Apocalipsis 21:8 - Táurinakene máechejiriruwa’i ema Viya tikaijare

⁸ Tikaikuñanayaresera namutu ena tipiturijiana, ena masuapajiraira'ana, ena máeperajiana, ena tikapa'iana, ena tú'usiana, ena iápemareana, ena tikasiñarajiana eta achanemirana, énapa ena tépiya'ira'iana, tikakijianayare namutu ena taye'e eta náikuchi táijurekene táetiraraisina yuku, máitawakaka eta tamuruira, wá'ikene tiúchukanaima'i taye'e.”

Ignaciano

⁸ Ticaicu­ña­na­ya­resera namutu ena tipitu­rijiana, ena masuapa­ji­rai­rahana, ena máeperajiana, ena ticapahiana, ena túhusiana, ena iápemareana, ena ticasi­ña­rajiana eta achane­mirana, énapa ena tépiya­hi­rahiana. Ticaqui­jia­nayare namutu éna tayehe eta náicuchi táijurequene yucu máitavacaca eta tamuruira, táetira­raisina eta tamuruira. Váhiquene tiúchuca­naimahi tayehe —macahepa.

Apocalipsis 21:8 ပူးပေါင်းရင်းမြစ်များ

San Mateo 10:28

Wa'i ekupika nákani tikapakana eta iáke'e, taicha wa'i narata'aima'i nakapaka eta iáchanewa, makarichu epikayare ema Viya, taicha ema, marata'a'i makamitiekene'a eta iáchanewana taye'e eta táiñe'ikene ekuñaraki.

San Mateo 25:25

Eta taka'e nupika'i eta nákaete'a'ini, nékarapa eta piplatane. Puiti júka'i nímichawa, taicha piye'eichu'i eta plata.’

San Mateo 8:26

Ema majikapawakapa: –¿Tája'a takayema eta episira? ¡Wa'i ákasiñawapa'ini eta nutiari'irapa'i eta eye'e! Eta juka maka'era'i, téchepukapa mawanekapa taemajakawa eta tékatikawa étapa eta kákiure, enewanepa tésamiriekawapa eta táepakusira'i, tájinapa táichirawaina'ini.

Marcos 9:44

Ánaki te tavi'a'i eta vusanuana eta maitawakaka eta taitaresira, eta tavi'a'i eta yuku maitawakaka, najina tituruka tikaema'aina.

San Juan 8:44

Ema tikachicha'e eti, ema Wínaraji; ema técha'e'i, taicha ewara'a'i íchayare eta máichakeneana ema. Taicha ema, tikapa'i eta máitaresira'i te tépanawainapa. Étachucha maurika tiwayuarereka. Ema, naiya'i ena tépiya'ira'iana.

2 Tesalonicenses 2:9

Tási'a, mapaenumawainapa tímerekawayare ema achane wínarajikene, tuparairukayare maye'e ema Wínaraji. Ema, tijarakayare'i eta máitupajijiasirawayare'i, tamutuyare máimereka eta tiáramikareana takutiyare yátupikenena'ini.

1 Timoteo 4:2

Nasapi'ainapa tisamakareanayare ena apipiemana tépiya'ira'iana, ena nani, máimatiakawara'ana'i eta náepiya'iraiwana taicha náitunaipa'i eta naka'irana.

Tito 1:16

Ena timijachawana'i naimati ema Viya, tímatikareana'isera eta namáe'isira'i ema Viya, taicha náichaichucha eta tamaurikeneana tíñema'iana, émasera ema Viya makaticha tamutu eta juka náichakeneana táiñema'ikeneana, ena nani, masuapajiraira'ana'i eta maye'e, tájinasera wa'i náituruekene'aima'i ena nani náicha'ini eta táurikeneana.

Hebreo 12:24

matiari'iware ema Jesús ema tiyaseura'ikene eta viye'e, taye'e eta Arairu maechejiriruwa, émaipa máepusaikapa eta máitine tasipa'aka'aviyare'i, eta taka'e eta máitine tikunachakarepana'i taye'e eta máitine ema víyara'aini Abel.

Hebreo 13:4

Ámutu epikauchakaka eti ekaparapekenepa, eti esenana, étipa eti ajairana. Taicha máima'a tiuri ema Viya eta eve'akakaira'i. Taicha ema Viya máikuñakayare'i nákani tive'akakana'i wa'i nakuchapa'ini náitauchawa'ini, énapa ena tikayepekakana'i.

1 Juan 2:22

¿Naja'asika ema tepuya'ira'i? Emara ema tika'e, ema Jesús wa'i émaina'ini ema Viakenu Jesucristo. Je'ewarepa puiti emapa ema anticristo, taicha wa'i masuapa'ini ema Tata Viya, émapa ema Machicha ema Viya.

1 Juan 3:15

Namutu ena tikatichana'i ena vichamuriana, nakuti'i ena tikapa'iana. Eta náichararakawayare ena tikapa'iana, vécha'i eta namauchukuirayare.

1 Juan 5:10

Tási'a, te vikasiña ema Machicha ema Viya, visuapawa vikasiñawa te visamure eta yátupira'i eta mametasira'i ema Viya. Ena apamuriana wa'i nasuapa'ini ema Viya, náimikutichapa máepiya'ira'i'íni ema Viya, taicha wa'i nasuapa'ini eta mametarapiana'i maye'e ema Machicha Jesucristo.

Apocalipsis 14:10

muraka eta nakatajiwairaya taicha ichape eta náimiyusemasira'i ema Viya, tikaepujukichakasianainapa te murakakene yuku, te namira'u ema Cordero, énapa ena ángeleana.

Apocalipsis 19:20

Eta Útsutsure nakaratakapa emapa ema Falso Profeta, eta tímerekaparakaini'i eta ekutiarare tiáramikareana, te mamira'u. Taka'e eta maimeresira'i eta tiaramikareana naye'e ena achaneana, ena tisapawana'i manaka eta taikutiara eta Útsutsure, énapa ena titsiukana'iwa eta máima'i ema útsutsure. Taka'e, nakaratakapa eta útsutsure, émapa ema Falso Profeta, náepujukichapa taye'e eta táijurekene yuku táetiraraisina eta tamuruira.

Apocalipsis 2:11

¡Ema samara'i masamayare ema Machanewa Viya eta makayemakene'i taye'e ena pichamuriana! Nakaini tita'arekanayare wa'i tikatajiwaima'i taye'e eta taiñema'ikeneana, étapa eta tapechirawayare eta naepenira.’

Apocalipsis 2:2

Nuti nímati tamutu eta píchakeneana'i; étaipa eta tamurakawa'i eta ekaemataneasiranu'i, ekamichira'i tamutu, necha'iware eta pimakamichira eta tamaurikeneana. Necha'iware eta pitsamaresira'i ena tepiyakawana'i apústuleana'i. Wá'isera ejakapa'ini ena, ímatiakawane'i eti ena tépiya'ira'ianapa'i.

Apocalipsis 21:27

Tájina náimatiyaima'i tisiapana ena nachipejikeneana énaipa ena tíchara'iana eta tamaeperajiwakeneana, énaipa ena tikaetemara'iana. Nakarichu tatuparaka tisiapanayare ena tatiari'i eta náijareana taye'e eta libro makarataru ema Cordero, tiama eta nakunana ena náitareruanayare.

Apocalipsis 22:15

Énasera ena masuapajiraira'ana'i wa'i títujikawanaima'i tisiapana, nanasiyare te aneka, énapa ena iápemareana, ena tú'usiana, ena tikapa'iana, ena tikasiñarajiana eta achanemirana, énerichuware ena tiúrikana'i tási'a ena tépiya'ira'iana tikaetemara'iana.

Apocalipsis 9:17

Taka'e, eta nímaira'i ena tikaperana, tatiari'i eta náikutiara te natupana. Eta táima'iana titsi, azul, tiyakaka. Táiñe'ikene'i eta tachuti eta náperana. Tiúchukapaipa eta yuku, eta kijare te tajaka. Azufrepu'a eta táepu'a.

Apocalipsis 9:21

Tási'a wá'isera náinajika'ini eta nakapa'iwana, eta na'iapemarewana, étapa eta náesenamarewana, étapa eta námeraiwana.