Apocalipsis 12:9 - Táurinakene máechejiriruwa’i ema Viya tikaijare

⁹ taka'e, tikakijianapa te juka apake'e eta ichape kichare, eta tikaetema'i esu suinapure esena Eva, émapa ema nákenumuri'i tikaijare Ereana Wínaraji, ema tikaetema'i namutu achaneana te juka apake'e. Namutu tikakijiana ema, enapa ena machanerana, te juka apake'e.

Ignaciano

⁹ Tacahe, ticaqui­jianapa te juca apaquehe namutu ena ángeleanaini, émapa ema náquenu­murihi Serpiente, ema ticaetemahi acane esu Eva. Émarichuhi ema Váinaraji ticaija­re­hivare Satanás. Puíticha ticaete­ma­ji­ri­ca­vacahi ena achaneana te juca apaquehe.

Apocalipsis 12:9 ပူးပေါင်းရင်းမြစ်များ

San Mateo 13:39

taicha ema tikatianakanu'i, manaka'i eta ejare, mawaraira'i máepakucha eta néwaru'i, eta takaechatijirapa eta trigo, eta'i eta táitavirayare eta apake'e, nárajapayarepa ena ángeleana, tikurujika'eanaya.

San Mateo 24:24

Taicha titekapanaya ena tímikutichawanayare profetana, tási'a tímikutichawanayarewa ema Cristo. Naichaya eta ichapeana tiáramikareana, tási'a étapa eta ekutiarareanayare. Kamurianayaré ena nawayuaruanayare, enaipa ena manerejiruana'i ema Viya, nawayuakayarewa.

San Mateo 25:41

Tási'a ema Rey máichainapa ena tiávi'ana'i te sapane: ‘Évuisi'a te numira'u eti masuapajiraira'ana ekaviurewana'i. Eyana taye'e te yuku, akanewaka'éna eta emuruiraya, máikuchi'i ema wínaraji, tási'a énapa ena majupa'ana maye'eana ángeleana.

San Mateo 4:1

Tási'a, ema Machanewa Viya, mámapa ema Jesús te máwapa'i wama'i, apaesa ánaki makaitsamaraji ema wínaraji.

San Mateo 4:10

Ema Jesús majikapapa: –Péwisi'a piti Wínaraji te juka numira'u, taicha eta táechejiriruwa'i eta Takapika'ukene Ajureka ani taka'e: ‘Makarichu ema Viya vépuyumirauchaya, makarichuware vikaemataneakayare.’

San Mateo 4:5

Tási'a, ema wínaraji mámawarepa ánaki te takapika'ukene awasare Jerusalén, máimiapanapa te táina'u eta templo

San Mateo 4:8

Taka'e, ema wínaraji mámawarepa te táina'u eta anuke'e mari, máimechawarepa tamutu eta ichapekeneana awasareana te juka apake'e, máimechawarepa eta ichapekeneana náima'akeneana ena achaneana,

San Lucas 10:18

Ema Jesús maichawakapa: –Nunekapira'i eta mákipaisirawa'i ema Wínaraji, takuti'i eta te emarere eta táija'uchirawa'i eta makakijira'i te anuma.

San Lucas 13:16

Suvetijicha esu suka esena vikutikene'i achane, mámariekene'i ema viáchukaini Abraham, tikatajikakare'i eta nukanarasirayare'i taye'e eta máitiarapi ema Wínaraji. Taicha dieciocho añuipa'i eta máekajumachira'i esu. ¿Wa'ipuka táurika'ini nukanaraka'ini puiti juka sache sáwarumu'u?

San Lucas 22:3

Taka'e, ema Wínaraji máwa'akapa ema Júlasi. Émaichu'i nachamuri'i ena dósekeneana'i máimitureana ema Jesús, ema naimijarechakene'i Iscariote.

San Lucas 22:31

Ema Viákenu máichapa ema Pedro: –Simón, péchapawayare. Ema Wínaraji, yaseakanu'i mawaraira'i tikaikutiara'eyare tiákipaika'eyare emutu eti, emasera maisapa'i;

San Lucas 8:12

tási'a natiari'i'i ena achaneana nasamaipa'inéni eta echéjirirukawa, émasera ema wínaraji wa'i máisapa'ini tánasi'ini te nasamureana. Enewane'i makamitisikawaka eta nasamakene'i, mamawaraira'i nakasiñanu'ini, apaesa wa'i nukukuchuku'awaka.

San Juan 12:31

Étapa juka sacheanayare eta apake'e kayesere'inapa, tási'a ema Wínaraji kakijikasinapa taye'e te juka apake'e.

San Juan 14:30

Ánipine puiti eta juka néchejirisirawa'i eta eye'e, taicha áwanepaipa títekapa ema wínaraji, ema yátupi'i tákenu'i eta juka apake'e. Wá'ikenesera títa'akanuima'i nuti,

San Juan 16:11

mákani tijachapaya eta maikuñaraki ema Viya: émara ema wínaraji tákenumuri'i eta juka apake'e, ichapekene'i eta maviurewana.

San Juan 8:44

Ema tikachicha'e eti, ema Wínaraji; ema técha'e'i, taicha ewara'a'i íchayare eta máichakeneana ema. Taicha ema, tikapa'i eta máitaresira'i te tépanawainapa. Étachucha maurika tiwayuarereka. Ema, naiya'i ena tépiya'ira'iana.

Hechos 26:18

Puiti nuwanekavi pímitukawakayare eta mawanairipiana maye'e ema Viya. Nakaiju'e ema, apaesa náitujikawa náima'a eta majaraiwa, náinajikapa eta náichakeneasana te timapiku, waipa nakue'ika ema Wínaraji. Nae'ikapa ema Viya, apaesa majapanu'e eta epekaturana. Apaesa nasiapamuri'aya ena náinapureana'i manerejiruana'i.’

Hechos 5:3

Ema Pedro máichapa: –Ananías, ¿tája'a takayema písapawa'i tikaetemavi ema Wínaraji? Pipanerechaipa piwayuarakayare ema Machanewa ema Viya, eta piyumurusira'i eta tawacha'i eta piye'e apake'e.

Romanos 16:18

Érajikawayare eta naye'e, taicha ena wa'i émaina'ini nakaemataneaka'ini ema Viákenu Jesucristo. Énajiwachucha nawara'a tiúrichawana. Tétavikawa'iware eta náitusira'i téchejirikawana. Títive'i eta náechajirisirawa. Étachuchasera nawara'a'i tiwayuarekana te nasamureana ena achaneana tijimuyapanereruana.

Romanos 16:20

Nuti nukasiñawa'i me Viya, máimikatasira'eya íputsikawaneya ena machanerana ema Wínaraji. Tási'a, tiúriyare eta íchararakawa'i máicha ema Viya. Nuyaseakaparakaware ema Viákenu Jesucristo táetaviucha'ini eta iúrikakarewaya máicha.

2 Corintios 11:14

Ena nani, wa'i tiáramikareana eta nawayuaraiwa'i, taicha ema Wínaraji, tépiyakawa'i makuti ema ángele,

2 Corintios 11:3

Eta néñamirawa'i eye'e, nuwara'a'i ekuija'ini iákipaikawa, ekukamitiekene'a'ini eta táuriwa'i eta é'isira'i ema Cristo. Wa'i ekukuti eta suákipaisirawa'i esu Eva, maicha ema Wínaraji.

2 Corintios 12:7

tétavikawa'i eta tiáramikare eta níma'akeneana te anuma. Tási'a, ema Viya wa'i máwara'aima'i nukasiñawawaika'ini eta nímaira'i, máisapa'i ema wínarajikene tékajumachanu'i, kúti'ine tatiari'ina'ini itape tayuwaraka te neche, taicha ema Viya mawara'a wa'i nukuwayuchawa eta nukunachakarewaina.

2 Corintios 2:11

Taicha te wá'ipuka vijapanukaka'i, tíñe'ikare'i makamapurawa ema Wínaraji, taicha tímatikare'i eta mawaraira'i tímiakipaika'aviyare.

2 Corintios 4:4

Taicha ena wa'i nasuapa'ini eta maechejiriruwa ema Viya, émapasera ema tasiñaraji te juka apake'e, emapa tepaka'aukicha'i, waipasare nákaikutiara, waipaware nakuima'a eta tajaraiwa eta maechejiriruwa ema Viakenu Jesucristo.

Efesios 4:14

Mawara'a'iware vimutuyare vímatiekene'a, waipa wákutima'i ena amuyana, témunanasirikawanaicha'a ena, tísapajirikawanaicha'a nawayuaka taye'e eta apana náimiturapiana ena títuruekene'ana tiwayuarekana, napamisirawaka'i namutu náe'ika eta tamaurikeneana.

2 Tesalonicenses 2:3

Wa'isera ekuisapawa nawayuaraka'e ena tepiya'ira'iana. Taicha wicha'a titekapaima'i ema Viya, tiamainukawa te mauchukapa ema achane tikaticha'i ema Viakenu taicha ema techepukainapa makanarainapa, je'ewarenapasera tiane'inapa eta maitekapirayare ema Viya, te'esera te maitekapapa émainapa tikuñakayere.

1 Timoteo 2:14

wá'isera émaina'ini ema Adán máinapuka'ini mákipaikawa'ini, ésu'i esu esena, tísapawa'i mawayuaka ema wínaraji, eta suísapirawa'i, namutupa tiákipaikawanapa taye'e eta pekatu.

2 Timoteo 3:13

Énerichuware, ena achaneana wínarajikeneana tiápajukawainapa eta nawínarajiwanaya, éneichuware ena tikaetemara'iana, tiápajukawainapa eta nakaetemaraiwaya, énajikakainapa tikaetemakakanayare.

Hebreo 2:14

Viti achaneana, étanaichu'i eta vikaechera étapa eta vítine, ene maka'e'i ema Jesucristo, makaeche'i, makaitine'iware étaichu'i takuti'i eta vítine víti achaneana, eta taka'e, eta máepenina'avi'i, makapakechi'ayare'i ema wínaraji.

1 Pedro 5:8

Ekuneuchawa yátupina. Ejaneakawa'iware, taicha ema viánara'i Wínaraji, makuti eta táiñe'ikene sárare itiare tatanuka eta tanikayare'i. Ene maka'e'i ema, matanuka'i ena mákipairuanayare.

1 Juan 5:19

Taicha vécha'i eta makachichaira'avi'i ema Viya, kamuripananasera ena machanerana'i ema wínaraji.

San Judas 1:9

Ema Arcángel Miguel makanarapa ema wínaraji eta makatiuchira'i eta make'e ema viyara'aini Moisés, wá'iware makajachareka'ini maume'aini. Ánipa máicha: Maima'avine ema viákenu.

Apocalipsis 12:12

¡Tétavikawaya eta íurisamurewaya, eti iávi'ana'i taye'e eta juka anuma! ¡Páureanasamisera ena tikawasana'i te apake'e énapa ena tiávi'ana'i te ichapeama une, taicha ema wínaraji máecha'i eta ánipine'i, máukupauchawakaipa, tétavikawa eta masemanewapa'i!”

Apocalipsis 12:3

Tási'a, témuna'irikawarepa tiúchujika eta apana ekutiarare: táiñe'ikene sárare ichape kichare, titsi eta táima'i, siete eta tachuti, diez eta taji'uana, tamutu eta tachutiana tikaye'e'i eta corona.

Apocalipsis 12:7

Taka'e, te'akakanapa te anuma: tiúchujikapa ema Arcángele Miguel énapa ena ángeleana machamuriana, te'akakanapa nakanarapa eta taiñe'ikene ichape kichare. Éneichuware natiari'iware ena taye'eana'i ángeleanaini eta ichape kichare,

Apocalipsis 12:8

apake'ererupasera eta ichapekene'i kichare. Énapa ena tachanerana, tási'a, waipa máisapa ema Viya nanasi'ini te anuma,

Apocalipsis 13:14

Ichape eta náramira'i, étavene'i eta juka táimeresira'i eta tiáramikareana, étainapa tiwayuakaya ena achaneana, tisuapakarenapa titsiukakarenawarepa eta Útsutsure, taicha náima'a'i eta tanarasira'i eta tajara te tumare; tiápechawa títareka'i, taka'e, makawanairipipa náepiyakaya eta máima'i ema Útsutsure, nasiñarajiya.

Apocalipsis 16:14

Ena'i ena nachanewana ena ereanana, ena tíchana'i eta tiáramikareana tawayuarakiana'i naye'e ena akenukana te tamutu awasareana, nawaraira'i nakurujikawakayare, eta nae'akakairayare'i te taitekapapa eta jena sache masachera ema Viya máitupajijiakawakene'i.

Apocalipsis 18:2

Téchejikapa muraka, ánipa maka'e: “¡Tájinapa táipuina tákipairuwainapa eta ichapekene awasare Babilonia! ¡Énanecha tikapenana'i ena wínarajiana, nakapenapa ena nachanewana ena ereanana, nakajachakarekeneana, tapenapa eta taiparakana kayureana, takajachakareneneana, etapa eta taiñe'ikeneana sarareana, taiñema'ikeneana!

Apocalipsis 18:23

Waipa tiapechawaima'i tijara'i piye'e piti eta pimika'u, waipaware tikasama'uima'i eta piéstana ena araimara'iana. Taicha ena comerciánteana énaini'i ena titupaijiakawanaini'i taye'e eta awasareana, tasi'asera piwayuakawakapa ena eta pichirawaka'i.”

Apocalipsis 19:20

Eta Útsutsure nakaratakapa emapa ema Falso Profeta, eta tímerekaparakaini'i eta ekutiarare tiáramikareana, te mamira'u. Taka'e eta maimeresira'i eta tiaramikareana naye'e ena achaneana, ena tisapawana'i manaka eta taikutiara eta Útsutsure, énapa ena titsiukana'iwa eta máima'i ema útsutsure. Taka'e, nakaratakapa eta útsutsure, émapa ema Falso Profeta, náepujukichapa taye'e eta táijurekene yuku táetiraraisina eta tamuruira.

Apocalipsis 2:13

Nuti nímati tamutu eta píchakeneana'i, eta piavi'aira'i te mawasa ema Wínaraji, wá'isera ínajikawa'ini, étumechawaichucha eta é'isiranu'i nuti. Étaipa te íma'apa eta nakapasira'i ema nuchaneraini Antipas, yátupikene'i eta masuapiranu'i ema, ena machanerana'i ema Wínaraji nakapaka'i ema te jena iávi'a'i eti.

Apocalipsis 2:24

Etisera eti ekawasana'i te awasare Tiatira, etisera wa'i e'ika'ini eta naimiturapi wa'iware ímatiekene'ai'ini eta naeñaure'i maye'erepi ema Wínaraji, etisera tajina etapirawaina'ini wa'i nikuñaka'ema'i.

Apocalipsis 2:9

Nuti nímati tamutu eta píchakeneana'i, eta pikatajiwaira'i, étapa eta pipaurerawa'i. Tétavikawa'isera eta piúrikakarewa'i, tímikutijirikawaipa'i ríkuvina'ini. Nímatiware wa'i pisema'ini, taicha eta pépiyaekeneana'i naye'e ena tímijachawana'i machanerana ema Viya. Machanerana'i ema Wínaraji.

Apocalipsis 20:10

Tási'a ema Wínaraji, ema tiwayuarekaini'i, nakaratakapa náepujukichapa taye'e eta táijurekene yuku, táetiraraisina eta tamuruira, étaipa eta mávi'a'i ema útsutsure, émapa ema Falso Profeta. Tájina nanarasiraima'i, tamutu sacheana yátiana, máichekuarakireya eta nakatajiwairaya.

Apocalipsis 20:8

tási'a tiuchukainapa, tépanawainapa tikaetemarerekayare naye'e ena achaneana te tamutu awasareana. Étaipa eta apinakene awasare tikaijare Gog étapa eta Magog, makaetemaresi'ayare. Tási'a, tikurujikakanainapa ena naye'eana ejército. Tétavikawainapa eta nasimutuwayare takutiyare eta tawaparu te ichapeama une.

Apocalipsis 3:9

Nuti níta'akawakayare ena israelítana tépiyakawana'i machanerana ema Tata, machanerana'isera ema Wínaraji. Nukaepuyukawakayare te emira'u, apaesa náimati eta némunasira'e'i.

Apocalipsis 9:1

Te tikachujapa ema nasinkune'i ángele, níma'apa eta jarairiki takipairuwa te juka apake'e, tasi'akene te anuma, tási'a naijarakapa eta llave eta mavejiasirayare eta pusu táupenakene tikaijare abismo.

Apocalipsis 9:20

Énasera ena apamuriana achaneana takaitiruana'i eta ekuñaraki, wá'ikene nawara'aima'i náinajika eta náichira eta tamaurikeneana. Wá'isera náinajikaima'i eta najirauchira ena éreanana, eta natsiusira'i eta nasiñarajiana náepiyaruana'i uru, plata, bronce, márija'i, yukuki. Tamutu eta juka mayamurikaka'iware, wá'iware tapaika'ini, wá'iware tasamara'i'ini, wá'iware táimairirika'ini.