Apocalipsis 21:4 - Táurinakene máechejiriruwa’i ema Viya tikaijare

⁴ Taka'e, ema Viya makamitiasina'eyare eta íyairana, wáipaware épenaima'i, wáipaware ekatisamurewaima'i, tájinapa tikaiyaka'ema'i, wáipaware ekatajiwaima'i taicha tájinapa tiviucha'ema'i.”

Ignaciano

⁴ Tacahe, ema Viya macami­tia­si­na­heyare eta íyairana. Váipavare épenaimahi. Váipavare ecati­sa­mu­re­vaimahi. Tájinapa ticaiya­ca­hémahi. Váipavare ecata­ji­vaimahi taicha tájinapa tiviucha­hémahi —macahepa ema ángele.

Apocalipsis 21:4 ပူးပေါင်းရင်းမြစ်များ

San Mateo 24:35

Títawayare eta anuma étapa eta apake'e, étasera eta nechejiriruwa titauchawayare, wa'i tianuku'aima'i.

1 Corintios 15:26

Eta taekenereruya manaraya maita'aruyare etaya eta muerte. Taka'e makaepa'ianapa eta vepenira.

1 Corintios 7:31

Wa'isera ekukañamarakawa eta ekaye'eirayare eta íma'akeneana te juka apake'e. Taicha tamutuyare'i témitiaka te táitekapapa eta táitaviraya eta juka apake'e.

2 Corintios 5:17

Puíti'ipa viti viúrujiakana'i ema Cristo, apana'avipa. Vínajikaipa eta viye'erepini'i tamaurikeneana. Tamutupa arairu'i puiti eta viye'erepiana.

2 Corintios 6:17

Taicha akane makawanairipipa ema Viya, ani maka'e'i: “Érajikawa eta te namuri ena, wa'i nuchaneranaina; machu napareaka'e eta namaeperajiwana ena. Taka'e eti nujakapa'eyare'i.

Hebreo 12:27

Eta juka máechejiriruwa'i, “eta'eineware”, tímatikareipa'i eta táitavirayare tamutu jákani tiyamurikana'i máepiyaruana'i ema Viya te juka apake'e, takarichu tanasiyare jákani máitawakakakeneana taicha mayamuriana'i.

2 Pedro 3:10

Te táitekapapa eta sache táitaviraya tamutu maicha ema Viya, wa'i vinekapauchawaima'i, taicha makutiyare mákani achane tiámera'i eta máitesira. Eta anuma, étapa tamutu eta táwapa'iana'i, tamutuyare témitiakayare. Tikaemayare muraka, takutiyare eta takaemaira eta ichapekene yuku te taijucha eta ichape kuricheji. Étapa eta tiávi'ana'i te apake'e, tamutuyare'i títawa, énapa ena táwapa'iana'i.

1 Juan 2:17

Numetaka'e puiti, títawainapaipa tamutu eta apake'e, énerichuware títawainapaipa tamutu eta najamurachakeneana ena achaneana. Vítisera, te visuapa eta mawara'akene ema Viya, máichekuarakirenapa eta vítaresira.

Apocalipsis 20:13

Ena naeriruana'i te ichape une, téchepukanapa namutu eta nachanewana, kayesesere'ianainapa te mamira'u Viya, tamutu eta naichakeneana'i tamaurikeneana te achaneanaicha'a'i, etapa najachapi'ayare eta náikuñayare.

Apocalipsis 20:14

Eta nakaikuñaiya'i eta táijurekene yuku, táetiraraisina eta tamuruira. Tamutu eta juka maitawakakainapa eta náepeniraya.

Apocalipsis 21:1

Níma'awarepa eta anuma arairu, eta apake'e arairu, taicha eta tainapureanuma eta apake'e temitiakaipa etapa eta ichape une.

Apocalipsis 22:3

Tájinapa tímiapechaima'i tiviuchaima'i ena achaneana tikawasana taye'e eta juka awasare, eta máejasi'a'i ema Viya, émapa ema Cordero, tási'a ena mawanarana, máitawakakayare'i eta najirauchirayare'i, étapa eta natsiusirayare.

Apocalipsis 7:17

Taicha ema Cordero, ema tiávi'a'i te enumu'u eta trono, émainapa ema eye'eyare pastor tási'a emainapa tiama'eyare, eta te une tiuriama tikaitarera'i, tási'a ema Viya makamitiasinayare eta náiyaira.”