Apocalipsis 19:20 - Táurinakene máechejiriruwa’i ema Viya tikaijare

²⁰ Eta Útsutsure nakaratakapa emapa ema Falso Profeta, eta tímerekaparakaini'i eta ekutiarare tiáramikareana, te mamira'u. Taka'e eta maimeresira'i eta tiaramikareana naye'e ena achaneana, ena tisapawana'i manaka eta taikutiara eta Útsutsure, énapa ena titsiukana'iwa eta máima'i ema útsutsure. Taka'e, nakaratakapa eta útsutsure, émapa ema Falso Profeta, náepujukichapa taye'e eta táijurekene yuku táetiraraisina eta tamuruira.

Apocalipsis 19:20 ပူးပေါင်းရင်းမြစ်များ

San Mateo 7:15

“Échapawayare taye'e eta náimiturapiana ena tépiya'ira'iana tímijachawana machanerana ema Viya. Tépiyakawanapa'i tiúriana takuti'i eta tamansuwa eta uvesa. Té'esera te nasamureana, tétavikawa'i eta nawínarajiwa, nakuti'i eta ichini.

Apocalipsis 14:10

muraka eta nakatajiwairaya taicha ichape eta náimiyusemasira'i ema Viya, tikaepujukichakasianainapa te murakakene yuku, te namira'u ema Cordero, énapa ena ángeleana.

Apocalipsis 17:12

“Eta píma'akene'i diéskene taji'uana nakuna'i ena apamuriana diéskeneana akenukanayare, wícha'asera tikatuparakasiana, najakapayaresera eta natupara'anaya ena akenukanaya nakachaneyare eta Útsutsure. Ánipichusera naka'eyare.

Apocalipsis 19:19

Níma'awarepa ema útsutsure, tási'a énapa ena reyeana akenukana te awasareana, étapa eta maye'eana ejército, kurujikakanapa, náurujiakapa ema tikapera'i eta kawayu tijapu, énapa ena té'ikana'i maye'eanapa'i ejército.

Apocalipsis 20:10

Tási'a ema Wínaraji, ema tiwayuarekaini'i, nakaratakapa náepujukichapa taye'e eta táijurekene yuku, táetiraraisina eta tamuruira, étaipa eta mávi'a'i ema útsutsure, émapa ema Falso Profeta. Tájina nanarasiraima'i, tamutu sacheana yátiana, máichekuarakireya eta nakatajiwairaya.

Apocalipsis 21:8

Tikaikuñanayaresera namutu ena tipiturijiana, ena masuapajiraira'ana, ena máeperajiana, ena tikapa'iana, ena tú'usiana, ena iápemareana, ena tikasiñarajiana eta achanemirana, énapa ena tépiya'ira'iana, tikakijianayare namutu ena taye'e eta náikuchi táijurekene táetiraraisina yuku, máitawakaka eta tamuruira, wá'ikene tiúchukanaima'i taye'e.”

Apocalipsis 22:15

Énasera ena masuapajiraira'ana'i wa'i títujikawanaima'i tisiapana, nanasiyare te aneka, énapa ena iápemareana, ena tú'usiana, ena tikapa'iana, ena tikasiñarajiana eta achanemirana, énerichuware ena tiúrikana'i tási'a ena tépiya'ira'iana tikaetemara'iana.

Apocalipsis 9:17

Taka'e, eta nímaira'i ena tikaperana, tatiari'i eta náikutiara te natupana. Eta táima'iana titsi, azul, tiyakaka. Táiñe'ikene'i eta tachuti eta náperana. Tiúchukapaipa eta yuku, eta kijare te tajaka. Azufrepu'a eta táepu'a.