Apocalipsis 22:6 - Táurinakene máechejiriruwa’i ema Viya tikaijare

⁶ Máichanuwarepa ema ángele: “Eta juka nímeruvi'i, yátupikeneya eta, tamutuyare títauchawa, je'eware eta tisuapakareana. Taicha émaichu'i ema Viákenu Viya ema timitukawaka'i ena profetana akaneni, mawa'aka'i ema machanewa Viya, mawaneka'i ema ángele, ema timitukawakayare'i, ena mawanarana ema Viya, eta tane'irainapa titauchawa tamutu.”

Ignaciano

⁶ Máichanu­varepa ema ángele: —Eta juca nímeruvihi, yátupi­queneya eta táichara­ra­cavaya. Tamutuyare títauchava. Jéhevare eta tisuapa­careana. Taicha émarichuhi ema Viya tivane­canuhi eta nímitu­siravi píti. Acane ema Viáquenu máimitu­ca­vacahi ena profetana eta mapane­reruana. Puiti mavaraha nímecha­heyare eti mavane­ranahi eta táequene­re­ruhana mapane­reruana, tayehe eta táijahú­chi­rainapa eta táichava­que­nevaya.

Apocalipsis 22:6 ပူးပေါင်းရင်းမြစ်များ

San Mateo 13:41

Nuti manerejirunu ema Viya nuwanekaya ena nuye'eana ángeleana, nave'aya namutu eta namaeperajikeneana, tichana'i eta tamaurikeneana. Ena naemejekapawaraka ena apamuriana achaneana.

San Lucas 1:70

Etaipa'i eta juka maikure'avi'i eta akane naye'e ena santo profetanaini:

San Lucas 16:16

“Eta naimiturapianaini'i ena nainapureanaini'i profetanaini ticheku'apa eta maítekapira'i ema Juan tikachasirikara'i, étapa taepaninewa'i eta Arairu maechejiriruwa, eta masiapiraina ena te mawasa ema Viya akenuka te anuma, taicha nanutu nawara'a tisiapa taye'e.

Hechos 12:11

Ema Pedro mapaenumawapa makaikutiara'i, tási'a maka'epa: “Níma'apa puiti eta yátupira'i tijaneakanu'i ema Viya. Mawaneka'i ema ángele tikuchuku'apananu'i eta makapasiranuyare'ini ema Herodes.”

Hechos 3:18

Étasera taka'eyare'i eta juka taicha máechejiriruwaichu'i ema Viya nametakasiwa'i ena profetana eta makatajiwairayare'i ema Cristo.

Romanos 1:2

Ema Viya, ánakiapaipa'i eta juka mametasirawaka'i ena víyara'anaini profetana eta mapanerechira'i eta makuchukuiraya ena achaneana, taye'e eta Santukene Ajureka.

1 Corintios 14:32

Ena tikametarairuana tatuparaka'i tikuchapawanayare. Wa'i tikainapupuikawanaima'i.

1 Corintios 7:29

Tiuri, nuparapenaveana, nuwara'a numetaka'e: Tikutima'i ánipine eta juka vítaresiraya puiti juka vikaiju'eyare. Eta taka'e, ena nakaparapekeneanapa wa'i etainayare ta'apapirikawaka eta ekaemataneasira ema Viákenu, wa'i takukarichu eta ekaeñamasirawa naye'e ena eyenana,

2 Tesalonicenses 1:7

étisera, tikanaraka'eyare ema Viya eta ekatajiwairana, vikutikakainapa eta vinarasirayare te mamira'u ema Viya, vinarakainapa vimutu, te máitekapapa ema Viákenu Jesús, mápechirawaya títeka, mási'airaya te anuma, te jena sácheyare, mámayarepa'i ena maye'eana ángeleana, tíñe'ianainapaipa máicha, takutinapaipa eta ichapekene yuku eta máukupaisirayare.

Hebreo 12:9

Takuti'i eta vijurusira'i víti te amuya'avicha'a, témechareka'avi'i ena tikachicha'aviana, visuapawakapa táicha, tási'a, tavetijipa eta visuapirayare'i ema Tata Vikaiyakene'i apaesa ema tíjaraka'aviyare'i eta táuriwayare'i eta vítaresiraya.

2 Pedro 1:21

taicha ena víyara'anaini profetana, wá'iware nave'akenena'ini te nachutiana eta nájuekene'aira'i eta máechejiriruwana ema Viya, ema Machanewa Viya éma'i tímitukawaka'i eta nájuekene'aira'i.

2 Pedro 3:2

Nuwara'aware yátupina eta esuapiraina eta Takapika'ukene Ajureka nájureana'i eta akane ena víyara'anaini santu profetana, étapa eta máimiturapiana ema Viákenu Makatiura'ikene, étaichu'iware vímiturapi'i puiti eta eye'e viti apústuleana.

Apocalipsis 1:1

Ema Tata Vikaiyakene mawara'a'i tímimaticha'aviyare eta táichararakawayare eta apake'e, apaesa vecha viti mawanarana'i. Ema máimecha'i eta juka, ema machicha Jesucristo. Tási'a, ema Jesús mawanekapa ema ángele mametapanayare'i ema Juan mawanara'i,

Apocalipsis 18:20

Iúrisamurekarepa puiti eye'e eti iávi'ana'i te anuma, emutu eti machanerana'i ema Viya étipa eti apústuleana, étipa eti profetana, taicha máitsirijiekene'aipa puiti ema Viya tamutu eta táemekatajiwachira'e'i eti.

Apocalipsis 19:9

Ema ángele máichanupa: “Piájuchayare eta juka: ‘Tétavikawapa eta náurikakarewa nákani nakaichu'asikeneana'i taye'e eta táurinakene mapiestara ema Cordero.’ ” Tási'a, máichanuwarepa: “Eta jukana, eta yátupikeneana'i máechejiriruwana'i ema Viya.”

Apocalipsis 21:5

Taka'e, nusamawarepa eta ma'u ema Viya te maye'e trono ánipa maka'e: “Puiti tépanawapa arairu, tamutupa tikaitsiwa nicha nuti.” Tási'a, ániware maka'e: “Piájuchayare puiti eta juka, taicha yátupikeneya eta táichararakawaya, tamutuyare títauchawa, je'eware eta tisuapakareana.”

Apocalipsis 21:9

Taka'e, tipauchanupa ema émana ángele nasietene'i ena tikaratakana'i eta siétekene escudilla tiámapa'i eta siétekene ekuñarakiana táiñe'ikeneana, tási'a, máichanupa: “Yare, nímechaviyare eta awasare, návi'a'i ena machanerana ema Cordero. Tímikutijirikawa'i esu araima sukaetupiri'ikene'i eta suítauchirawayare.”

Apocalipsis 22:1

Ema ángele tímechanuwarepa eta tapachinakene kajakure, tétavikawa'i eta takaitarekaraiwa'i eta ta'unera. Takutiyaréni eta cristale eta tajararaesira. Eta táuchusi'a'i eta maye'e trono ema Viya, émapa ema Cordero.

Apocalipsis 22:16

Maka'eware ema Viákenu: “Nuti, Jesús, nuwaneka'i ema nuye'e ángele máimikaecherachayare'i tamutu eta juka numetarapiana puiti eye'e eti nuchanerana te awasareana. Nuti, yátupinu'i Rey'i ekuchapakene'i, mawanerunu'iware ema Tata. Tétavikawa'i eta nujaraiwa'i taicha eta akenukairanu'i ichape.”

Apocalipsis 22:7

“¡Níja'uchawanenapa nútijapa! ¡Tétavikawa eta náurikakarewaya ena tisuapana'i, napanerekene'aira'i eta nametarapi, te juka Ajureka maechejiriruwa ema Viya!”

Apocalipsis 4:1

Te táekenepa eta juka, níma'awarepa téjiaka'i eta anuma; nusamawarepa eta ma'u ema, émaichu'i ema tínapuka'i téchejikanu'i. Tirure'ucha eta ma'u. Tíchu'anupa, ánipa maka'e: “Yare, piápana. Nuwara'a nímechaviyare eta táicharakawayare puiti juka vikaiju'eyare.”