Apocalipsis 14:13 - Táurinakene máechejiriruwa’i ema Viya tikaijare

¹³ Taka'e, nusamawarepa ema téchejikanu'i te anuma, ánipa maichanu: “Piájuchayare eta juka: Tétavikawa eta náurikakarewaya ena táimikaparuanayare puiti juka vikaiju'eyare eta náe'isira'i ema Viákenu.’ ” “Éneichuware– ema Machanewa Viya–, máichanupa jé'eware, najakapainapa eta náikuchi'i taicha eta nakaemataneasira'i ema Viákenu, tájinapa nákamunuima'i, tinarakanainapa.”

Ignaciano

¹³ Tacahe, nusama­varepa ema téchaji­canuhi te anuma. Ánipa macahe: —Piájuchayare eta juca numeta­ru­via­nayare: ¡Tétavicava eta náurica­ca­revaya ena táimica­pa­rua­nayare puiti juca vicaiju­heyare eta náehisirahi ema Viáquenu! —máichanupa. Éneri­chuvare ema Espíritu Santo máichanupa: —Jéhevare, najaca­painapa eta náicuchihi taicha eta nacaema­ta­nea­sirahi ema Viáquenu. Tájinapa nácamu­nuimahi, tinara­ca­nainapa —macahepa.

Apocalipsis 14:13 ပူးပေါင်းရင်းမြစ်များ

San Mateo 3:17

Taka'e, nasamapa eta ma'u ema Viya tási'akene'i te anuma. Ani maka'e'i: “Pítira nuchicha némunarukene, núrisamurecha piye'e.”

San Lucas 16:25

Émasera ema Abraham majikapapa: ‘Nuchicha, te achanevicha'a, tétavikawa'i eta piúrikakarewa'i. Tájina pákamunu'ini eta pítaresira'i. Émasera ema Lázaro, ichapemuri'i eta makatajiwaira'i te achaneicha'a. Puítisera ema majakapaipa'i eta máurikakarewa'i. Piti pikatajiwaipa.

San Lucas 16:9

“Puiti numetaka'eyare, eti ekaima'akene'ipuka, ekajiyare te napaucha'epuka ena tikamunuwana'i. Taka'e, te ítekapapa te máwasa ema Viya, tiúriyare eta ítekapiraya, ánaki ejákapainapa eta táitsiwayare.

Romanos 14:8

Te vítarekapuka, te vépenapuka, eta vikunachirayare'i ema viákenu Jesucristo. Tayanapane vépena maye'e'avi'isera ema Viya.

1 Corintios 15:18

Te yátupinapuka wa'i tisuapakare'i eta júkana, tímikutijirikawaipa témitiekeneanaipa ena náepenakeneana'i té'ikana'i ema Cristo te achaneanaicha'a'i.

1 Corintios 15:20

¡Yátupikene'isera eta máechepusira'i ema Cristo te máekari! Taka'e, ema ekutiarare'i viye'e eta véchepusirayare víti apanaware te vépenaipapuka.

1 Corintios 15:58

Táitusiawa, eti némunarukeneana'i nuparapenaveana, ímiyanawachucha eta étumechirawaina taye'e eta juka vé'iru'i, wa'i takuekekérekawa eta epanereruana. Ekaemataneakakenena yátupina ema Viákenu, taicha écharichu'i eti wa'i támapurujima'i eta ekaemataneasira'i ema.

2 Corintios 5:8

Nuwara'aine'isera táija'uchawa'ini takaitsiwa'ini eta juka náke'e, nuyanasarepaini nukachane'ini ema Viákenu.

Filipenses 2:17

Nímikuticha'e eta esuapajiraiwa'i taye'e eta ekaemataneasira'i ema Viya, takuti'i eta iámawa'u'i maye'e, nuti, tijurikati táimikapakanupuka eta nukametarairuira'i eta eye'e, eta népenirainapukaini takutiyarewa eta námawa'u'i maye'e ema Viya, takachane eta iámawa'u'i eti, nuti nuwapinawa'i eta níjarasirawa'i népena, núrisamure'iware eta nukamawa'uira'i me Viya.

1 Tesalonicenses 4:14

Víti visuapa'i eta máechepusira'i te maekari ema Jesús te táekenepa eta máepenira'i. Tási'a, visuapa'iware eta makaechepusira'aviya ema Viya te vépenapa, vikáchanenapa ema Jesús viti vé'ikana'i ema.

1 Tesalonicenses 4:16

Taicha émaichu ema Viya tiúkupaikaya tichawayare, tiási'aya te anuma. Tipiarakaya muraka tíchuarekaya. Ema Arcángele éneichuware tipiarakayarewa. Tikaemayarewa eta machuja ema Viya. Taka'e, téchepukanainapa tínapukanaya ena náepenakeneana, ena tisuapajira'iana'i maye'e ema Cristo;

1 Tesalonicenses 5:10

Ema Jesucristo tépena'i te crusu vítivene'i, tayanapane vitarekacha'apuka te'epukasera vepenaipapuka, etasera vitareka'ini te machakaya ema Viya.

1 Timoteo 5:24

Takamunu'isera eta pikasamairunumaya nákani tisiapanayare eta pastulerukare, taicha narari'i ena machasi'i eta napekaturana, wa'i táimatikarewane, tapaenumawa te pikasamairunuma ena, narari'isera ena tikaecherawane eta napekaturana, tímatikarewaneana.

1 Timoteo 5:25

Ene taka'e'i, narari'i ena tímatikareanawane'i eta náichira'i eta táurikeneana'i, narari'iware ena takamunu'i eta pikasamairunuma, wa'i tikaecherawane'i eta naichakeneana tamutusera eta juka timerekawayare.

Apocalipsis 1:11

Ánipa maka'e'i: Piájuchaya tamutu eta juka píma'akeneanaya te ajumeruka, pímiamarekapa eta piajure naye'e ena siétemurikeneana pichamuriana tikawasana'i te Asia: ena tiávi'ana'i te Éfeso, ena tiávi'ana'i te Esmirna, ena tiávi'ana'i te Pérgamo, ena tiávi'ana'i te Tiatira, ena tiávi'ana'i te Sardis, ena tiávi'ana'i te Filadelfia, énapa ena tiávi'ana'i te Laodicea.”

Apocalipsis 10:4

Te timatinapa, nuwara'apa nájuekene'ayare'ini. Nusamapasera ema téchejikanu'i te anuma. Máichanupa: “Piáñauchayare eta juka pisamakene'i, tási'a wa'i pikuajucha.”

Apocalipsis 11:15

Taka'e, tikachujapa ema tékene'a ángele. Tási'a, tikaemapa muraka te anuma. Ánipa taka'e'i: “Ema tikawanairipiyare te juka apake'e, ema Viya, tási'a émapa ema Cristo, akanewakainapa eta émairayare techa tamutu.”

Apocalipsis 11:19

Taka'e, téjiakapa eta tapajakura eta templo mapena ema Viya tiávi'a'i te anuma, tikaecherapa eta sagrario takaunaiya'i eta echéjirirukawana matratuneana'i ema Viya. Tási'a enewanepa térameka'i, tirurekapa, tiyamurikapa eta apake'e, témirikapa eta uvereki.

Apocalipsis 16:17

Ema tékene'a ángele nasietene'i máepusaikapa eta maye'e escudilla te anuke'e, tási'a, nusamapa muraka eta ma'u ema Viya tiási'a'i te trono taye'e eta mapena ema Viya, tási'a ánipa maka'e: “¡Títauchawapa puiti tamutu!”

Apocalipsis 19:9

Ema ángele máichanupa: “Piájuchayare eta juka: ‘Tétavikawapa eta náurikakarewa nákani nakaichu'asikeneana'i taye'e eta táurinakene mapiestara ema Cordero.’ ” Tási'a, máichanuwarepa: “Eta jukana, eta yátupikeneana'i máechejiriruwana'i ema Viya.”

Apocalipsis 2:1

“Pikajureyare eta juka numetarapiana'i maye'e ema tikametarairura'i naye'e ena pichamuriana tikawasana'i te awasare Éfeso: ‘Nuti iákenunu'i taicha nuti nukarataka'i eta sipikeneana jarairikiana te nuwa'u waure, nuti návi'a'i te tamuri eta sipikeneana kandeleruana urukiana:

Apocalipsis 2:7

¡Ema Machanewa Viya tímituka'eyare eta juka mametarapiana eti nuchanerana'i! Emutu eti ekamichana'i, ímiyanawa'i eta é'isiranu'i, nukasiapa'eyare te paraíso íkumuna'i me Tata. Nénika'eyare eta ta'i, eta yukuki tiama'i eta táurikakarewayare eta ítaresira.

Apocalipsis 20:6

¡Tiúrikakareanayare ena nani tiápechawanayare títarekana puiti juka masantuchainapa ema Viya! Waipa tiápechawanaima'i tépenana, tiyujarakara'ianaya maye'e ema Viya, étapa me Cristo. Taicha ema Cristo máijarakainapa eta mil añu eta nakatupara'airayare.

Apocalipsis 21:5

Taka'e, nusamawarepa eta ma'u ema Viya te maye'e trono ánipa maka'e: “Puiti tépanawapa arairu, tamutupa tikaitsiwa nicha nuti.” Tási'a, ániware maka'e: “Piájuchayare puiti eta juka, taicha yátupikeneya eta táichararakawaya, tamutuyare títauchawa, je'eware eta tisuapakareana.”

Apocalipsis 22:17

Ema Machanewa Viya énapa ena té'ikana'i ema Cordero, tíchuarekana, naka'e'i: “¡Yare!” Tási'a nákani tisamanaya naka'e: “¡Yare!” Énapa nákani timauneanayare, náiteka apaesa náera eta une tikaitarera'i, tájina wa'i nawacharekaima'i.

Apocalipsis 6:11

Taka'e tikaijarakasianapa eta namuiri'anayare'i eta tijapu. Tikametakasianapa nanara'asiranumayare apaesaina'i. Tiámainukawayare'i te tiyuritikawapa eta natupayare ena nachamuriana nakaparuanayarecha'aware ena té'ikana'i ema Cristo.