Apocalipsis 22:18 - Táurinakene máechejiriruwa’i ema Viya tikaijare

¹⁸ Emutu eti esamayare eta juka mametarapiana ema Viya, takajukeneana'i te juka libro, nuwara'a numetaka'e: Nákani nawayuyupika eta táechejisi'akeneana'i eta juka libro, éneichuware ema Viya mawayuchinayare eta nakatajiwairayare taye'e eta juka ekuñarakianayare táechejisi'akeneana'i.

Ignaciano

¹⁸ Emutu eti esamayare eta juca mameta­rapiana ema Viya tacaju­que­neanahi te juca libro, nuvaraha numetacahe núti: Nácani navayu­yu­pi­cayare eta táechaji­si­ha­que­neanahi eta juca libro, éneri­chuvare ema Viya mavayu­chi­nayare eta nacata­ji­vai­rayare tayehe eta juca ecuña­ra­quia­nayare táechaji­si­ha­que­neanahi.

Apocalipsis 22:18 ပူးပေါင်းရင်းမြစ်များ

San Mateo 15:13

Émasera májikapapa: –Jákani sukurekana, wa'i masukurena ema Tata nukaiyakene te anuma, tikavepurikasiyare.

Efesios 4:17

Eta juka numetarapiana eye'e, nutuparaka'eicha, taicha matupararunu'i ema Viya: waipa ekuapecha ekukicha eta náichakeneana'i ena máimatira'ana'i ema Viya, náicha'i ena eta náitaresira'i jákani tawara'akeneana'i eta napanereruana

1 Tesalonicenses 4:6

Nakuija nakuve'a esu mayena ema mákani echamuri. Taicha ema Viya, yátupi eta máikuñasirayare nákani ena tíchana'i eta juka. Étaichu'i eta vímiturapiana'i eye'e kape juka te vítekainapa eta ara eye'e.

Apocalipsis 1:3

Tétavikawa eta náurikakarewaya ena téchejiku'anaya eta juka máechejiriruwana'i ema Viya. Éneichuware tétavikawa eta náurikakarewaya namutu ena tisamanaya tisuapanaya eta juka. Taicha tiáne'inapa eta táitavirayare tamutu.

Apocalipsis 15:1

Níma'awarepa te anuma eta apana ekutiarare, natiari'iware ena siétekeneana ángeleana, tikatuparakasianapa ena eta nakamirisirayare'i eta siétekene ekuñarakiana te apake'e, eta masemanewa'i ema Viya.

Apocalipsis 15:6

Níma'apa tiúchukana'i ena siétekeneana ángeleana, enakene'i ena tikatupara'ana'i eta siétekene ekuñarakiana. Eta namuiri'ana, amairi'a eta lino tijapu tirapepeakawaka. Eta náitiju'eana ichapemewaka, títekapawaka te natupana.

Apocalipsis 19:20

Eta Útsutsure nakaratakapa emapa ema Falso Profeta, eta tímerekaparakaini'i eta ekutiarare tiáramikareana, te mamira'u. Taka'e eta maimeresira'i eta tiaramikareana naye'e ena achaneana, ena tisapawana'i manaka eta taikutiara eta Útsutsure, énapa ena titsiukana'iwa eta máima'i ema útsutsure. Taka'e, nakaratakapa eta útsutsure, émapa ema Falso Profeta, náepujukichapa taye'e eta táijurekene yuku táetiraraisina eta tamuruira.

Apocalipsis 20:10

Tási'a ema Wínaraji, ema tiwayuarekaini'i, nakaratakapa náepujukichapa taye'e eta táijurekene yuku, táetiraraisina eta tamuruira, étaipa eta mávi'a'i ema útsutsure, émapa ema Falso Profeta. Tájina nanarasiraima'i, tamutu sacheana yátiana, máichekuarakireya eta nakatajiwairaya.

Apocalipsis 20:15

Tasi'a etapa ánaki, nakakijiya'i ena tájina'i takaju'ini eta náijarena, taye'e eta Ajureka máitawakaka.

Apocalipsis 22:10

Énerichuware máichanuwarepa: “Wa'i pikueñaucha eta juka wanairipi, pimetajirika eta juka pimetakasiwana'i eta máechejiriruwa ema Viya piájuchakeneana eta te juka Ajureka, taicha tiáne'ipa eta táitauchirawayare tamutu eta táichararakawayare'i.

Apocalipsis 22:16

Maka'eware ema Viákenu: “Nuti, Jesús, nuwaneka'i ema nuye'e ángele máimikaecherachayare'i tamutu eta juka numetarapiana puiti eye'e eti nuchanerana te awasareana. Nuti, yátupinu'i Rey'i ekuchapakene'i, mawanerunu'iware ema Tata. Tétavikawa'i eta nujaraiwa'i taicha eta akenukairanu'i ichape.”

Apocalipsis 22:7

“¡Níja'uchawanenapa nútijapa! ¡Tétavikawa eta náurikakarewaya ena tisuapana'i, napanerekene'aira'i eta nametarapi, te juka Ajureka maechejiriruwa ema Viya!”

Apocalipsis 22:9

Émasera máichanupa: “Péchepukachucha, wa'i pikutsiukanu, taicha núti'ichu'i pikutikenenu'i mawanaranu'i ema Viya, énapa ena pichamuriana'i ena tikametarairuana eta máechajiriruwana ema Viya, énaipa ena tisuapana'i tamutu eta takajukeneana'i te juka Ajureka, ema tatuparaka'i. Pitsiukayare ema Viya.”

Apocalipsis 3:14

“Pikajureyare eta juka numetarapiana'i ema tikametarairura'i naye'e ena pichamuriana tikawasana'i te awasare Laodicea: ‘Ani taka'e eta Amén, taicha maye'e ema tamutu titauchawa eta maechejiriruwa ema Viya naye'e ena nachanerana, ema titametakara'i matupiruwa eta maitauraiwa, ema taepaninewa eta maepiyaruana vima'akeneana'i puiti.