Apocalipsis 18:16 - Táurinakene máechejiriruwa’i ema Viya tikaijare

¹⁶ tási'a, naka'enapa: “¡Páurevisami piti ichapekene awasare! Tétavikawaini'i eta piúrinawaini'i, pikamuiri'a'ini'i eta tatumekene lino eta pimuiri'a eta taima'i mularume, tási'a titsi, eta taye'ejaka eta pimuiri'a, amairi'a uru, perla, étapa eta táurinakeneana márija'iana.

Ignaciano

¹⁶ Tásiha, nacahepa: —Páurevisami piti ichapequene avasare. Tétavi­ca­vainihi eta piúrina­vainihi. Picutinihi esu esena eta táurinava eta sumuiriha lino, mularume, titsi eta tayehejaca eta sumuiriha. Eta piyereruva amairiha oro, táurina­queneana márijahiana, perla.

Apocalipsis 18:16 ပူးပေါင်းရင်းမြစ်များ

Apocalipsis 17:3

Taka'e, ema Machanewa Viya tímima'anu'i eta mawara'akeneana tímechanuya ema ángele, ema ángele tiámanupa taye'e eta máwapa'i apake'e. Ánaki níma'apa esu esena téjaka'i te táina'u eta táiñe'ikene sárare, machanewa'i ema Útsutsure, titsi eta táima'i, te táke'e, amairi'a eta ajureka táimijarechawa'i, tímijachawa'i Víyaina'ini, siete eta tachutiana, diez eta taji'uana.

Apocalipsis 17:4

Esu suka esena, eta táima'i eta sumuiri'a mularume étapa eta titsi, tétavikawa'i táurinawawaka'i eta suyereruwana, amairi'a uru, étapa eta táurinakeneana márija'ichichana, étapa eta tiurinana perla. Tási'a, te suwa'u sukarataka'i eta ichape suéreresi uru, tiáma'i eta tájiparakana pekatuana táiñema'ikeneana suíchakeneana'i eta suítaresira'i sutu'usiwa'i,

Apocalipsis 18:18

Eta náimaira'i eta takijarera eta yuku táijuira'i eta awasare, tipiararekanapa: “¿Tájina apanaina awasarena tákuti'ini eta juka ichapekenéni'i awasare?”

Apocalipsis 18:19

Eta náeñamirawa'i tepurasikawanapa eta tsimapa, taikutiara'i eta nakajapanurairawa'i, tipiararekana'i eta naiyaira'i taichavene eta nakatiekene'aira'i: “¡Pauresami eta ichapekeneni awasare! Tetavikawa eta taejapasira'i eta naima'akeneana namutu ena tikaye'eanaini eta lancha te ichape une. ¡Puiti tétavikawapa eta táija'uchirawa'i eta táemitiekenera'i tamutu!”