Apocalipsis 2:25 - Táurinakene máechejiriruwa’i ema Viya tikaijare

²⁵ Ísmiyanawachuchasera eta esuapira eta ímatikenepa'i, tiamainukawa te nuchawa.

Apocalipsis 2:25 ပူးပေါင်းရင်းမြစ်များ

San Juan 14:3

Tási'a te táuripa eta iávi'ayare, nútijapainawarepa, nuchawainapa népana'enapa, apaesa ákachanenu eti taye'e eta návi'ayare nuti.

Hechos 11:28

Tási'a titupi'apa, ema tikaijare Agabo te namuri ena machamuriana. Makaimitukasikene'i ema, maye'e ema Machanewa Viya. Mametakawakapa eta tatiari'iyare eta eku'a te tamutu eta awasareana. Eta juka táichawakenewa'i, te tupi'aicha'a'i ema akenukaini emperador Claudio.

Romanos 12:9

Yátupina eta émunasirakakaina ena echamuriana. Ewapinawaya eta íchira eta táurikeneana. Épuruyare eta tamaurikeneana.

1 Corintios 11:26

Taka'e te vénikaka eta pan étapa eta vésichakaka eta wasu, vémecha'i eta maepenira ema Viákenu. Tiámainukawa te mápechawaware máiteka.

1 Corintios 4:5

Eta taka'e, wa'i táurika'ini tatiwaina'ini ekaune'ini eta júkana, te wicha'a ímatiekene'a'i, ekuchapaya eta mápechirawayare títeka ema Viákenu, ema tímikaecherachayare eta tayumururewa'i te timapiku, ema tímereucha'aviya eta vipanereruana te visamureanapachu. Taka'e, ema Viya tikunacha'avinapa eta viúriwana'i.

1 Tesalonicenses 5:21

Wa'i ekuemunanasikawa, epanerechinawayare te tája'apuka jákani esamakeneana'i, íma'akeneana'i, e'ikaya eta táurikeneana.

Hebreo 10:23

Eta taka'e, vímiyanawa vétumechawa eta vé'isira'i, wa'i viyakujima'i, yátupina eta vikuchapira eta víkuchi'i taicha ema Viya máitauchayare tamutu eta máijararuwa'i eta viye'e.

Hebreo 3:6

Émasera ema Viakenu Jesucristo, ema machicha'i, matupiruwa'i eta maitauchira'i tamutu eta mawana'i'i me Viya, te vímiyanawa eta juka vé'isira'i ema, vikasiñawaira eta maye'e, viúrisamure eta vikuchapira'i eta viúchukuiraya te jena sácheyare.

Hebreo 4:14

Ema Jesús, yátupikene'i Machicha ema Viya, makarichu'iware ema tiyaseura'i eta viye'e taicha masiapakene'i te anuma. Eta taka'e ve'ikayare'i yatupi vetumechawa eta vikasiñawaira me Viya yatupina eta vikaratasirawaina muraka maye'e ema.

2 Pedro 3:10

Te táitekapapa eta sache táitaviraya tamutu maicha ema Viya, wa'i vinekapauchawaima'i, taicha makutiyare mákani achane tiámera'i eta máitesira. Eta anuma, étapa tamutu eta táwapa'iana'i, tamutuyare témitiakayare. Tikaemayare muraka, takutiyare eta takaemaira eta ichapekene yuku te taijucha eta ichape kuricheji. Étapa eta tiávi'ana'i te apake'e, tamutuyare'i títawa, énapa ena táwapa'iana'i.

Apocalipsis 1:7

¡Íma'a, márajapainapa ema Cristo támayarepa'i eta úkaji! Namutuyare nanekapa ena achaneana te juka apake'e, tási'a, tipikanainapa ena tijarachana'i; tási'a namutu ena tiavi'ana'i te apake'e tíya'a'akawanainapa eta naimairayare. Eta taka'eyare eta juka, amén.

Apocalipsis 22:20

Mákani títametaka'i eta júkana, maka'e'i: “Tiuri nútijapawaneyare.” Amén ¡Yarepa, Tata Jesús!

Apocalipsis 22:7

“¡Níja'uchawanenapa nútijapa! ¡Tétavikawa eta náurikakarewaya ena tisuapana'i, napanerekene'aira'i eta nametarapi, te juka Ajureka maechejiriruwa ema Viya!”

Apocalipsis 3:11

Tiáne'ipa eta nuchaviraya. Petumechawaya eta pé'isira'i, machu pémepurureka pijakapirayare eta píkuchi'i.

Apocalipsis 3:3

Péchawayare tamutu eta pímitukasiwana'i. Te wa'i pikuetupirika eta pipanereruana, nútijapaya tíja'uchawayare eta nítekapirayare nukutiyare eta maitekapira ema tiamera'i.