Apocalipsis 11:19 - Táurinakene máechejiriruwa’i ema Viya tikaijare

¹⁹ Taka'e, téjiakapa eta tapajakura eta templo mapena ema Viya tiávi'a'i te anuma, tikaecherapa eta sagrario takaunaiya'i eta echéjirirukawana matratuneana'i ema Viya. Tási'a enewanepa térameka'i, tirurekapa, tiyamurikapa eta apake'e, témirikapa eta uvereki.

Ignaciano

¹⁹ Tacahe, téjiacapa eta tapajacura eta Templo tiávihahi te anuma, mapena ema Viya. Ticaecherapa eta sagrario tacaunaiyahi eta echaji­ri­ru­cavana matratu­neanahi ema Viya nayehe ena israelítana. Tásiha, enevanepa téramecahi, ticaemapa, tirurecapa. Témiricapa eta uverequi timítu­tupahi. Tiyamu­ri­ca­varepa eta apaquehe.

Apocalipsis 11:19 ပူးပေါင်းရင်းမြစ်များ

Apocalipsis 11:13

Enewanepa tiyayakarepa eta apake'e, muraka eta tayamurisira'i, kamuri eta pétiana tiákipaikawawaka'i, siete mil eta náichapemuriwa ena náepenakeneana'i. Ena achaneana táemachana'i, tétavikawaine'i eta napisira'i, náimatinumaine'i ema Viya, napiarakapa, nakunachapa eta máitupajijiasirawa'i ema Viya tiávi'a'i te anuma.

Apocalipsis 11:15

Taka'e, tikachujapa ema tékene'a ángele. Tási'a, tikaemapa muraka te anuma. Ánipa taka'e'i: “Ema tikawanairipiyare te juka apake'e, ema Viya, tási'a émapa ema Cristo, akanewakainapa eta émairayare techa tamutu.”

Apocalipsis 12:1

Níma'awarepa eta apana ekutiarare te anuma: sutiari'i esu esena, eta sumuiri'a takutiyaréni eta tajaraiwa eta sache, te tápeku eta suíwapeana takutiyaréni eta kaje, eta te suchuti sukaye'e eta corona, jarari'i takutiyaréni eta dósekeneana jarairiki.

Apocalipsis 16:1

Nusamapa muraka eta ma'u ema Viya tási'akene'i te santuario, náuchusine'i ena siétekeneana ángeleana, ánipa taka'e'i: “Eyanapa ekamirika te apake'e eta juka ekuñaraki táiñe'ikeneana tiávi'ana'i te escudilla, taicha eta nusemanewa'i ema Viya.”

Apocalipsis 16:18

Taka'e, tiúchukapa eta térameka, tikaemapa, tirurekapa, tási'a tiyamurikapa eta apake'e, muraka eta tayamurisira, tájina tákuti eta tamurakawa nasamasareanai'i eta akane te táepanirawapa eta apake'e.

Apocalipsis 16:21

Témirikawarepa eta ichapekene uverekiana, tájinaware tákuti eta táichapewa, cuatro arruwa eta tajitakarewawaka, tási'a, ena achaneana tisemanaichucha, nakajachaichucha ema Viya, taicha tétavikawa eta tamurakawa eta ekuñaraki, eta táemirisira'i eta ichape uvereki.

Apocalipsis 19:11

Níma'awarepa eta anuma téjiaka'i, tási'a tiúchukapa eta kawayu tijapu. Eta máijare ema, yátupikene títaura'i, taicha ema, tatupiruwa eta ma'akenukawa'i.

Apocalipsis 4:1

Te táekenepa eta juka, níma'awarepa téjiaka'i eta anuma; nusamawarepa eta ma'u ema, émaichu'i ema tínapuka'i téchejikanu'i. Tirure'ucha eta ma'u. Tíchu'anupa, ánipa maka'e: “Yare, piápana. Nuwara'a nímechaviyare eta táicharakawayare puiti juka vikaiju'eyare.”

Apocalipsis 4:5

Tási'a téramemeka, tási'akene'i taye'e eta trono. Nusamaware tirure'uchana'i. Tási'a, tatiari'i'i te tamira'u eta trono eta sipi tijara'iwaka takutiyaréni tanene eta yuku. Ena'i ena sipikeneana arcángeleana maye'eana ema Viya.

Apocalipsis 7:15

“Eta taka'e, titupi'ana'i te tamira'u eta trono mávi'a'i ema Viya, tási'a tamutu sácheana yátiana naitati'i te maye'e'i templo. Ema tejaka'i te trono ema majaneakawaka'i.

Apocalipsis 8:5

Taka'e, ema ángele mave'awarepa eta apamuri emaniki eta te mayukuneasa. Mainikachapa eta censario eta mámawa'u. Tási'a, máepuraikapa te apake'e. Tíja'uchawapa térameka, tirurekapa, tiyayakarepa eta apake'e.

Apocalipsis 8:7

Te tikachujapa ema tínapuka ángele, témirikapa te apake'e eta uvereki, étapa eta tikiwa ítiama. Témirikaware eta yuku, taijuchapa eta tercera parte eta apake'e. Támairiakapa eta yukukiana, eta muiji, étapa eta sukurekana.