Apocalipsis 22:15 - Táurinakene máechejiriruwa’i ema Viya tikaijare

¹⁵ Énasera ena masuapajiraira'ana'i wa'i títujikawanaima'i tisiapana, nanasiyare te aneka, énapa ena iápemareana, ena tú'usiana, ena tikapa'iana, ena tikasiñarajiana eta achanemirana, énerichuware ena tiúrikana'i tási'a ena tépiya'ira'iana tikaetemara'iana.

Ignaciano

¹⁵ Énasera ena masuapa­ji­rai­ra­hanahi vahi títuji­ca­va­naimahi tisiapana. Nanasiyare te aneca, énapa ena iápemareana, ena túhusiana, ena ticapahiana, ena ticasi­ña­rajiana eta achane­mirana, éneri­chuvare ena tiúricanahi tépiya­hi­rahiana ticaete­ma­rahiana.

Apocalipsis 22:15 ပူးပေါင်းရင်းမြစ်များ

San Mateo 7:6

“Wa'i ekuijaraka eta Takapika'ukene eta tamukuana, machu tachawaucha'e etaina taemechareka'e. Wá'iware ekuijaraka eta taurinakene perla eta kuchiana, machu etaina takatayayajika.

San Mateo 8:12

Ena tisiapanayare'ini te mawasa ema Viya Akénuka te anuma, nakijikawakainapa te aneka ánaki te tamapikuiya'i. Taka'e jarapainapa eta naiyairayare naeñamirawayare, taicha eta naikuñayare.

San Juan 8:46

Eti, ímijachanupuka jarari'i eta néjekapirawa'i. Nutupiruwa'i eta numetasira'e'i eta yátupikeneana. ¿Tája'a takayema wa'i esuapanu?

Hechos 8:11

Ánakiapaipa eta mawayuarasirawaka'i ena, taye'e eta ma'iápemarewa'i. Eta taka'e, napikaucha'i ema.

Filipenses 3:2

Échapawayare naye'e nákani achaneana maurira'ana. Ena nani, tétavikawa'i eta náiñe'iwa'i. Ena nakuti'i eta jákani tamuku tétavikawa'i eta tanikaraiwa'i.

Colosenses 3:6

Ena masuapajiraira'ana, náicha'i tamutu eta juka tamaurikeneana, étapa tímikuñakayare'i ena, taicha táimiyusemakaichucha ema Viya.

1 Timoteo 1:10

énapa ena tú'usiana énapa nákani tikaeka'iana ena nayenana, nave'apa esu apana esena; énapa nákani tive'ana ena nakutikeneana'i ajaira, énapa nákani tiámerekana achane, amaperupuka, esenapuka, énapa ena tépiya'ira'iana; énapa ena tépiyaekenera'iana. Énerichuware eta wanairipi tatuparaka ena tikatichana eta táurikeneana vímiturapiana.

Apocalipsis 18:23

Waipa tiapechawaima'i tijara'i piye'e piti eta pimika'u, waipaware tikasama'uima'i eta piéstana ena araimara'iana. Taicha ena comerciánteana énaini'i ena titupaijiakawanaini'i taye'e eta awasareana, tasi'asera piwayuakawakapa ena eta pichirawaka'i.”

Apocalipsis 21:27

Tájina náimatiyaima'i tisiapana ena nachipejikeneana énaipa ena tíchara'iana eta tamaeperajiwakeneana, énaipa ena tikaetemara'iana. Nakarichu tatuparaka tisiapanayare ena tatiari'i eta náijareana taye'e eta libro makarataru ema Cordero, tiama eta nakunana ena náitareruanayare.

Apocalipsis 21:8

Tikaikuñanayaresera namutu ena tipiturijiana, ena masuapajiraira'ana, ena máeperajiana, ena tikapa'iana, ena tú'usiana, ena iápemareana, ena tikasiñarajiana eta achanemirana, énapa ena tépiya'ira'iana, tikakijianayare namutu ena taye'e eta náikuchi táijurekene táetiraraisina yuku, máitawakaka eta tamuruira, wá'ikene tiúchukanaima'i taye'e.”