Apocalipsis 22:14 - Táurinakene máechejiriruwa’i ema Viya tikaijare

¹⁴ Tétavikawa eta náurikakarewayare nákani tépachinachana eta náchanewana, takuti te tikasipaji'ana eta namuiri'ana, ena tatuparaka'i nanikayare'i eta ta'i eta yukuki tikaitarekara'i, tatuparaka'iware nasiapayare eta Arairu Jerusalén.

Ignaciano

¹⁴ Tétavicava eta náurica­ca­re­vayare nácani tépachi­nachana eta náchanevana, tacuti te ticasi­pa­jihana eta namuirihana. Éna tatupa­racahi nanica­yarehi eta tahi eta yucuqui ticaita­re­carahi. Tatupa­ra­ca­hivare nasiapayare eta Arairu Jerusalén.

Apocalipsis 22:14 ပူးပေါင်းရင်းမြစ်များ

San Juan 10:7

Ema Jesús mápechawaka máimitukawaka'i: “Nutupiruwa numetaka'e: Nuti nímikutijirikawa'i tapajakura'i eta tapena eta uvesa te tanarasirare'i eta.

San Juan 10:9

Nuti, nukuti'i eta tapaja: nákani tikasiñawana eta nuye'e, tiuchuku'anayare'i. Tájina náichawaima'i, wa'iware téchuriakainaima'i eta tinikakare.

San Juan 14:15

“Eta esuapiranu'i tímereucha'eya eta yátupira'i eta émunasiranu'i.

San Juan 14:6

Ema Jesús májikapawarepa: –Nútira né'ikakare'i, núti'ichuwa yátupikenenu'i. Nútiware nukaitarera'i, nájina apanaina ákasiñaima'i eta ítekapirayare me Tata.

San Juan 4:12

Eñi viáchukaini Jacob, vímaekene'a'i eta juka pusu ñépiyaru'i. Ñérirareni'i eñi, énapa ena ñichichanaveana. Éneichu'iware táeri'a'i eta ñiye'eanaini sárareana. Piti pímijachawapuka pikuchuka'ini eta tiúriamapana une.

1 Corintios 7:19

Tájina wa'i étaparakaina eta vimikutiarachawa, te wa'ipuka vimikutiarachawa étasera tiwara'akare'i vikaemataneakayare eta mawara'akeneana'i ema Viya.

1 Corintios 8:9

Eta taka'e, ekuneuchawa yátupina, machu émejekapawacha ena apamuriana vichamuriana wicha'a náimatiekene'a'ini eta júkana.

1 Corintios 9:5

tási'a éneichuware tituparaka'e'i ítati'iwareni te sutiari'ina'ini esu esena nuyenaina'ini, súkani nukutikene'i tisuapajira'i, tákuti'ini eta ítatirawaka'i ena esenana nayenana'i ena apamuriana apústuleana, émaipa ema Pedro, énapa ena maparapenaveana'i ema Viákenu.

Gálatas 5:6

Eta máwa'asira'avi ema Jesucristo, wa'i étaparakaima'i eta vinaka'ini eta vikutiarana te viake'e. Takarichu tikamunukare'i eta vikasiñairayare yátupina ema, eta vikasiñawaira'i me Viya vémunakainapa namutu.

1 Juan 3:3

Tási'a, vimutu víti vikunewayare eta vikutiraya ema Jesucristo, puiti wákutikaka viúri'ini tákuti'ini eta máuriwa'i ema.

1 Juan 5:3

Étavene, eta vémunasira'i ema Viya, visuapaya eta mawanairipiana. Taicha wa'i táyakujikare'ini eta visuapiraya,

Apocalipsis 2:7

¡Ema Machanewa Viya tímituka'eyare eta juka mametarapiana eti nuchanerana'i! Emutu eti ekamichana'i, ímiyanawa'i eta é'isiranu'i, nukasiapa'eyare te paraíso íkumuna'i me Tata. Nénika'eyare eta ta'i, eta yukuki tiama'i eta táurikakarewayare eta ítaresira.

Apocalipsis 21:12

Te tachachaku eta awasare, tatiari'i eta takuti yúchama timítutuche, anuke'e eta táichapewa, tatiari'i eta dósekene tapajakurana, távi'a'i eta ajureka náijare ena dúsekeneanaini náchukanaini ena israelítana, etiari'iware ena ángeleana taye'e eta tapajakurana.

Apocalipsis 21:27

Tájina náimatiyaima'i tisiapana ena nachipejikeneana énaipa ena tíchara'iana eta tamaeperajiwakeneana, énaipa ena tikaetemara'iana. Nakarichu tatuparaka tisiapanayare ena tatiari'i eta náijareana taye'e eta libro makarataru ema Cordero, tiama eta nakunana ena náitareruanayare.

Apocalipsis 22:2

Taka'e, tatiari'i'i eta yukukiana, tikaitarekara'i eta ta'i. Eta távi'a'i te enumu'uiyapa'i eta tínapuka calle, te tachausipa'iware eta kajakure, tási'a dóse'e tika'i te étana añu, kajepachu eta taka'ira, ipurujiware eta tapakaji, takanaraka ena achaneana te awasareana.

Apocalipsis 22:7

“¡Níja'uchawanenapa nútijapa! ¡Tétavikawa eta náurikakarewaya ena tisuapana'i, napanerekene'aira'i eta nametarapi, te juka Ajureka maechejiriruwa ema Viya!”

Apocalipsis 7:14

“Piti pecha'i Tata”, nujikapapa. Tási'a ema máichanuwarepa: “Ena nani énara ena nakatajiwakeneana'i, tiúchuku'anaipasera, tikasipaipa puiti eta náchanewana taye'e eta máitine ema Cordero, puiti tikamuiri'anapa eta tijapu.