Apocalipsis 14:7 - Táurinakene máechejiriruwa’i ema Viya tikaijare

⁷ Muraka eta máichuaresira'i, ánipa maka'e: “Epikauchayare ema Viya, taicha ema tépiyaka'i eta anuma, eta apake'e, eta ichapeama une, eta kákiureana. Émaina ejiraucha. Taicha járajapainapa puiti eta máikuñasiraya ena achaneana.”

Apocalipsis 14:7 ပူးပေါင်းရင်းမြစ်များ

San Mateo 25:13

Eta taka'e ekuneuchawa etsekawa'i eti –tási'a maka'ewarepa ema Jesús–, taicha wa'i echa taja'apuka jákani sacheyare eta nuchavirayare núti Manerejirunu'i ema Viya.

San Lucas 17:18

Makarichu'i tichawa ema maka apawasana, makunachapaipa ema Viya.

Hechos 14:15

–Tátanaveana, ¿taja'a takayema icha eta juka? Víti'ichu ekutikeneana achaneana. Tímiteka'avi'i vimetapana'e ínajika eta juka eye'erepiana'i, e'ikayaresera ema Viya, ema yátupikene'i tisama'avi, ema tépiyaka'i eta anuma, eta apake'e, eta ichape une, tétupirika'i tamutu eta víma'akeneana'i.

1 Pedro 4:7

Tiáne'ipa eta táitavirayare tamutu eta juka. Eta taka'e, ekaratakawa eta epanereruana apaesa táuriwaina eta eyujarasiranaya.

Apocalipsis 11:13

Enewanepa tiyayakarepa eta apake'e, muraka eta tayamurisira'i, kamuri eta pétiana tiákipaikawawaka'i, siete mil eta náichapemuriwa ena náepenakeneana'i. Ena achaneana táemachana'i, tétavikawaine'i eta napisira'i, náimatinumaine'i ema Viya, napiarakapa, nakunachapa eta máitupajijiasirawa'i ema Viya tiávi'a'i te anuma.

Apocalipsis 11:18

Tétavikawa'i eta nasemanewa'i ena achaneana eta piye'e, murakapanainapasera eta píkuñasirawaka ena, puiti tikayasesere'ianainapa te pimira'u ena náepenakeneana, puiti pítsirijikawainapa naye'e ena piwanarana, píjarakainapa eta náikuchi'i ena yátupikeneana'i tiámana'i eta píjare, nákani ichavikana, énapa ena amaperuana. Tási'a pikamitiekene'ainapa namutu ena tikamitiekenera'ianaini te juka apake'e.”

Apocalipsis 15:4

Namutu'i tipikaviana, piti Tata. Namutuware tikunachaviana taicha piti. Yátupikenevi'i eta pisantuwa, nájina nákutivi'ini. Títekanayare nákani achaneana te tamutu awasareana. Titsiukavianayare taicha náima'a'i tatupiruwa'i tamutu eta píchakeneana'i.”

Apocalipsis 16:9

Tási'a táijuchawakapa ena achaneana, taetaviuchapa eta taijurewa'i. Wá'ikenesera náeñauchawa'ini, wá'iware náwara'a'ini náesenika'ini ema Viya, nawayuchaichucha eta nasemanewa'i. Nakajachapa ema Viya, ema tikawanairipipa eta ekuñarakiana.

Apocalipsis 18:10

Nayererekinainapa eta náimararasirayare táichavenena'i eta napisirayare eta yuku táikuñayare eta awasare. Tási'a, naka'enapa: “¡Páurevisami, piti ichapekeneni awasare, Babilonia eta ichapekeneni awasare! Eta táija'uchirawapa eta titekapa eta taikuña.”

Apocalipsis 18:17

¡Puiti, tétavikawapa eta táija'uchirawaipa témitiaka tamutu eta píma'akeneanainisami'i!” Éneichuware, namutu ena tákenuana'i eta lancha, énapa ena pasajeroana, énapa ena marineroana, énapa ena tikaemataneana'i taye'e eta lánchana te ichapeama une, nanasipa namutu te tiyere'i.

Apocalipsis 18:19

Eta náeñamirawa'i tepurasikawanapa eta tsimapa, taikutiara'i eta nakajapanurairawa'i, tipiararekana'i eta naiyaira'i taichavene eta nakatiekene'aira'i: “¡Pauresami eta ichapekeneni awasare! Tetavikawa eta taejapasira'i eta naima'akeneana namutu ena tikaye'eanaini eta lancha te ichape une. ¡Puiti tétavikawapa eta táija'uchirawa'i eta táemitiekenera'i tamutu!”

Apocalipsis 19:5

Tási'a, tikaechera'uwarepa eta ma'u ema téchejika'i taye'e eta trono. Maka'epa: ¡Etsiukayare ema Viya emutu eti machanerana étipa eti amaperuana tási'a étipa eti ichasiana, epikaura'iana maye'e!”

Apocalipsis 4:11

“¡Tata Víyakene, piti Viákenuvi'i! ¡Tétavikawa'i eta piúriwa'i! Ichapekene'i eta vikunachiravi'i. Taicha píti pépiyaka'i akane tamutu eta juka víma'akeneana'i puiti. Píti'ichuware pécha'i puiti tamutu eta pépiyaruana'i.”

Apocalipsis 4:9

Ena ekutiarareana na'asulupayacha'i. Puiti pinasi'ichuware eta viye'e. Píti'ichuware pinasiyare te táitawapa tamutu. Piti pitiari'ikene'i te tépanawainapa eta apake'e.

Apocalipsis 8:10

Te tikachujapa ema apana ángele, témirikapa eta ichape jarairiki tási'a'i te anuma, tétiraraikapaine eta táemirisira'i. Tajararekapa eta une taye'e eta tercera parte eta kajakureana.