Apocalipsis 17:1 - Táurinakene máechejiriruwa’i ema Viya tikaijare

¹ Tási'a, tipauchanupa ema émana ángele nasietene'i ena tikaratakana'i eta escudillana. Máichanupa: “Yare, nímechaviyare eta suíkuñayare esu esena tú'usi, tawayurewa'i eta supekaturana, esu, tejaka'i te tachausi eta ichape une.

Ignaciano

¹ Tásiha, tipauchanupa ema émana ángele nasietenehi ena ticara­ta­canahi eta escudillana. Máichanupa: —Yare, nímecha­viyare eta suícuñayare esu esena túhusi, tavayu­revahi eta supeca­turana. Ésu, tacunahi eta ichapequene avasare te tachausi eta mar.

Apocalipsis 17:1 ပူးပေါင်းရင်းမြစ်များ

San Lucas 24:32

Tésenijirikakanapa énajikaka: –¿Tája'a takayema eta wa'i vímatiwane'ini ichakene te achene? Véjapusamurechapaipa'ineni eta visamirawa'i eta máimitusira'avipa'i taye'e eta Ajureka Takapika'ukene.

San Lucas 9:30

tási'a, tiáramikareanawarepa tímerekawana ena apinana ajairana, téchejirikawana'i maye'e ema Jesús. Ema'i ema Moisés, emapa, ema Elías.

Apocalipsis 1:1

Ema Tata Vikaiyakene mawara'a'i tímimaticha'aviyare eta táichararakawayare eta apake'e, apaesa vecha viti mawanarana'i. Ema máimecha'i eta juka, ema machicha Jesucristo. Tási'a, ema Jesús mawanekapa ema ángele mametapanayare'i ema Juan mawanara'i,

Apocalipsis 15:1

Níma'awarepa te anuma eta apana ekutiarare, natiari'iware ena siétekeneana ángeleana, tikatuparakasianapa ena eta nakamirisirayare'i eta siétekene ekuñarakiana te apake'e, eta masemanewa'i ema Viya.

Apocalipsis 16:19

Eta tayamurisira'i eta apake'e, tiákipaikawanapa eta pétiana tamutu awasareana, tavetijipa eta ichapekene awasare Babilonia, tiákipaikawapa tamutu eta pétiana, mapana eta táejepa'i eta apake'e te taju'e eta awasare. Taicha ema Viya máechapanapa eta naviurewana'i ena tachichanaveana, máimerekapa ema eta masemanewa'i, tétavikawa'i eta tamurakawa eta táikuña'i.

Apocalipsis 18:1

Níma'awarepa ema apana ángele tiúkupaikapa'i mási'a'i te anuma, muraka eta matupara'a'i, mamikauchapaine'i eta apake'e eta majaraiwapa'i.

Apocalipsis 19:2

Taicha ema máikuñaka'i ena tikaviurewana, eta taka'e máemechareka'i esu tú'usikene, ichape eta suwayuareresiraini'i ena achaneana, puiti pítipa pítsirijiekene'a'i eta nakapasira'i ena mawanaranaini ema Viya.”

Apocalipsis 19:9

Ema ángele máichanupa: “Piájuchayare eta juka: ‘Tétavikawapa eta náurikakarewa nákani nakaichu'asikeneana'i taye'e eta táurinakene mapiestara ema Cordero.’ ” Tási'a, máichanuwarepa: “Eta jukana, eta yátupikeneana'i máechejiriruwana'i ema Viya.”

Apocalipsis 21:15

Ema ángele ema téchejikanu'i makarataka'i eta máikutiriki úruki, máikutichi'ayare eta tapajakurana étapa eta yúchamana.

Apocalipsis 21:9

Taka'e, tipauchanupa ema émana ángele nasietene'i ena tikaratakana'i eta siétekene escudilla tiámapa'i eta siétekene ekuñarakiana táiñe'ikeneana, tási'a, máichanupa: “Yare, nímechaviyare eta awasare, návi'a'i ena machanerana ema Cordero. Tímikutijirikawa'i esu araima sukaetupiri'ikene'i eta suítauchirawayare.”

Apocalipsis 4:1

Te táekenepa eta juka, níma'awarepa téjiaka'i eta anuma; nusamawarepa eta ma'u ema, émaichu'i ema tínapuka'i téchejikanu'i. Tirure'ucha eta ma'u. Tíchu'anupa, ánipa maka'e: “Yare, piápana. Nuwara'a nímechaviyare eta táicharakawayare puiti juka vikaiju'eyare.”