Apocalipsis 13:14 - Táurinakene máechejiriruwa’i ema Viya tikaijare

¹⁴ Ichape eta náramira'i, étavene'i eta juka táimeresira'i eta tiáramikareana, étainapa tiwayuakaya ena achaneana, tisuapakarenapa titsiukakarenawarepa eta Útsutsure, taicha náima'a'i eta tanarasira'i eta tajara te tumare; tiápechawa títareka'i, taka'e, makawanairipipa náepiyakaya eta máima'i ema Útsutsure, nasiñarajiya.

Apocalipsis 13:14 ပူးပေါင်းရင်းမြစ်များ

2 Tesalonicenses 2:4

Ema maka achane ema tikanara'i ema Viya namutu ena te'ikana'i tisuapana'i ema Viya, tási'a ema maka achane tinakawainapa te templo, timijachawainapa yatupikene emakene ema Viya.

Apocalipsis 12:9

taka'e, tikakijianapa te juka apake'e eta ichape kichare, eta tikaetema'i esu suinapure esena Eva, émapa ema nákenumuri'i tikaijare Ereana Wínaraji, ema tikaetema'i namutu achaneana te juka apake'e. Namutu tikakijiana ema, enapa ena machanerana, te juka apake'e.

Apocalipsis 13:1

Taka'e níma'apa eta útsutsure tiúkupaikapa'i tásiapa'i te ichapeama une. Siete eta tachuti. Diez eta taji'uana. Te tápusi eta taji'uana tatiari'i eta taye'e corona, tási'a te tachutiana tatiari'i eta ajureka tímijachawa'i Víyaina'ini.

Apocalipsis 13:15

Etasera eta tapinane Útsutsure tajachapapa eta taitupajijiasirawayare'i eta táchanechira'i eta náepiyaru'i táima'i eta tainapure Útsutsure, téchejikayare táicha, eta juka nasiñaraji, tawanekapa, namutu natsiukakayare'i, énasera nákani wa'i náwara'a'ini natsiuka, taimikapakawakayare'i.

Apocalipsis 13:8

Eta akane te tépanawainapa eta apake'e, tatiari'i eta Ajureka tiama eta najukunana ena títarekanaya te apana vítaresira, makarataru'i ema nakaparu'i Cordero, natiari'isera ena apamuriana achaneana tikawasana te juka apake'e, tájina'i eta nájukunaina'ini taye'e eta Ajureka, ena nani ena titsiukanayare eta Útsutsure.

Apocalipsis 14:11

Máichekuarakireyare eta nakaikuñairayare, tájina tikaema'aima'i eta yuku, támutu sácheana, yátiana naka'eyare te yuku ena tijirauchana'i titsiukana'i eta Útsutsure, tiámana'iware eta taikutiara, takuna eta máijare'i eta nasiñaraji.”

Apocalipsis 14:9

Te títapirikapa, émapawawarepa téchejika ema émana ángele, ema namápanane'i. Ániware maka'e: “Tájinapa táipuina eta náikuñanayare ena tijirauchana'i ema útsutsure étapa eta máima'i náepiyaru'i nasiñaraji'i, énaipa ena tiámana'i eta naikutiarana te nana'uana étapa te nawa'uana,

Apocalipsis 15:2

Níma'a tatiwa eta tikutiyaréni táima'i eta une te ichapekene kákiure, tétavikawasera eta tajanunusira takuti'i eta espejo, tási'a takutiyaréni eta yuku eta táima'i. Te tachakaya eta une titupi'ana'i, nakarataka'i eta naye'eana guitarrana máijararuana ema Viya, eta nasuapira'i ema. Taicha ena tita'arekana, wa'i naisapawa'ini manaka'ini eta maikutiara, tási'a wa'iware naisapawa'ini manaka'ini eta májure étapa eta maijare útsutsure.

Apocalipsis 16:13

Tási'a, níma'awakapa ena mapanakeneana tikaetemara'iana'i, eta Ichape kichare, eta Útsutsure, émapa ema Falso Profeta, tiájajakana'i ena, te najaka, tiúchuka'i eta mapana eta tawásiyareni eta warutete.

Apocalipsis 16:2

Taka'e, tiyanapa ema tínapuka ángele. Máepusaikapa te apake'e eta ekuñaraki tiávi'a'i te escudilla, tási'a ena achaneana tiámana'i eta maikutiara ema útsutsure, táichavene'i eta natsiusira'i eta máima'i nasiñaraji'i, témuna'irikawapa táuchuakawaka ena eta caracha tikajachakarepa tijecheware, takutiyaréni eta espuntiu.

Apocalipsis 18:23

Waipa tiapechawaima'i tijara'i piye'e piti eta pimika'u, waipaware tikasama'uima'i eta piéstana ena araimara'iana. Taicha ena comerciánteana énaini'i ena titupaijiakawanaini'i taye'e eta awasareana, tasi'asera piwayuakawakapa ena eta pichirawaka'i.”

Apocalipsis 19:20

Eta Útsutsure nakaratakapa emapa ema Falso Profeta, eta tímerekaparakaini'i eta ekutiarare tiáramikareana, te mamira'u. Taka'e eta maimeresira'i eta tiaramikareana naye'e ena achaneana, ena tisapawana'i manaka eta taikutiara eta Útsutsure, énapa ena titsiukana'iwa eta máima'i ema útsutsure. Taka'e, nakaratakapa eta útsutsure, émapa ema Falso Profeta, náepujukichapa taye'e eta táijurekene yuku táetiraraisina eta tamuruira.

Apocalipsis 2:10

Wa'i ekupika eta ekatajiwairaya, numetaka'e, ema wínaraji tímisiapa'eya te cárcel eta máitsamaresira'eya te tíminajika'eyarepuka, ekamichachuchasera, taicha diez sache eta ekatajiwairayare, nutuparaka'echa. Ejikapaikayare tayanapanepuka nakapaka'e nuti níjaraka'eyare eta táitsiwayare, tiúriyare eta ítaresiraya.

Apocalipsis 20:10

Tási'a ema Wínaraji, ema tiwayuarekaini'i, nakaratakapa náepujukichapa taye'e eta táijurekene yuku, táetiraraisina eta tamuruira, étaipa eta mávi'a'i ema útsutsure, émapa ema Falso Profeta. Tájina nanarasiraima'i, tamutu sacheana yátiana, máichekuarakireya eta nakatajiwairaya.

Apocalipsis 3:10

Piti, pítaucha'i eta nuwanairipi eta pikamichiraya tamutu, eta taka'e, nujaneakaviya nuti apaesa wa'i takuimive'avi te táitekapapa eta natajiwanayare namutu ena achaneana táwapa'iana'i te juka apake'e.