Apocalipsis 13:16 - Táurinakene máechejiriruwa’i ema Viya tikaijare

¹⁶ Tasi'a takawanairipipa námutu ena achaneana, amaperuana, ichasiana, énapa ena kaima'akeneana, énapa ena musuana, énapa ena mákenureana, najachapayare'i eta naikutiarana, te nawa'u sapa te'epuka waure te'epuka nana'u.

Ignaciano

^16-17 Tacahe, ema Falso Profeta macava­nai­ri­pinapa nacamarca te navahu te vaure, te nanahupuca ena achaneana: ena amaperuana, énapa ena ichanaruana, énapa ena ichavicana. Tayanapane rícoana­hipuca, páureana­hipuca, líbreana­hipuca, mósoana­hipuca. Námayarehi eta máijare ema Útsutsure étapa eta mayehe número. Éneri­chuvare macava­nai­ripipa vahi nacuisapa nacujachapa eta navacha­rapiana ena mamarcareana. Ticata­ji­va­nainapa eta náituru­si­rayare eta nacamu­nu­queneana taicha vahi nacama­rcahini.

Apocalipsis 13:16 ပူးပေါင်းရင်းမြစ်များ

Hechos 26:22

Tasi'asera ema Viya tímikatakanu'i, puíticha. Tási'a, wa'i nucháwakuejechawa'ini nimiyanawa'i nukametarairu'i maye'e ema Viya, namutu ena achaneana. Tájinasera wa'i nu'apapika'ini eta táechejiriruwana'i eta Takapika'ukene Ajureka, eta táitauchirawayare'i:

1 Corintios 12:13

Taka'e, wa'i étaparakaina te israelita'avipuka, te apawasajueku'avipuka, étaipa te mákenure'avipuka. Té'esera te vikaikachasipa eta vé'isirapa ema Viákenu, étanainepa eta víma'i maicha ema Machanewa Viya.

Gálatas 3:28

Tayanapane apawasasajiana'e eti, tayanapane'iware ekasirikikíji'i eti ajairana, ena esenana, tayanapane'iware músuanapuka, wa'inenipuka musuanaina, té'esera te mamira'u ema Viya, étanaichu'i eta víma'i.

Gálatas 6:17

Tiuri puiti, németeaka nuti tájina táeñamawakare'ini eta esuapajiraiwa'i eta nuye'e, wá'iware ísapawa'ini ena nákani tikamesajirika'eana'ipuka é'ika eta naye'erepiana, eta juka nujarana'i te náke'e, eta tímereuchanu'i eta yátupikenera'i eta nukaemataneasira'i ema Jesucristo.

Efesios 6:8

Taicha écharipa'i emutu eti, vijakapayare eta víkuchi'i maye'e ema Viákenu te vítaucha'i tamutu eta táurikeneana, wa'i manerejikaima'i nákani makenurepuka énapa ena tikakenurekana'i; vinunayare'i taye'e eta víkuchi'i.

Colosenses 3:11

Tayanapane apawasananaji'avi'i viti vé'ikana'i ema Viákenu, émasera ti'etamuricha'avipa viti israelítana, étipa eti apawasanana, énapa ena máikachasianana, te mamira'u ema Cristo, waipa apawasananaji'avina'ini, étanainepa eta víma'i maicha ema, tayanapane tájina ikutiaraina te iáke'eana, wá'isera tikachuriaka'eanaima'i ena tinakana'i eta naikutiarana te nake'e, tayanapaneware ekakenu'ipuka, wá'iwaresera vikachuriaka'ema'i viti wa'i musu'avina, ema Cristo tiáwa'aka'avi'i vimutu.

2 Timoteo 3:8

Takuti'i akane ena iápemareana ema Janes émapa ema Jambrés tiákapaemachana'i ema víyara'aini Moiséini, tímatikareana'isera eta namaimatira'i eta yátupikeneana. Ena achaneana mauripanereruana taicha wa'i nawara'a'i nakasiñawa'ini me Viya.

Apocalipsis 11:18

Tétavikawa'i eta nasemanewa'i ena achaneana eta piye'e, murakapanainapasera eta píkuñasirawaka ena, puiti tikayasesere'ianainapa te pimira'u ena náepenakeneana, puiti pítsirijikawainapa naye'e ena piwanarana, píjarakainapa eta náikuchi'i ena yátupikeneana'i tiámana'i eta píjare, nákani ichavikana, énapa ena amaperuana. Tási'a pikamitiekene'ainapa namutu ena tikamitiekenera'ianaini te juka apake'e.”

Apocalipsis 15:2

Níma'a tatiwa eta tikutiyaréni táima'i eta une te ichapekene kákiure, tétavikawasera eta tajanunusira takuti'i eta espejo, tási'a takutiyaréni eta yuku eta táima'i. Te tachakaya eta une titupi'ana'i, nakarataka'i eta naye'eana guitarrana máijararuana ema Viya, eta nasuapira'i ema. Taicha ena tita'arekana, wa'i naisapawa'ini manaka'ini eta maikutiara, tási'a wa'iware naisapawa'ini manaka'ini eta májure étapa eta maijare útsutsure.

Apocalipsis 19:18

enikayare eta náecheanaini ena reyeana, ena ajairanaini tímijachawana túmeana, énapa ena naye'eanaini, étapa eta táeche eta kawayu náperanaini. Vénika'eyare namutu ena!”

Apocalipsis 19:20

Eta Útsutsure nakaratakapa emapa ema Falso Profeta, eta tímerekaparakaini'i eta ekutiarare tiáramikareana, te mamira'u. Taka'e eta maimeresira'i eta tiaramikareana naye'e ena achaneana, ena tisapawana'i manaka eta taikutiara eta Útsutsure, énapa ena titsiukana'iwa eta máima'i ema útsutsure. Taka'e, nakaratakapa eta útsutsure, émapa ema Falso Profeta, náepujukichapa taye'e eta táijurekene yuku táetiraraisina eta tamuruira.

Apocalipsis 19:5

Tási'a, tikaechera'uwarepa eta ma'u ema téchejika'i taye'e eta trono. Maka'epa: ¡Etsiukayare ema Viya emutu eti machanerana étipa eti amaperuana tási'a étipa eti ichasiana, epikaura'iana maye'e!”

Apocalipsis 20:12

Tási'a níma'awarepa namutu ena náepenakeneanaini, ena amaperuana, énapa ena ichanaruana, namutu titupi'ana'i te mamira'u ema Viya téjaka'i te trono, tási'a tatiari'i eta libro tiama eta najukunana ena náitareruanaya. Tatiari'iware eta apamuriana libro takajuiya'i eta náichawakenewana'i ena achaneana.

Apocalipsis 20:4

Níma'warepa eta trono, tejakana'i taye'e, ena tijachapana'i eta natupara'ana juéseanaipa'i. Níma'awarepa eta nachanewana ena achaneana, ena táimikaparuana'i eta náe'isira'i ema Jesús, étaipa eta nakametarairuira'i eta máechejiriruwa ema Viya. Ena nani, wa'i náepuyumiraucha'ini eta útsutsure, wá'iware natsiuka'ini eta máima'i nasiñaraji'i ena apamuriana achaneana, wá'iware náwara'a'ini nanaka eta naikutiara eta te nana'u étapa te nawa'u. Níma'awarepa eta nachavirapa titarekana, tási'a tiapechawanainapa katupara'ana, nakáchanenapa ema Viya, mil añu eta nakatupara'airayare.

Apocalipsis 6:15

Taka'e, tijunanapa ena reyeana te awasareana, ena nakenumuriana ena suntaruana, ena akenukara'ana, ena ríkukeneana, ena músuana, ena líbreana. Tikayumurúkianapa te taju'e eta ichapekeneana máriana;

Apocalipsis 7:3

“¡Wicha'a ekukamirika eta táikuñayare eta apake'e, eta ichape une, étapa eta yukukiana, tapaenumawaya te vinakapa eta maye'e sello te nana'uana ena mawanarana ema Viya!”