa nacahe: “Tétavi­cavahi eta pisantuva, piti Tata. Tétavi­ca­va­hivare eta pítupa­ji­jia­si­ravahi, píturue­queneha tamutu. Piti pitiari­hi­quenehi te tépana­vainapa eta apaquehe. Puiti pinasi­ri­chuvare eta viyehe. Pítiri­chuvare pinasiyare te táitavapa tamutu. Puiti vihasu­lu­pa­ya­chavihi eta pichane­ra­havihi” nacahepa ena ángeleana.

Apocalipsis 4:8 ပူးပေါင်းရင်းမြစ်များ

Hechos 20:31

Tási'a, ekaunewaicha yátupina, échawayare eta mapanakene añu eta nutiari'ira'i eye'e, tamutu'i sacheana, yátiana nechejirika'e'i, émanapachu'i numetaka, níya'asamure'i taicha eta nímaira'e'i.

2 Corintios 6:18

Nuti yátupikenenuyare'i Ekaiyakenenu'i eti. Nuchichanaveana'i, ema Viya máitupajiji'akene'i.”

1 Tesalonicenses 2:9

Nuparapenaveana, te vinasikeneipa eta eye'e, eta vikametarairuira'i eta máechejiriruwa ema Viya, ímararaka'avichu'i eti eta vikaematanera'i muraka eta vítatijirisirawa'i. Tamutu'i sácheana, yátiana vikaematane'i, taicha wa'i wáwara'a'ini vétsepanaraka'e'ini eta vinikakenerepi.

1 Timoteo 4:16

Péchapawaicha yátupina eta pímituresira'i eta juka vé'iru'i. Pítijiwa pipamikawa pítauchayare tamutu. Te pítaucha eta juka, pikuchuku'awayare píti, énapa ena pímitureana'i.

2 Timoteo 4:2

eta taka'e, pímiyanawachucha pikametarairu eta máechejiriruwa ema Viya te jákani pítujisirawana. Pékatiakawakaicha muraka ena téjekapawana'i. Pechejikawaka, pétumechawaka ena, apaesa tiúri eta napanereruana. Pakamichasera eta pímitusirawakaya namutu.

Hebreo 13:8

Ema Jesucristo, wa'i máitsiwacha eta máuriwa'i eta viye'e. Manasi'i puíticha, étapa eta apajara'iyare.

Apocalipsis 1:4

Nuti Juan nukajure'e eti siétemuriana nuchamuriana'i éjanereruana'i taye'e eta tinapaika te Asia. Nuwara'a makatajika'e'ini ichape ema Tata Vikaiyakene, émapa ema Jesucristo. Táuri'iwareni eta epanereruana. Te tamira'u eta máejasi'a'i trono, natiari'i ena siétekeneana maye'eana arcángeleana,

Apocalipsis 1:8

“Nútira nunakucha'i eta táepanirawa'i eta apake'e, núti'ichuware nécha eta táimiyanirawaya tiuri, néchayarewa eta táitavirayare tamutu,” maka'e'i ema Viya, tétavikawa eta máitupajijiasirawa, máituruekene'a'i tamutu, ema, matiari'ikene'i te tépanawainapa, puiti manasi'ichu'i eta viye'e, émarichuwa manasiyare te táitawapa tamutu.

Apocalipsis 11:17

ánipa naka'e: “Vi'asulupayachavi, Tata. Tétavikawa'i eta pítupajijiasirawa'i, píti pitiari'ikene'i te tépanawainapa eta apake'e, pinasi'ichu'iware puiti eta viye'e. Puiti péjakapa taye'e eta piáwakure ichapekene,

Apocalipsis 14:11

Máichekuarakireyare eta nakaikuñairayare, tájina tikaema'aima'i eta yuku, támutu sácheana, yátiana naka'eyare te yuku ena tijirauchana'i titsiukana'i eta Útsutsure, tiámana'iware eta taikutiara, takuna eta máijare'i eta nasiñaraji.”

Apocalipsis 14:3

Tási'a tijirana'i eta arapiru'i najirasa'i te tamira'u eta te trono, tási'a étapa te návi'a'i ena kuatruana ekutiarareana, énapa ena víyakara'ana. Nájina apanaina títukaina eta najirasa'i. Nakarichu títukana'i ena ciento cuarenta y cuatro mil. Ena nani náuchukureana'i te namuri ena tikawasana'i eta te juka apake'e.

Apocalipsis 15:3

Tási'a tijirana'i eta jirasare majirasaini ema Moisés, mawanaraini ema Viya. Eta jirasare maye'e ema Cordero, ani taka'e'i: “Píti ichapekenevi'i akenuka, tétavikawa eta pítupajijiasirawa. Tamutukene'i píturuekene'a. Tétavikawapa eta táramikarewa'i eta pépiyaruana'i. Tiúrikakare'iware eta pinakipairuana'i. Wa'i apánapanenejina'ini eta péchejiriruwana. Píti akenukavi'i, péchaya tamutu awasareana.

Apocalipsis 15:7

Tási'a, ema émana ekutiarareana nakuatrune'i. Máijarakawakapa étasiwaka eta escudilla uru ena siétekeneana ángeleana. Te taju'e eta escudilla tamapa'i eta táiñe'ikene ekuñaraki táikutiara'i eta masemanewa ema Viya, ema akanewakakene'i eta máitaresira.

Apocalipsis 16:14

Ena'i ena nachanewana ena ereanana, ena tíchana'i eta tiáramikareana tawayuarakiana'i naye'e ena akenukana te tamutu awasareana, nawaraira'i nakurujikawakayare, eta nae'akakairayare'i te taitekapapa eta jena sache masachera ema Viya máitupajijiakawakene'i.

Apocalipsis 16:7

Nusamawarepa eta ma'u ema apana taye'e eta tavirare eta námawa'uasana, tiáma'i eta mayukuneasa ema Viya, ánipa maka'e'i: “Tata, tétavikawapa eta pítupajijiasirawa. Pitupiruwa'i eta píkuñasirawaka'i ena tikaviurewana'i.”

Apocalipsis 19:15

Te majaka tiúchukapa eta tawasima'i eta takasirikene espada eta makapasi'ayare ena mánarana. Makarataka'i eta matsukurupa fiérroki eta makurujisirawakaya. Tási'a émaichuware makatayayajikawakayare ena mánarana, takutiyare eta nákatayayajisira'i eta uwa eta nakuchusira'i eta tachi. Taicha tétavikawa'i eta náimiyusemasira'i ema Viya ema máitupajiji'akene'i.

Apocalipsis 19:4

Tási'a, ena véinticuatrukeneana víyakara'ana, énapa ena kuatrukeneana ekutiarareana tépuyumuri'anapa te mamira'u ema Viya, ema téjaka'i te trono, natsiukapa eta nakunachira'i. Ánipa naka'e: “¡Amén! ¡Aleluya!”

Apocalipsis 21:22

Te jena awasare, tájina níma'a'ini eta templo nayujarasiraréna'ini. Tájina tákamunu'ini eta nayujarasirareyare, taicha matiari'i'i ema Viya máitupajiji'akene máituruekene'aware tamutu, émapa ema Cordero.

Apocalipsis 3:7

“Pikajureyare eta juka numetarapiana'i ema tikametarairura'i naye'e ena pichamuriana tikawasana'i te awasare Filadelfia: ‘Ani maka'e'i ema yátupikene'i Viya, yátupikene'iware eta masantuwa'i, makarichu'i ema técha'i eta tapajakura eta arairuyare awasare Jerusalén, takuti eta máechapajirisira'i ema náchukaini rey David eta táinapuiruini'i Jerusalén.

Apocalipsis 4:4

Te távi'a'i eta ichape trono, tavikuaka'iware eta véinticuatru trono. Natiari'iware ena véintikuatruanaware téjakana'i taye'e, víyara'ana tuparairukana: tijapu amairi'a eta namuiri'ana. Namutu tikaye'eana'i corona te nachutiana, amairi'a'i uru.

Apocalipsis 4:6

Tijararakaware te tamira'u eta trono takutipa eta tajara'iwa'i eta ichape une. Natiari'iware ena kuatrukeneana tijanearekana'i te machakaya ema Viya. Ena, ekutiarareana eta máitupajijiasirawa. Takutima'i tikauki'awaka'i te namira'u té'epa nachepa. Tikauki'awaka'i amairi'a'i eta te nake'eana.

Apocalipsis 4:9

Ena ekutiarareana na'asulupayacha'i. Puiti pinasi'ichuware eta viye'e. Píti'ichuware pinasiyare te táitawapa tamutu. Piti pitiari'ikene'i te tépanawainapa eta apake'e.

Apocalipsis 5:6

Taka'e, níma'awarepa ema Jesús, tikaijare'iware Cordero. Titupi'a'i ema te tamira'u eta trono, nachayaka'i ena kuatrukeneana ekutiarareana énapa ena víyara'ana tuparairukana. Níma'a'i eta majara, taicha táimikapaka'i ema eta makaepa'aira'i eta vipekaturana viti achaneana. Siete eta maji'uana, eta juka táikutiara'i eta akenukaira'i. Siéteware eta máuki'ana. Eta juka táikutiara'i eta tamutuira'i máimatikene'a, taicha nawana'i'i ena siéteana arcángeleana maye'e ema Viya, eta náimararasiraya tamutu eta apake'e.

Apocalipsis 6:1

Taka'e, níma'apa ema Cordero te mavepistakapa eta tínapuka sipi sello, tási'a, nusamapa ema émana ekutiarare'i, eta ma'u takutichucha tirure'ucha, ánipa maka'e: “¡Yare, piúchuka!”

Apocalipsis 6:6

Nusamawarepa eta ma'u ema apana te namuri ena panakeneana ekutiarareana, ani maka'e'i eta máechejiruwa'i: “Tikatajiwanayare ena tikaematanera'iana, waipa tisiwachaima'i eta mawacha mákani achane, etanaichu kilo eta trigo eta nawachayare eta etana sache, mapanaichuware kilo eta cebada eta nawachayare te etana sache. Wa'isera pikuemepurureka eta aceite comer, étaipa eta vino wa'iware pikuemepurureka.”

Apocalipsis 7:11

Táis'a, namutu ena ángeleana titupi'ana'i te tachakayaka'i eta trono, tási'a nachayaka'iware ena kuatrukeneana ekutiarareana'i, énapa ena víyakara'ana. Tási'a, tépuyukanapa te tamira'u eta trono, tétipaimuri'anapa, natsiukapa ema Viya

Apocalipsis 7:15

“Eta taka'e, titupi'ana'i te tamira'u eta trono mávi'a'i ema Viya, tási'a tamutu sácheana yátiana naitati'i te maye'e'i templo. Ema tejaka'i te trono ema majaneakawaka'i.