Apocalipsis 10:7 - Táurinakene máechejiriruwa’i ema Viya tikaijare

⁷ etasera te taitekapapa eta sacheyare, eta makachujairaya ema nasietenekene ángele, títauchawainapa tamutu eta maeñaure'i mapanereruana'i ema Viya.”

Ignaciano

⁷ Ánaquia­pa­ripahi eta nacame­ta­ca­sivahi ena profetana eta mapane­reruana ema Viya. Puítisera te macachujapa ema téqueneha ángele, títavainapa tamutu eta mapane­re­ruanahi —tacahepa eta mameta­rapihi ema ángele.

Apocalipsis 10:7 ပူးပေါင်းရင်းမြစ်များ

Hechos 3:21

Ema Jesucristo, puiti téjaka'i te anuma. Jarari'iyaresera eta sache eta machavirayare, máetupirikayarewa tamutu. Ánakiapaipa, eta juka mametarapi'i ema Viya naye'e ena maye'eana santu profetanaini eta náimitusirayare ena achaneana.

Romanos 11:25

Nuparapenaveana, nuwara'a numetaka'e eta juka tayumururewaini'i, máimimatichakenenu ema Viya. Eta namurakasamurewa'i ena nujaneanana. Té'esera námutupa nasiapa ena apawasana manerejiruana'i, napaenumawainapa ena nujaneanana náesenikayare ema Viya.

Romanos 16:25

Vijirauchira ema Viya. Ema, mawara'a'i tétumecha'eya taye'e eta é'isira'i ema Viákenu Jesucristo. Eta taka'e'i eta nukametarairuira'i, nímitukawaka'i namutu ena achaneana eta majakapirawaka'i ema Viya eta nakasiñawaira'i me Machicha. Akane eta táepanirawa'i eta apake'e, ema Viya Eterno mapanerechapa eta majakapirayare namutu ena achaneana tikasiñawanaya eta maye'e.

Apocalipsis 14:6

Níma'awarepa ema émana ángele tiárarairika'i, tikametarapi'i eta tékene'a mametarapi eta máichuaresira'i eta náeñauchirawaina ena achaneana tiáviana'i te tamutu awasareana, apaechejiriruwakeneana. Máitawakakainapa eta náitaresiraya nákani ena tisuapana'i.

Apocalipsis 17:17

Eta nakutikakairaya, nawara'a náimikataka eta útsutsure, étapa eta nakamitiekene'aya esu tú'usi, wa'i tási'a'ini eta napanereruana ena, émaichu'i ema Viya tíjarakawaka'i eta napanereruanayare'i, náichirayare eta mawara'akene'i ema.