Apocalipsis 21:6 - Táurinakene máechejiriruwa’i ema Viya tikaijare

⁶ Ániwarepa maichanu: “Títauchawapa puiti tamutu eta nupanereruana, nútira nécha'i tamutu eta táepanirawa'i eta apake'e, núti'ichuware nécha'i eta táimiyanirawa'i tiuri, puiti nuti nítauchapa tamutu. Eti emáune'i, nuti níjaraka'eyare eta máitawakaka une tikaitarekara'i, tájina wa'i ewacharekaima'i.

Ignaciano

⁶ Ánivarepa macahe ema Viya: —Títauchavapa puiti tamutu eta nupane­reruana. Nútira néchahi tamutu eta táepani­ravahi eta apaquehe. Nútiri­chuvare néchahi eta táimiya­ni­ravahi tiuri. Puiti núti nítauchapa tamutu. Eti emaunehi, núti níjara­ca­heyare eta máitavacaca une ticaita­re­carahi. Tájina vahi evacha­re­caimahi.

Apocalipsis 21:6 ပူးပေါင်းရင်းမြစ်များ

San Juan 4:10

Ema Jesús májikapapa: –Te pímati'ini eta mawara'akeneana'i tíjarakavi ema Viya, té'eware pímatinu'iwareni nuti nuyaseakavi'i eta une, németeaka piyaseakanuipa'íni eta une tikaitarekara'i. Tási'a, nuti níjarakavi'ini.

San Juan 4:11

Esu esena suíchapa: –Tata, tájina piviyaima'i eta une, eta pusu tiupena'i. ¿Távi'asika tási'ayare eta une tikaitarekara'iya?

San Juan 4:14

Nákanisera téranayare eta une níjararuyare'i nuti, waipa tiápechawanaima'i timauneana. Máichekuarakirenapa eta náitaresira.

Romanos 3:24

Étasera eta máemunasira'avi'i ema Viya, tijapanu'avi'i, tijakapa'avi'i táichavene'i eta vikasiñaira'i ema Machicha Jesucristo, émapa tiwachachina'avi'i eta vitapirawana táichavene'i eta vipekaturana.

Romanos 8:32

Eta majapanuira'avi'i ema Viya, wa'i mawayuaka'ini máijararekapa ema Machicha eta nakapasira'i víchavene'i vimutu víti. Tási'a, mavetijinapa eta makatiuchira'aviyare puiti te tamutu eta jákani víchawakenewana.

1 Corintios 2:12

Víti, tájina wa'i vítijiwaina'ini vímipanerechawa'ini maye'e ema Viya. Émasera ema Machanewa Viya tímituka'avi'i tamutu eta títukakareana tási'akeneana'i me Viya.

1 Corintios 3:12

Taye'e eta juka, tanaku'i eta vepiyaru peti, tiuri'i vinaka eta uru te taina'u, etapa eta plata, etapuka eta yukuki, etapa eta muiji, etapuka eta sinarana;

1 Corintios 3:21

Táitusiawa, wa'i tiuri ekasiñawawaika'ini. Wa'i étupikawa eta e'isirawaka'i ena enerejiruana'i é'ika.

1 Corintios 3:5

Puiti emétakanu, ¿naja'asika ema Pablo?, ¿naja'awarepuka ema Apolo? Yatupi viti vimituka'e'i, tamutu'isera maye'e'eana'i ema Viya. Wa'i vé'ikakare víti, taicha mawanara'avichucha ema Viákenu Jesús, yátupi víti vímituka'e'i eta ekasiñawairayare'i maye'e ema Viya: Ema Viákenu tíjaraka'avi'i eta vitupara'apachuyare'i:

Apocalipsis 1:11

Ánipa maka'e'i: Piájuchaya tamutu eta juka píma'akeneanaya te ajumeruka, pímiamarekapa eta piajure naye'e ena siétemurikeneana pichamuriana tikawasana'i te Asia: ena tiávi'ana'i te Éfeso, ena tiávi'ana'i te Esmirna, ena tiávi'ana'i te Pérgamo, ena tiávi'ana'i te Tiatira, ena tiávi'ana'i te Sardis, ena tiávi'ana'i te Filadelfia, énapa ena tiávi'ana'i te Laodicea.”

Apocalipsis 1:17

Nupikaine'i eta nímaira'i, nákipaikawapa te máiwapechakaya, tiáne'i népena eta nupisira'i. Émasera manakapa eta mawa'u waure te nápusi, máichanupa: “Wa'i pikupikanu, nútichucha nuti nunakucha'i eta táepanirawa'i, núti'ichuware nécha'i eta táitavirayare tamutu,

Apocalipsis 1:8

“Nútira nunakucha'i eta táepanirawa'i eta apake'e, núti'ichuware nécha eta táimiyanirawaya tiuri, néchayarewa eta táitavirayare tamutu,” maka'e'i ema Viya, tétavikawa eta máitupajijiasirawa, máituruekene'a'i tamutu, ema, matiari'ikene'i te tépanawainapa, puiti manasi'ichu'i eta viye'e, émarichuwa manasiyare te táitawapa tamutu.

Apocalipsis 10:6

Tiwanekanu'i ema Viya, ema akanewakakene'i eta máitaresira, ema yátupikene'i tépiyaka'i eta anuma, eta apake'e, eta ichape une, étapa tamutu eta tiávi'akeneana'i taye'e. Ema, tiwanekanu'i numetaka eta juka máechejiriruwa'i: “Tájinapa waipa tiyerema'i eta táitaviraya,

Apocalipsis 16:17

Ema tékene'a ángele nasietene'i máepusaikapa eta maye'e escudilla te anuke'e, tási'a, nusamapa muraka eta ma'u ema Viya tiási'a'i te trono taye'e eta mapena ema Viya, tási'a ánipa maka'e: “¡Títauchawapa puiti tamutu!”

Apocalipsis 22:13

Nútira nécha'i tamutu te tépanawainapa eta apake'e, núti'ichuware nécha'i eta táimiyanirawa'i tiuri, puiti nuti nítauchayare tamutu.”

Apocalipsis 22:17

Ema Machanewa Viya énapa ena té'ikana'i ema Cordero, tíchuarekana, naka'e'i: “¡Yare!” Tási'a nákani tisamanaya naka'e: “¡Yare!” Énapa nákani timauneanayare, náiteka apaesa náera eta une tikaitarera'i, tájina wa'i nawacharekaima'i.

Apocalipsis 3:14

“Pikajureyare eta juka numetarapiana'i ema tikametarairura'i naye'e ena pichamuriana tikawasana'i te awasare Laodicea: ‘Ani taka'e eta Amén, taicha maye'e ema tamutu titauchawa eta maechejiriruwa ema Viya naye'e ena nachanerana, ema titametakara'i matupiruwa eta maitauraiwa, ema taepaninewa eta maepiyaruana vima'akeneana'i puiti.

Apocalipsis 7:17

Taicha ema Cordero, ema tiávi'a'i te enumu'u eta trono, émainapa ema eye'eyare pastor tási'a emainapa tiama'eyare, eta te une tiuriama tikaitarera'i, tási'a ema Viya makamitiasinayare eta náiyaira.”