Apocalipsis 17:9 - Táurinakene máechejiriruwa’i ema Viya tikaijare

⁹ “Puitisera tikaecherainapa ena yatupikeneana techemara'ina: Eta juka siétekene tachuti eta sárare takuna'i eta siétekene mawapa'i wama'i eta suejasi'a'i esu esena, etaichuwasera takuna'i ena sietekeneana akenukana.

Ignaciano

⁹ “Pisama­nuchaha. Puiti numeta­ca­viyare eta tacaye­ma­quenehi eta pímaha­quenehi, te pivara­hapuca picaicu­tiaraya. Esu esena tacunahi eta ichapequene avasare. Eta juca siétequene tachuti eta sárare tacunahi eta siétequene cerro távihahi eta avasare.

Apocalipsis 17:9 ပူးပေါင်းရင်းမြစ်များ

San Mateo 13:11

Ema Jesús májikapawakapa: “Émasera ema Viya timimaticha'e eti, eta juka maeñaure'i te mawasa ema Viya akenuka te anuma, énasera ena apamuriana achaneana wa'i maitametakawakaima'i.

San Mateo 24:15

“Ema profeta Daniel majucha'i eta taichararakawayare'i eta sacheana táiñe'ikeneyare. Te íma'apa eti ema achane wínarajikene taye'e eta takapika'ukene eta santukene'i, –ena techejiku'ana eta juka nákaikutiara,–

Apocalipsis 13:1

Taka'e níma'apa eta útsutsure tiúkupaikapa'i tásiapa'i te ichapeama une. Siete eta tachuti. Diez eta taji'uana. Te tápusi eta taji'uana tatiari'i eta taye'e corona, tási'a te tachutiana tatiari'i eta ajureka tímijachawa'i Víyaina'ini.

Apocalipsis 13:18

Takamunu'i yátupina vipánerekene'ayare maicha ema Viya, apaesa wákaikutiara eta takayemakene'i tayumururewa'i eta tuparaki máijare ema Útsutsure eta 666. Eta, takuna'i eta máijare ema maka achane.

Apocalipsis 17:18

Esu esena pima'akene'i esu takuna'i eta ichape awasare esu tiakipairika'i ena akenukana taye'e tamutu awasareana.”

Apocalipsis 17:3

Taka'e, ema Machanewa Viya tímima'anu'i eta mawara'akeneana tímechanuya ema ángele, ema ángele tiámanupa taye'e eta máwapa'i apake'e. Ánaki níma'apa esu esena téjaka'i te táina'u eta táiñe'ikene sárare, machanewa'i ema Útsutsure, titsi eta táima'i, te táke'e, amairi'a eta ajureka táimijarechawa'i, tímijachawa'i Víyaina'ini, siete eta tachutiana, diez eta taji'uana.

Apocalipsis 17:7

Taka'e, máichanupa ema ángele: “¿Tája'a takayema piárameka? Numetakaviyare puiti eta takayemakene eta juka píma'akene'i suye'e esu suka esena, étapa eta sárare Útsutsure supera'i, eta siétekene'i tachuti, eta diéskene'i taji'uana.