Apocalipsis 14:6 - Táurinakene máechejiriruwa’i ema Viya tikaijare

⁶ Níma'awarepa ema émana ángele tiárarairika'i, tikametarapi'i eta tékene'a mametarapi eta máichuaresira'i eta náeñauchirawaina ena achaneana tiáviana'i te tamutu awasareana, apaechejiriruwakeneana. Máitawakakainapa eta náitaresiraya nákani ena tisuapana'i.

Ignaciano

^6-7 Nímaha­varepa ema émana ángele tiárarai­ricahi. Ticame­ta­rapihi eta téqueneha mametarapi eta máichuare­sirahi eta náeneuchi­ravaina ena achaneana tiávianahi te tamutu avasareana, apaecha­ji­ri­ru­va­queneana. Máitava­ca­cainapa eta náitare­siraya nácani ena tisuapanahi. Muraca eta máichuare­sirahi, ánipa macahe: —Éneuchava eta epeca­turana. Epicau­chayare ema Viya, taicha éma tépiyacahi eta anuma, eta apaquehe, eta mar, étapa eta cáquiureana. Émaina ejiraucha, ecunachaya. Émaina etsiuca. Taicha járaja­painapa puiti eta máicuña­siraya ena achaneana máeneucha­va­rahana —macahepa.

Apocalipsis 14:6 ပူးပေါင်းရင်းမြစ်များ

San Mateo 10:27

Jákani nichakeneana'i te timapiku, eti íchayare te tijara'i. Étaipa eta nujajairu'e'i, epiarakainapa te petiana.

Marcos 16:15

Tási'a máichawakapa: “Eyana epaika tamutu eta awasareana eta te juka apake'e, ekametarairuyare eta tiúrina echéjirirukawa naye'e ena achaneana.

Romanos 16:25

Vijirauchira ema Viya. Ema, mawara'a'i tétumecha'eya taye'e eta é'isira'i ema Viákenu Jesucristo. Eta taka'e'i eta nukametarairuira'i, nímitukawaka'i namutu ena achaneana eta majakapirawaka'i ema Viya eta nakasiñawaira'i me Machicha. Akane eta táepanirawa'i eta apake'e, ema Viya Eterno mapanerechapa eta majakapirayare namutu ena achaneana tikasiñawanaya eta maye'e.

Colosenses 1:23

Taka'e, nuwara'a étumechawayarechucha, ímiyanawa táuri eta é'isira'i. Wa'i ekuyakujiekene'awa eta ekuchapira'i eta iúchukuiraya. Wa'i ekuemepurureka eta esuapiraipa'i eta máechejiriruwa ema Viya. Tétavikawa'i tasuapakarewa'i naye'e namutu ena achaneana te juka apake'e. Núti'ipa nuti Pablo wanairukakenenu'i, étaichu'iware taka'e'i eta nukametarairuira'i.

2 Tesalonicenses 2:16

Nuparapenaveana, tétavikawa'i eta máemunasira'avi'i ema Viákenu Jesucristo, émapa ema Tata Vikaiyakene. Tayanapane wa'i viúri'ini, énasera nawara'a'i tikurisamurecha'avianaya. Tási'a, vikunewainapa eta viúrikakarewaya, máichekuarakirenapa náicha,

Hebreo 13:20

Ema Viya, tétavikawa'i eta mauriwa''i, tétavikawa'iware eta máitupajijiasirawa taicha makaechepuka'i ema Viákenu Jesucristo te máekari, émayare'i yátupikene'i Pastuleruyare'i, tijaneara'i viye'e viti machichanaveana. Tisipa'aka'avipa eta te máitine, apaesa máitawakakayare'i eta vikachanerayare ema,

1 Pedro 1:25

Étasera eta máechejiriruwa ema Viya, jé'eware maitawakaka'i.” Eta juka Arairu máechejiriruwa ema Viya, étakene'i eta emetakasiwana'i, apaesa táuripa eta é'isira'i.

Apocalipsis 10:11

Tási'a, nukametakasiwarepa: “Píti piápechawaya pikametarapiya eta náichararakawayare namutu ena akenukana te juka apake'e, énapa ena achaneana tikawasana'i te tamutu awasareana.

Apocalipsis 10:7

etasera te taitekapapa eta sacheyare, eta makachujairaya ema nasietenekene ángele, títauchawainapa tamutu eta maeñaure'i mapanereruana'i ema Viya.”

Apocalipsis 13:7

Maisapaware, makanara te'akakana taye'e eta awasare santukene'i, etapa eta maita'asirayare'i, maisapaware eta ma'akenukawayare'i, naye'e ena apánapanenejiana achaneana te juka apake'e, enapa ena apaechejiriruwana tiavi'ana te apana awasareana.

Apocalipsis 3:10

Piti, pítaucha'i eta nuwanairipi eta pikamichiraya tamutu, eta taka'e, nujaneakaviya nuti apaesa wa'i takuimive'avi te táitekapapa eta natajiwanayare namutu ena achaneana táwapa'iana'i te juka apake'e.

Apocalipsis 5:9

Tijirana'i eta juka jirasare arapiru, ánipa naka'e: “Pikarichu píti tituparakavi'i eta pikaratasirayare eta ajureka, pivepistasirayare eta taye'eana sello, Tituparakavi'i taicha píjarakawa'i píti tímikapakavi'i, eta pepusaisira'i eta pítine eta viwacharesira'avi'i vimutu te mamira'u ema Viya víti apaimamajikene'avi'i te juka apake'e, apánapaneneji'iware eta vechejiriruwa. Apawasana te juka apake'e.

Apocalipsis 8:13

Taka'e, nésenikapa te anuke'e. Níma'awarepa ema émana ángele tiáraraika'i. Nusamapa tipiarakapa'i muraka, tási'a ánipa maka'e: Páureanasami ena tiávi'ana'i te apake'e, tétavikawaya eta nakatajiwairayare, puiti te táitauchawapa eta nakachujairaya ena mapanakeneana ángeleana.