Apocalipsis 18:21 - Táurinakene máechejiriruwa’i ema Viya tikaijare

²¹ Taka'e, tiúchujikapa ema émana ángele, máetaviure eta mamurakawa. Manaraku'apa eta ichapekene mari ticheyarame, mákijiekapa te ichape une. Tási'a, maka'epa: “Taka'eyare eta tamurakawaya eta nákipaisiraya eta ichapekene awasare Babilonia, tájinapa tímiapechaima'i náima'a'ini.

Ignaciano

²¹ Tacahe, tiúchujicapa ema émana ángele, máetaviure eta mamuracava. Manara­cuhapa eta ichapequene mari ticheyarame. Máquijiecapa te une. Tásiha, macahepa: —Tacaheyare eta tamura­cavaya eta náquipai­siraya eta ichapequene avasare Babilonia. Tájinapa tímiape­cháimahi náimahahini.

Apocalipsis 18:21 ပူးပေါင်းရင်းမြစ်များ

Apocalipsis 10:1

Níma'apa ema apanaware ángele tiúkupaika'i te anuma, tétavikawa eta máiñe'iwa, tamuichapa'i eta úkaji, tatiari'ipa'i eta a'e te mápusi. Eta mamira, tétavikawa eta tajararasira'i takuti eta táima'i eta sache. Eta mapaikeana tijara'iwaka tikutipa'i timurukiape.

Apocalipsis 12:8

apake'ererupasera eta ichapekene'i kichare. Énapa ena tachanerana, tási'a, waipa máisapa ema Viya nanasi'ini te anuma,

Apocalipsis 16:20

Éneichuware, tamutu eta tiúrupu'iana térikapa, eta máriana témitiekenewarepa.

Apocalipsis 18:10

Nayererekinainapa eta náimararasirayare táichavenena'i eta napisirayare eta yuku táikuñayare eta awasare. Tási'a, naka'enapa: “¡Páurevisami, piti ichapekeneni awasare, Babilonia eta ichapekeneni awasare! Eta táija'uchirawapa eta titekapa eta taikuña.”

Apocalipsis 18:22

Tamutu timatina eta te távineni'i tájinapa tímiapechaima'i takasama'u'ini eta arpa etapa eta nasiviviripi etapa eta nachuja tronpeta, Nájinainawarepa ena tikaemataneanaini eta tinikakareana. Waipaware tiapechawaima'i esama eta takaemawa eta tikaematanera'i mari cheyarame.

Apocalipsis 20:11

Níma'awarepa eta ichapekene trono tijapu, tási'a téjaka'i ema Viya taye'e. Eta nímararasira'i ema, nukamitiakapa. Waipa necha távi'apuka návi'a'i té'epuka anuma, té'epuka apake'e.

Apocalipsis 5:2

Níma'apa ema ángele tipiaraka'i muraka, tétavikawa eta tamurakawa eta ma'u. Ánipa maka'e'i: “¿Naja'apuka narata'a navejiaka'ini eta juka takayurukine ajureka navetsayuka'ini eta taye'e selluana?”