2 Pedro 3:9 - Táurinakene máechejiriruwa’i ema Viya tikaijare

⁹ Ema Viya, manaka'i eta tayerewa'i, mawaraira'i makuchapa ena achaneana eta náeñauchirawayare maye'e. Ichapemuri eta makamichira'avi'i, eta viye'e, mamawaraira'i wámutu'ichaini vémitiekene'ini. Narari'i ena achaneana tejekapawana'i te napanereruana. Eta naimaira'i eta mayerewa'i ema Viya eta maikuñasirawakayare'i, naimijachaipa'i waipa marata'aima'i maikuñaka eta juka apake'e.

Ignaciano

⁹ Éma, manacahi eta juca tayerevahi, mavarairahi macucha­payare ena achaneana eta náeneuchi­ra­vayare mayehe. Vahi tácahe­que­né­nahini eta juca táitare­sirahi maicha eta apaquehe. Ichapemuri eta macaye­herahi paciencia eta viyehe, mamava­rairahi vámutu­hichaini vémitie­que­nehíni. Narari­hisera ena achaneana téjeca­pa­vanahi te napane­reruana. Eta náimairahi eta mayerevahi ema Viya eta máicuña­si­ra­va­ca­yarehi, náimijachahi vaipa marata­haimahi máicuñaca eta juca apaquehe.

2 Pedro 3:9 ပူးပေါင်းရင်းမြစ်များ

Romanos 13:11

Eta taka'eyare eta ítaresirayare. Waipa véjekaracha eta sácheana. Wa'i vímakakarakawaima'i. Vitsekawayare'isera taicha viáne'ipaicha eta jena sácheyare eta máitekapiraya ema vé'iru'i.

Romanos 13:12

Eta vikuchapiraipa eta machavirayare ema Viákenu, takuti'i te vikuchapaipa te jena yati eta tijarara'i. Puiti víma'apa eta tajara'ikene. Tási'a, ínajikapa eta íchakeneanaini te timapiku. Puiti tiápajukawasera eta iúriwana, étapa eta íchakeneanaina te tijara'i.

Romanos 2:4

Émasera ema Viya, tétavikawa'i eta máuriwa'i eta eye'e, wa'i maíkuñaka'ewane'ini. Tikamicha'e'i, tikuchapa'e'iware, mawaraira'i éñauchawa'ini eta maye'e, ínajika'ini eta íchira eta tamaurikeneana.

Romanos 9:22

Tatuparaka'i ema Viya máikuñakawaneya namutu ena achaneana wínarajikeneana, máimitaekene'awakawane ena, tatuparaka'iware máimerekawane eta máitupajijiasirawa étapa eta masemira'i taye'e eta namauriwa'i, tétavikawa'isera eta makamichira

1 Timoteo 1:16

Émasera ema Viákenu Jesucristo tijapanunu'i, táitusiawa tíchu'anu'i nuti. Taicha mawara'a'i máimerekayare ichape eta majapanuiranu'i eta nuye'e. Nuwayurewakenéni'i eta nukapekaturaráiwaini'i, eta taka'e, nukaikutiarapa eta majakapirayarewa namutu ena tisuapanayare, máichekuarakirenapa eta náitaresiraya máicha.

1 Timoteo 2:4

Taicha mawara'a'i ema máimimatichayare namutu ena achaneana eta yátupikeneana máechejiriruwana apaesa náuchuku'a ena apanawa.

Hebreo 10:37

Taicha eta Takapika'ukene Ajureka, taka'e'i: Tiane'ipa, tiane'ipa, eta máitekapiraya ema vikuchapakene'i. Waipa máyerema'i.

1 Pedro 3:20

Ena nakana antivuanaini masuapajiraira'anaini'i, machamurianaini ema Noé. Ichape'inéni eta makamichira'i ema Viya eta makuchapirawaka'i eta nasuapiraina'ini, wa'isera náeñamawa'ini eta náimaira'i ema Noé máepiyasira'i eta ichape pakure. Taka'e, te témirikapa eta ichapekene tikiwa, úchuanaichu'i ena tiúchuku'ana'i taye'e eta ichapekene une.

2 Pedro 1:4

Taye'e te juka vima'akeneana'i taurinakeneana eta taka'e tíjaraka'avipa eta vikuchi'i, taicha taetaviure'i eta, maitupajijiasirawa, tetavikawaware eta tasiwachawa'i, apaesa visiapa taye'e eta mawasa ema Viya, apaesa wa'ipa vikuima'a eta tamaurikeneana, tajamurachakeneana eta viake'e te juka apake'e.

2 Pedro 3:15

Échawa yátupina eta makuchapira'av'i eta viye'e ema Viákenu, taicha mawara'a'i tikuchuku'a'aviya. Etaichu'íware taka'e'i eta máimiturapi'i ema apana viparape vémunarukene'i Pablo, táichavene'i eta máitupajijiasirawa'i máijararu'i ema Viya.

Apocalipsis 2:21

Nuti íchapemuri'i eta nukuchapira'i esu, eta suéñauchawa'ini me Viya. Wa'ikenesera suwara'a suínajika eta suye'erepi.