Apocalipsis 17:14 - Táurinakene máechejiriruwa’i ema Viya tikaijare

¹⁴ Taka'e, ena nani nakanarainapa ema Cordero, wá'isera nárata'aima'i, máita'akawakayare'i ema Cordero. Taicha ema, yátupikene'i Rey, Akenuka'iware, mawaneka'i ena reyeana énapa ena akenukana, natiari'iyarewa ena makachanekeneanayare ema, nakanerejikene'i eta máichuira'i ema Viya, taicha, yátupi'i eta náe'isira'i ema.”

Ignaciano

¹⁴ Tacahe, ena nani nacana­rainapa ema Cordero. Váhisera nárata­haimahi. Máitaha­ca­va­ca­yarehi ema Cordero. Taicha éma, yátupi­quenehi Rey, Aquenu­ca­hivare. Mavanecahi ena réyeana énapa ena aquenucana. Natiari­hi­yareva ­ ena macacha­ne­que­nea­nayare éma. Nacane­re­ji­quenehi eta máichuirahi ema Viya. Tásiha, yátupihi eta náehisirahi éma.”

Apocalipsis 17:14 ပူးပေါင်းရင်းမြစ်များ

San Mateo 22:14

Numetaka'e puiti kamuriana'i ena níchu'akeneanapaipa'i. Ánimurianaichusera ena kaneregiana, títaura'ianayare.”

San Mateo 25:40

Ema Rey tijikapa'enapa: ‘Nutupiruwa numetaka'e, nútira íjarakanu'i tamutu eta ejapanuraiwa'i, ímikatasirawaka'i ena echamuriana.’

San Mateo 28:18

Ema Jesús témeña'awapa naye'e ena, tási'a máichawakapa: –Ema Viya tijarakanu'i eta tuparairukanuya'i taye'e eta anuma, tási'a étapa eta apake'e.

San Juan 15:16

Wa'i étina'ini enerejikanu'ini eta é'isiranu'i, nuti nunerejika'e'i eti, puiti nutuparaka'e, eyanayare ichapemuriyare eta ekaemataneasiranuyare. Eta taka'e ema Tata tíjaraka'eyare tamutu eta eyasearuanayare te níjare.

Romanos 1:6

Te namuri ena nasimutukeneana, etiari'iware eti apanawa, tíchu'a'e'iware ema Viya, machanerayare'i ema Machicha Jesucristo, mawara'a tauri eta ekaemataneasiraya ema.

Romanos 8:30

Ena manerejiruana'i ema Viya, maíchu'awarepa; eta nasuapira'i napauchapa ema, majakapawakapa. Tási'a, ena tijakapana'i maíjarakawapa eta naíkuchi'i eta naisiapiraya taye'e eta majaraiwa.

Romanos 8:37

Tétavikawa'i eta máetumechira'avi'i ema Jesucristo táichavene'i eta máemunasira'avi'i.

1 Corintios 15:24

Taka'e, tiáne'inapa eta táichekuiraya eta tamaurikeneana'i te apake'e. Taicha ema Cristo makamitiekene'ainapa tamutu eta náitupajijiasirawanaini'i ena tákenuru'anaini'i eta tamaurikeneana. Ema Viya máijarakayare'i eta matumewayare.

1 Timoteo 6:15

Ichapenapa vikunachainapa ema Tata Vikaiyakene taicha makarichu'i ema yátupikene'i tamutu marata'a, éma'i Rey-kene'i, Viákenukene'i, tiwaneka'i namutu ena reyeana énapa ena akenukana.

2 Timoteo 2:4

Pikutiyare eta máuriwa ema suntaru, takarichu máechapajirika'i eta mawanairipiana ema makapitara, wa'i máemitisikaima'i eta mawana'iana, ta'apapika'ipukaini jákani tájiparakana, ene pika'eyare piti eta pítauchirayare eta mawanairipiana ema Viákenu.

1 Pedro 2:9

Étisera manerejiru'eipa ema Viya, machicha'eipa. Tachicha'eipaware eta máwasa. Tituparaka'eipaware ema eyaseuchinawakayare ena achaneana eta maye'e. Majupa'a'e'iware ema Rey. Puiti émapa makarichu'i técha'e'i, taicha maveku'akene'eipa taye'e eta timapiku, tímisiapa'eipa taye'e eta táurikakarekene majaraiwa ema.

Apocalipsis 1:5

Ema Viákenu Jesucristo, ema yátupikene'i tiámaparaucha'avi'i eta juka vímitukasiwana'i. Éneichu'iware ema máinapuiru'i téchepuka te máekari. Namutu'i makachuriakawakaya ena reyeana te juka apake'e. Ema, yátupi'i eta máemunasira'avi'i, masipasina'avi'i eta viáchanewana taye'e eta vipekaturana te máitine máepusairu'i,

Apocalipsis 11:7

Té'esera te táitauchawapa eta nakametarairuirayare, makanarawakainapa ema tíñe'i achane wínarajikene tikaijare Útsutsure, tási'a masapi'ainapa tikaparekayare makapakawakainapa ena apinana mawanarana ema Viya.

Apocalipsis 16:14

Ena'i ena nachanewana ena ereanana, ena tíchana'i eta tiáramikareana tawayuarakiana'i naye'e ena akenukana te tamutu awasareana, nawaraira'i nakurujikawakayare, eta nae'akakairayare'i te taitekapapa eta jena sache masachera ema Viya máitupajijiakawakene'i.

Apocalipsis 2:10

Wa'i ekupika eta ekatajiwairaya, numetaka'e, ema wínaraji tímisiapa'eya te cárcel eta máitsamaresira'eya te tíminajika'eyarepuka, ekamichachuchasera, taicha diez sache eta ekatajiwairayare, nutuparaka'echa. Ejikapaikayare tayanapanepuka nakapaka'e nuti níjaraka'eyare eta táitsiwayare, tiúriyare eta ítaresiraya.

Apocalipsis 2:13

Nuti nímati tamutu eta píchakeneana'i, eta piavi'aira'i te mawasa ema Wínaraji, wá'isera ínajikawa'ini, étumechawaichucha eta é'isiranu'i nuti. Étaipa te íma'apa eta nakapasira'i ema nuchaneraini Antipas, yátupikene'i eta masuapiranu'i ema, ena machanerana'i ema Wínaraji nakapaka'i ema te jena iávi'a'i eti.

Apocalipsis 3:21

Emutu eti ekamichana'i, ímiyanawa'iware eta é'isiranu'i, nuti nukaejaka'ewakayare te néjasi'ayare, takutiyare eta néjasira'i maye'e ema Tata, taicha eta nétumechirawa'i nukamichira'i tamutu.