Apocalipsis 2:13 - Táurinakene máechejiriruwa’i ema Viya tikaijare

¹³ Nuti nímati tamutu eta píchakeneana'i, eta piavi'aira'i te mawasa ema Wínaraji, wá'isera ínajikawa'ini, étumechawaichucha eta é'isiranu'i nuti. Étaipa te íma'apa eta nakapasira'i ema nuchaneraini Antipas, yátupikene'i eta masuapiranu'i ema, ena machanerana'i ema Wínaraji nakapaka'i ema te jena iávi'a'i eti.

Ignaciano

¹³ Núti nímati tamutu eta íchaque­neanahi. Nímativare eta éñami­ravahi taicha namutu­yaréni ena echáca­ya­penána téhicanahi eta máimiturapi ema Váinaraji Satanás. Váhisera ínaji­ca­vahini, étume­cha­vaichucha eta éhisi­ranuhi núti. Étaripa te ímahapa eta nacapa­sirahi ema nuchaneraini Antipas, yátupi­quenehi eta masuapi­ranuhi éma. Ena machane­ranahi ema Váinaraji nacapacahi éma te jena iávihahi éti.

Apocalipsis 2:13 ပူးပေါင်းရင်းမြစ်များ

San Mateo 10:23

Te napanajika'epuka te jákani awasare iávi'a'i, ejunayare te apana awasare. Jé'esare ema Machicha ema Ajaira, mátiajapainapa. Wícha'a ekuita'i eti epaika eta awasareana taye'e eta Israel.

San Mateo 24:9

“Taka'e, tikarataka'eanainapa eti, tipanajika'eanainapa, tási'a tikapaka'eanainapa, tási'a namutuya ena achaneana tikatianaka'eanayare táichavene'i eta é'isiranu'i.

San Mateo 4:10

Ema Jesús majikapapa: –Péwisi'a piti Wínaraji te juka numira'u, taicha eta táechejiriruwa'i eta Takapika'ukene Ajureka ani taka'e: ‘Makarichu ema Viya vépuyumirauchaya, makarichuware vikaemataneakayare.’

San Lucas 21:17

tási'a namutuya ena achaneana tikatianaka'eanayare, táichavene'i eta é'isiranu'i,

Hechos 22:20

Énerichuware, te nakapakapa ema Esteban ema piwanaraini'i, nutiari'i'iware, nímikataka'iware ena tikapakana'i, nujaneasirawaka'i eta namuiri'ana.’

Hechos 9:14

Ema, tímiteka'i puiti eta ani, mámapa'i eta wanairipi náijararu'i ena tuparairukana eta te Jerusalén eta máepanira'aviya naeratasira'aviya vimutu viti vé'ikaviana'i eta pijare.”

1 Tesalonicenses 5:21

Wa'i ekuemunanasikawa, epanerechinawayare te tája'apuka jákani esamakeneana'i, íma'akeneana'i, e'ikaya eta táurikeneana.

1 Timoteo 5:8

Taicha ena vichamuriana, tatuparakawaka'i náeñamawa eta náitatira ena náenana, ena nátseana. Nákani wa'i nakukicha eta juka, tímikutijirikawaipa wa'i náitaucha'ini eta náe'isira'i ema Viya.

2 Timoteo 1:13

Píti apana, eta pé'ikayare eta juka yátupikeneana nímiturapiana'i piye'e, tájina wa'i pi'apapikaima'i. Yátupina pisuapa, yátupina eta pémunaraiwaina taicha tiáwa'akavipa ema Jesucristo.

2 Timoteo 2:12

te vetumechawa eta vikatajiwaira, visiapayere te mawasa ema Viakenu; te'esera te vitsiri'aka ema Viya ema apanaware titsiri'aka'aviyare ema;

Hebreo 10:23

Eta taka'e, vímiyanawa vétumechawa eta vé'isira'i, wa'i viyakujima'i, yátupina eta vikuchapira eta víkuchi'i taicha ema Viya máitauchayare tamutu eta máijararuwa'i eta viye'e.

Hebreo 3:6

Émasera ema Viakenu Jesucristo, ema machicha'i, matupiruwa'i eta maitauchira'i tamutu eta mawana'i'i me Viya, te vímiyanawa eta juka vé'isira'i ema, vikasiñawaira eta maye'e, viúrisamure eta vikuchapira'i eta viúchukuiraya te jena sácheyare.

Santiago 2:7

Tikuti'ipaware wa'i ímatiwaka'ini eta nakaeka'ira'i ema Cristo, nakaeka'iware eta iámira'i eta máijare takapika'ukene'i.

Apocalipsis 1:5

Ema Viákenu Jesucristo, ema yátupikene'i tiámaparaucha'avi'i eta juka vímitukasiwana'i. Éneichu'iware ema máinapuiru'i téchepuka te máekari. Namutu'i makachuriakawakaya ena reyeana te juka apake'e. Ema, yátupi'i eta máemunasira'avi'i, masipasina'avi'i eta viáchanewana taye'e eta vipekaturana te máitine máepusairu'i,

Apocalipsis 11:3

Nútisera nuwanekawakainapa ena apinana nuwaneruanaya profetana, ena tikisamuiri'anayarepa'i eta namuiri'ana, eta juka táikutiarayare'i eta náichuaresirayare náeñauchawa ena achaneana, mil doscientos sesenta sache eta nayerewayare.”

Apocalipsis 12:11

Ena vichamuriana naita'aka'i taicha eta maepusaisira'i eta maitine ema Cordero tási'a náimimaticha'i, eta máechejiriruwana ema Viya, wa'i napikakawawaka'ini eta náitaresira, tijarakawana'i te náepenirayare'i.

Apocalipsis 13:2

Eta juka sárare níma'akene'i tawasima'iyaréni eta ichini, eta táiwapeana takutiyaréni eta táiwape eta atikure, tási'a eta tajaka takutima'iyaréni eta tajaka eta itiare. Eta taka'e, eta ichapekene kichare táijarakapa eta máitupajijiasirawayare'i ema útsutsure, étapa eta ma'akenukawayare'i.

Apocalipsis 14:12

¡Eta taka'e, ena machanerana'i ema Viya, ena tisuapana'i eta mawanairipiana, túmesamureanayare eta náe'isiraya ema Jesús, puiti nakamichayare'i tamutu!

Apocalipsis 17:14

Taka'e, ena nani nakanarainapa ema Cordero, wá'isera nárata'aima'i, máita'akawakayare'i ema Cordero. Taicha ema, yátupikene'i Rey, Akenuka'iware, mawaneka'i ena reyeana énapa ena akenukana, natiari'iyarewa ena makachanekeneanayare ema, nakanerejikene'i eta máichuira'i ema Viya, taicha, yátupi'i eta náe'isira'i ema.”

Apocalipsis 17:6

Nukaikutiarapasera eta suícharakawa'i esu esena tikawa'a'i esu, táekawa'acha'i taicha eta suérira'i eta náitineamaini ena machanerana ema Viya, ena suímikaparuana'i taicha eta náechejisi'aira'i ema Jesús. Eta nímaira'i, eta juka, ichaperine'i eta náramesira'i.

Apocalipsis 2:2

Nuti nímati tamutu eta píchakeneana'i; étaipa eta tamurakawa'i eta ekaemataneasiranu'i, ekamichira'i tamutu, necha'iware eta pimakamichira eta tamaurikeneana. Necha'iware eta pitsamaresira'i ena tepiyakawana'i apústuleana'i. Wá'isera ejakapa'ini ena, ímatiakawane'i eti ena tépiya'ira'ianapa'i.

Apocalipsis 3:11

Tiáne'ipa eta nuchaviraya. Petumechawaya eta pé'isira'i, machu pémepurureka pijakapirayare eta píkuchi'i.

Apocalipsis 3:3

Péchawayare tamutu eta pímitukasiwana'i. Te wa'i pikuetupirika eta pipanereruana, nútijapaya tíja'uchawayare eta nítekapirayare nukutiyare eta maitekapira ema tiamera'i.