Apocalipsis 1:18 - Táurinakene máechejiriruwa’i ema Viya tikaijare

¹⁸ taka'e nutiari'i nitareka'i, taicha nuchawa'i nítareka te táekenepa eta nakapasiranu'i. Puitisera nuchawapa nechepuka máichekuarakirenapa eta nítaresira. Núti'ichuware necha'i eta tasiaparaku'i eta mawasa ema Tata, enapa ena naepenakeneana. Nukaechepukayare eta náke'eana ena náepenakeneana nákani níchu'akeneanayare.

Ignaciano

¹⁸ Núti yátupi­quenénu nucaita­re­carahi, taicha nuchavahi nítareca te táequenepa eta nacapa­si­ranuhi. Puiti máichecua­ra­qui­rénapa eta nítaresira. Nútiri­chuvare necha ena tépenana. Nucaeche­pu­cayare eta náqueheana ena náepena­queneana nácani níchuha­que­nea­nayare.

Apocalipsis 1:18 ပူးပေါင်းရင်းမြစ်များ

San Mateo 11:23

Tási'a piti pikawasa'i te Cafarnaúm, ¿pimijachaipapuka pisiapayare te anuma? ¡Tiakijikavianayare te taupenakene pusu! Taicha te Sodoma naimereka'ini eta tiaramikareana eta naichakeneana'i ánaki eye'e eti, nemeteaka eta awasare tatiari'inaichu'ini puiti juka sacheana.

San Mateo 16:19

Piti pikatupara'ayare eta llave taye'e eta anuma te mawasa akenuka, apaesa nasiapa nákani pijakapakeneanayare, píti tamutu jákani pitiaruya tejuka apake'e kaiti'ayarewa te anuma, eta pivejapureya te juka apake'e, eneichuware tejapukaya te anuma.

San Lucas 24:5

Tétavikawaine'i eta napisira'i tétipaimuri'anapa. Énasera ena ajairana náichapa: –¿Taja'a takayema eti, etanuka'i naye'e ena naepenakeneana, ema achanekene'i?

San Juan 11:25

Taka'e ema Jesús máichawarepa: –Jé'eware nuti, nukaitarera'i nákani nukaechepureanaya. Táitusiawa numetakavi, nákani tisuapanuanayare, tayanapanepuka náepena, nukaitarekayaresera núti;

San Juan 14:19

Puiti juka sacheanayare, ena achaneana waipa tíma'anuanaima'i. Étisera íma'anuparakaya, taicha nuchawayare'i nítareka. Eti apanaware ítarekayarewa nícha nuti.

Romanos 6:9

Tasi'a vecha'i viti, ema Cristo eta maechepusira'i te maekari, waipaware tiapechawaima'i tepena, puiti, tamutupa tikaitsiwa'i. Vikutinapa ema eta vítaresirainapa.

2 Corintios 13:4

Yátupi ema tísapawa'i tikaetata te crusu, tímikutijirikawaipa'i wa'i makurata'a'ini tikatiuchawa. Wá'isera mánasi'ini máepena'ini taicha eta máitupajijiasirawa'i ema Viya. Ene vika'eyare'i viti vísapayare'i, tímikutijirikawa'i wa'i vikurata'airaina'ini. Ema tijaraka'aviya eta máitupajijiasirawa, táichavene'i eta máwa'asira'avi'i ema Viya. Tasi'a nukatupara'a'i eta nujaneasira'eyare'i emutu eti.

Gálatas 2:20

Eta nusuapira'i eta máepenira'i ema Cristo te crusu, nujakapakare'i me Viya, puiti, waipa nútijiwaina necha eta nítaresira'i, émapa téchanu'i ema Cristo tamutu eta nítaresira'i. Émapa nukasiña'i taicha yátupi'i eta makasiñakarewa'i taicha yátupikene'i Machicha'i ema Viya. Eta máemunasiranu'i, tímijararekawa'i níchavene'i nuti.

Colosenses 3:3

Taicha íjararuwaipa eta ínajisirayare eta júkana, puiti tikaitareka'eipa ema táichavene'i eta iáwa'asiraipa ema Jesucristo.

Hebreo 1:3

Ema tikaye'e'i eta majaraiwa'i máijararu'i ema Maiya. Eta máukupaisira'i eta viye'e, tímimaticha'avipa eta máuriwa'i ema Maiya. Tási'a, te tamutupa eta makaepa'aira'i eta vipekaturana, tichawapa te anuma. Ánaki ema Maiya makaejakapa te maejasi'ayare te mawaure,

Hebreo 12:2

Vikutiyarewa ema Viákenu Jesús, taicha eta tási'a maye'e eta vikasiñawaira'i me Viya émaichuware timitupirucha'avi. Ema, Jesús marata'a'i eta matajiwa te crusu wa'i masuapa'ini eta tatsiri'akarewa eta maepenira'i te crusu, taicha maecha'i te taekenepa matajiwa titekapayarepa eta maurisamurewayare'i. Tejakayarepa te mawaure ema Viya.

Hebreo 7:16

tási'a, vímatiekene'a'i puiti ema tikatupara'a'i ema Jesús táichavene'i eta máitaresirayare máitawakaka'i. Wa'i étaparakaina'ini eta nája'a'ipuka ema máchukaini'i.

Hebreo 7:25

Tási'a puiti, makarichu ema marata'a'i tikatiucha'avi'i viti vikasiñana'i ema. Ema, tikaitekapa'avi'iware me Viya. Máitawakakayare'i eta máechejiuchira'avi'i.

Apocalipsis 10:6

Tiwanekanu'i ema Viya, ema akanewakakene'i eta máitaresira, ema yátupikene'i tépiyaka'i eta anuma, eta apake'e, eta ichape une, étapa tamutu eta tiávi'akeneana'i taye'e. Ema, tiwanekanu'i numetaka eta juka máechejiriruwa'i: “Tájinapa waipa tiyerema'i eta táitaviraya,

Apocalipsis 15:7

Tási'a, ema émana ekutiarareana nakuatrune'i. Máijarakawakapa étasiwaka eta escudilla uru ena siétekeneana ángeleana. Te taju'e eta escudilla tamapa'i eta táiñe'ikene ekuñaraki táikutiara'i eta masemanewa ema Viya, ema akanewakakene'i eta máitaresira.

Apocalipsis 2:8

“Pikajureware eta juka numetarapiana'i naye'e ena pichamuriana tikawasana'i te awasare Esmirna: ‘Nuti nunakucha'i eta táepanirawa'i, núti'ichuware nécha'i eta táitavirayare tamutu. Nuti nakaparu'i, nuchawa'isera nítareka:

Apocalipsis 20:13

Ena naeriruana'i te ichape une, téchepukanapa namutu eta nachanewana, kayesesere'ianainapa te mamira'u Viya, tamutu eta naichakeneana'i tamaurikeneana te achaneanaicha'a'i, etapa najachapi'ayare eta náikuñayare.

Apocalipsis 20:14

Eta nakaikuñaiya'i eta táijurekene yuku, táetiraraisina eta tamuruira. Tamutu eta juka maitawakakainapa eta náepeniraya.

Apocalipsis 3:7

“Pikajureyare eta juka numetarapiana'i ema tikametarairura'i naye'e ena pichamuriana tikawasana'i te awasare Filadelfia: ‘Ani maka'e'i ema yátupikene'i Viya, yátupikene'iware eta masantuwa'i, makarichu'i ema técha'i eta tapajakura eta arairuyare awasare Jerusalén, takuti eta máechapajirisira'i ema náchukaini rey David eta táinapuiruini'i Jerusalén.

Apocalipsis 4:9

Ena ekutiarareana na'asulupayacha'i. Puiti pinasi'ichuware eta viye'e. Píti'ichuware pinasiyare te táitawapa tamutu. Piti pitiari'ikene'i te tépanawainapa eta apake'e.

Apocalipsis 5:14

Énapa ena kuatrukeneana ekutiarareana najikapapaipa: “¡Amén!” Tási'a, ena véintikuatrukeneana víyara'ana tépuyumuri'anapa, natsiukapa.

Apocalipsis 6:8

Níma'apa eta apana kawayu tiyakaka, ema tikapera'i, ema tikaijare'i Tikaparerekaya ena achaneana. Matiari'iware ema té'ikapa'i, ema tákenu eta náchanewana ena náepenakeneana, taka'e, eta cuarta parte eta nasimutuwa ena achaneana tépenanaya naicha ena apinana. Taicha tikapajirikakanainapa ena achaneana taye'e eta guerra. Ena apamuriana téku'anainapa, apanapanenapa eta najumanayare, éneichuware tanikainapa eta sárareana táiñe'ikeneana.

Apocalipsis 9:1

Te tikachujapa ema nasinkune'i ángele, níma'apa eta jarairiki takipairuwa te juka apake'e, tasi'akene te anuma, tási'a naijarakapa eta llave eta mavejiasirayare eta pusu táupenakene tikaijare abismo.