Apocalipsis 20:14 - Táurinakene máechejiriruwa’i ema Viya tikaijare

¹⁴ Eta nakaikuñaiya'i eta táijurekene yuku, táetiraraisina eta tamuruira. Tamutu eta juka maitawakakainapa eta náepeniraya.

Ignaciano

^14-15 Eta nacaicu­ñaiyahi eta táijurequene yucu, táetira­raisina eta tamuruira. Namutu ena tájinahi eta náijaré­nahíni tayehe eta libro tiama eta nalista ena náitare­rua­nayare, náepuju­quichapa tayehe eta táijurequene yucu, tamutu eta náqueheana étapa eta náchanevana. Máitava­ca­cainapa eta nacata­ji­vai­rayare. Máitujia­nainapa tayehe.

Apocalipsis 20:14 ပူးပေါင်းရင်းမြစ်များ

1 Corintios 15:26

Eta taekenereruya manaraya maita'aruyare etaya eta muerte. Taka'e makaepa'ianapa eta vepenira.

1 Corintios 15:53

Taicha tatupara'a'i eta viáke'e tikaitsiwayare, máepenakakainapa. Máichekuarakirenapa eta vítaresiraya.

Apocalipsis 1:18

taka'e nutiari'i nitareka'i, taicha nuchawa'i nítareka te táekenepa eta nakapasiranu'i. Puitisera nuchawapa nechepuka máichekuarakirenapa eta nítaresira. Núti'ichuware necha'i eta tasiaparaku'i eta mawasa ema Tata, enapa ena naepenakeneana. Nukaechepukayare eta náke'eana ena náepenakeneana nákani níchu'akeneanayare.

Apocalipsis 14:10

muraka eta nakatajiwairaya taicha ichape eta náimiyusemasira'i ema Viya, tikaepujukichakasianainapa te murakakene yuku, te namira'u ema Cordero, énapa ena ángeleana.

Apocalipsis 19:20

Eta Útsutsure nakaratakapa emapa ema Falso Profeta, eta tímerekaparakaini'i eta ekutiarare tiáramikareana, te mamira'u. Taka'e eta maimeresira'i eta tiaramikareana naye'e ena achaneana, ena tisapawana'i manaka eta taikutiara eta Útsutsure, énapa ena titsiukana'iwa eta máima'i ema útsutsure. Taka'e, nakaratakapa eta útsutsure, émapa ema Falso Profeta, náepujukichapa taye'e eta táijurekene yuku táetiraraisina eta tamuruira.

Apocalipsis 2:11

¡Ema samara'i masamayare ema Machanewa Viya eta makayemakene'i taye'e ena pichamuriana! Nakaini tita'arekanayare wa'i tikatajiwaima'i taye'e eta taiñema'ikeneana, étapa eta tapechirawayare eta naepenira.’

Apocalipsis 20:10

Tási'a ema Wínaraji, ema tiwayuarekaini'i, nakaratakapa náepujukichapa taye'e eta táijurekene yuku, táetiraraisina eta tamuruira, étaipa eta mávi'a'i ema útsutsure, émapa ema Falso Profeta. Tájina nanarasiraima'i, tamutu sacheana yátiana, máichekuarakireya eta nakatajiwairaya.

Apocalipsis 20:13

Ena naeriruana'i te ichape une, téchepukanapa namutu eta nachanewana, kayesesere'ianainapa te mamira'u Viya, tamutu eta naichakeneana'i tamaurikeneana te achaneanaicha'a'i, etapa najachapi'ayare eta náikuñayare.

Apocalipsis 20:15

Tasi'a etapa ánaki, nakakijiya'i ena tájina'i takaju'ini eta náijarena, taye'e eta Ajureka máitawakaka.

Apocalipsis 20:6

¡Tiúrikakareanayare ena nani tiápechawanayare títarekana puiti juka masantuchainapa ema Viya! Waipa tiápechawanaima'i tépenana, tiyujarakara'ianaya maye'e ema Viya, étapa me Cristo. Taicha ema Cristo máijarakainapa eta mil añu eta nakatupara'airayare.

Apocalipsis 21:4

Taka'e, ema Viya makamitiasina'eyare eta íyairana, wáipaware épenaima'i, wáipaware ekatisamurewaima'i, tájinapa tikaiyaka'ema'i, wáipaware ekatajiwaima'i taicha tájinapa tiviucha'ema'i.”

Apocalipsis 21:8

Tikaikuñanayaresera namutu ena tipiturijiana, ena masuapajiraira'ana, ena máeperajiana, ena tikapa'iana, ena tú'usiana, ena iápemareana, ena tikasiñarajiana eta achanemirana, énapa ena tépiya'ira'iana, tikakijianayare namutu ena taye'e eta náikuchi táijurekene táetiraraisina yuku, máitawakaka eta tamuruira, wá'ikene tiúchukanaima'i taye'e.”

Apocalipsis 6:8

Níma'apa eta apana kawayu tiyakaka, ema tikapera'i, ema tikaijare'i Tikaparerekaya ena achaneana. Matiari'iware ema té'ikapa'i, ema tákenu eta náchanewana ena náepenakeneana, taka'e, eta cuarta parte eta nasimutuwa ena achaneana tépenanaya naicha ena apinana. Taicha tikapajirikakanainapa ena achaneana taye'e eta guerra. Ena apamuriana téku'anainapa, apanapanenapa eta najumanayare, éneichuware tanikainapa eta sárareana táiñe'ikeneana.