Apocalipsis 22:20 - Táurinakene máechejiriruwa’i ema Viya tikaijare

²⁰ Mákani títametaka'i eta júkana, maka'e'i: “Tiuri nútijapawaneyare.” Amén ¡Yarepa, Tata Jesús!

Ignaciano

²⁰ Émarichu ema Viáquenu títame­tacahi tamutu eta júcana. Éneri­chuvare máichahehi: —Yátupi nútija­pa­va­neyare —macahehi. ¡Jéheya­vapuca, Tata Jesús! ¡Píteca­va­nepaini! Amén.

Apocalipsis 22:20 ပူးပေါင်းရင်းမြစ်များ

San Juan 21:25

Jukari'icha'a eta apamuriana máichakeneana'i ema Jesús. Wáipasera támutu'ini nájuekene'a'ini, taicha tétavikawa'i eta táichapemuriwa'i. Te vítametakapukaini tamutu eta máichakeneana'i, wáipapuka nakurata'a'ini naítuka, namutu'inéni ena achaneana te juka apake'e tiájuekenera'iana.

1 Corintios 16:22

Nákanisera máesachara'ana'i ema Viákenu náimainawapainepa ena eta náikuñayare te machawapa. ¡Tata Viákenu, pítekawaneni!

2 Timoteo 4:8

Puiti etanecha nukuchapa'i eta jena sácheyare eta máijarasiranuyare eta níjarakasiya me Viákenu, taicha eta né'isira'i yátupi. Ema, máitauchayare'i eta máijarasiranuyare eta níkuchi'i maye'e. Wá'iwaresera nákarichuima'i nuti nukaijarakasiyare. Éneichuwa máijarakayarewa namutu nákani tikuchapana'i eta machaviraya.

Hebreo 10:37

Taicha eta Takapika'ukene Ajureka, taka'e'i: Tiane'ipa, tiane'ipa, eta máitekapiraya ema vikuchapakene'i. Waipa máyerema'i.

Hebreo 9:28

éneichuware ema Cristo, éta'eichu'i eta máepenira'i makaepa'airayare eta vipekaturana viti kamurikeneana achaneana. Yátupisera tiápechawaya tímerekawa, wáipasera étaima'i tímiteka mawachachaya eta pekatuana. Eta tímitekayare ema, tépana'aviyarepa viti vé'ikana'i vikuchapana'i ema eta makuchukuira'aviyare'i.

Apocalipsis 1:18

taka'e nutiari'i nitareka'i, taicha nuchawa'i nítareka te táekenepa eta nakapasiranu'i. Puitisera nuchawapa nechepuka máichekuarakirenapa eta nítaresira. Núti'ichuware necha'i eta tasiaparaku'i eta mawasa ema Tata, enapa ena naepenakeneana. Nukaechepukayare eta náke'eana ena náepenakeneana nákani níchu'akeneanayare.

Apocalipsis 1:2

Takuti eta yátupi'i nukametarairuira'i eta máechejiriruwana ema Viya, étaichu'i eta máimiturapiana ema Jesucristo, puiti nutupiruwa numetaka'e eta juka numetakasiwana'i.

Apocalipsis 2:16

Eta taka'e, éñeuchawayare me Viya eti éjekapawana'i, te wa'i ekueñauchawa, nútijapayare némecharepana'eyare taye'e eta takasirikene espada táuchurekene'i te nujaka.

Apocalipsis 22:10

Énerichuware máichanuwarepa: “Wa'i pikueñaucha eta juka wanairipi, pimetajirika eta juka pimetakasiwana'i eta máechejiriruwa ema Viya piájuchakeneana eta te juka Ajureka, taicha tiáne'ipa eta táitauchirawayare tamutu eta táichararakawayare'i.

Apocalipsis 22:12

Ániware maka'e ema Viákenu: “Nútijapawanenapa, namayarepa'i eta náijarakasianayare, émanaichusera tijakapayare eta naikuchi'i, etapasera tiamayare eta naichakeneana'i te tiuripuka wa'ipuka, ena tikaemataneakanuana'i eta náitaresira'i te juka apake'e, éneichuware námayarepa'iware eta naye'eanayare ena masuapajiraira'ana.

Apocalipsis 22:18

Emutu eti esamayare eta juka mametarapiana ema Viya, takajukeneana'i te juka libro, nuwara'a numetaka'e: Nákani nawayuyupika eta táechejisi'akeneana'i eta juka libro, éneichuware ema Viya mawayuchinayare eta nakatajiwairayare taye'e eta juka ekuñarakianayare táechejisi'akeneana'i.

Apocalipsis 22:7

“¡Níja'uchawanenapa nútijapa! ¡Tétavikawa eta náurikakarewaya ena tisuapana'i, napanerekene'aira'i eta nametarapi, te juka Ajureka maechejiriruwa ema Viya!”