2 Pedro 3:7 - Táurinakene máechejiriruwa’i ema Viya tikaijare

⁷ Emasera ema Viya tiápechawayare máikuñaka eta apake'e étapa eta anuma. Yúkuyare eta tikamitiekene'ayare tamutu juka. Taicha ema, manakaipa'i eta máechejiriruwa. Jé'esare, te jena sácheyare, títapaikawakayare namutu ena achaneana masuapajiraira'ana'i wínarajiana'i.

Ignaciano

⁷ Numetacahe puiti: Ema Viya tiápecha­vayare máicuña­cayare eta juca apaquehe. Yúcuya­re­hisera eta tacami­tie­que­ne­hayare tamutu eta anuma étapa eta juca apaquehe. Taicha éma, manaca­ripahi eta máechaji­riruva, máicutichahi eta tayerevaya étapa eta távapa­hianahi. Jéhesare, te jena sácheyare, títapai­ca­va­cayare namutu ena achaneana masuapa­ji­rai­ra­hanahi váinara­jianahi.

2 Pedro 3:7 ပူးပေါင်းရင်းမြစ်များ

San Mateo 10:15

Nutupiruwa numetaka'e, te táitekapa eta juicio, tiápajupanaya eta náikuñayare, takachurikayare eta nakaikuñaira'i ena achaneana wínarajikeneana tikawasanaini te Sodoma étapa eta Gomorra.

San Mateo 11:22

Tasi'asera numetaka'ewane te jena sácheyare titekapaya eta ekuñaraki, murakapanayare ejachapa eta íkuñayare eti, takachurikayare eta nakaikuñairaya ena achaneana tikawasana'i te jena Tiro etapa Sidón.

San Mateo 11:24

Tasi'asera numetaka'ewane, ichape eta íkuñayare te táitekapapa eta ekuñarakiyare, takachurikayare eta nákaikuñaira'i ena tikawasanaini te awasareni Sodomaini.”

San Mateo 12:36

Nutupiruwa numetaka'e, te táitekapapa eta sache táitekapirayare eta ekuñaraki, emutu ekayasere'iyare eta échejisi'airana eta tamaeperajikeneana.

San Mateo 24:35

Títawayare eta anuma étapa eta apake'e, étasera eta nechejiriruwa titauchawayare, wa'i tianuku'aima'i.

San Mateo 25:41

Tási'a ema Rey máichainapa ena tiávi'ana'i te sapane: ‘Évuisi'a te numira'u eti masuapajiraira'ana ekaviurewana'i. Eyana taye'e te yuku, akanewaka'éna eta emuruiraya, máikuchi'i ema wínaraji, tási'a énapa ena majupa'ana maye'eana ángeleana.

Marcos 6:11

Te wá'ipuka nakujakapa'e te jákani awasare, wá'iware nakuwara'a nakusama'e, iúchukawaneyare. Étatapewachawanumayasera eta máteji te íwapeana táikutiarayare eta máikuñasirawakayare ema Viya, taicha eta namawaraira'i najakapa'e'ini.

San Juan 12:48

Nákanisera nasamairikaipa'inénipuka eta néchejiriruwana, wá'isera nasuapanu'ini, nasapi'a tépurunuana'i, murakayare'i eta náikuñayare. Eta náepuruira'i eta néchejiriruwana, étaipa tiviuchawakainapa te jena sacheyare taitekapiraya eta nakayesesere'iraya.

Romanos 2:5

Taicha táiñe'ikeneyare eta íkuñayare eti, te wa'i ekueñauchawa, ínajikaware eta tamurakawa'i eta esamureana, taicha ewayuchapaichucha eta ekurumutusira'i eta etapirawana

1 Corintios 3:13

Taicha tatiari'iyare eta sácheyare maitsamarekaya te yuku eta vemataneana'i, máima'ayare ema Viya eta vémataneanapachu, te wa'i táurini, eta mayukune taijuchayare eta vemataneana'i.

Filipenses 1:28

wa'i ekuarameka naicha nákani iánarana'i, eta nakatianasira'e'i, tímikaecheracha'i eta nakaikuchira'i eta náikuñayare, taimikaecheracha'i eta iúchukuirayare'i eti maicha ema Viya.

2 Tesalonicenses 2:3

Wa'isera ekuisapawa nawayuaraka'e ena tepiya'ira'iana. Taicha wicha'a titekapaima'i ema Viya, tiamainukawa te mauchukapa ema achane tikaticha'i ema Viakenu taicha ema techepukainapa makanarainapa, je'ewarenapasera tiane'inapa eta maitekapirayare ema Viya, te'esera te maitekapapa émainapa tikuñakayere.

1 Timoteo 6:9

Énasera nákani tipanerechana'i tirrikuchawana, apánapanepa eta najamurachakeneana, takananesirikapa eta naplatanechiawaya, énajiwapa tímikuñakawana taicha eta najamuraraiwana súnsurupiana'i, eta juka tikauyayakare'i étaina táimikuñaka eta náchanewana.

Hebreo 12:29

Taicha ema Viákenu makuti'i eta yuku, marata'a'i mámainuka máitaekene'a.

2 Pedro 2:9

Eta taka'e, ema Viya tétavikawa'i eta makatiuchira'avi puiti, tikuchuku'a'avi eta viatajiwana viti vé'ikana'i ema, taye'e eta viátajiwana, énerichuware yátupi'i matsekaipa eta náikuñayare nákani achaneana masuapajiraira'ana'i.

2 Pedro 3:10

Te táitekapapa eta sache táitaviraya tamutu maicha ema Viya, wa'i vinekapauchawaima'i, taicha makutiyare mákani achane tiámera'i eta máitesira. Eta anuma, étapa tamutu eta táwapa'iana'i, tamutuyare témitiakayare. Tikaemayare muraka, takutiyare eta takaemaira eta ichapekene yuku te taijucha eta ichape kuricheji. Étapa eta tiávi'ana'i te apake'e, tamutuyare'i títawa, énapa ena táwapa'iana'i.

2 Pedro 3:12

Etátajirika eta ekuchapiraina, eta jena sacheyare maikuñasirayare ema Viya eta juka apake'e. Jena sache maikuñakainapa te yuku eta anuma, tási'a temiririjikanainapa eta jarairikiana.

1 Juan 4:17

Vétaviuchaya eta vémunasiraya ena vichamuriana taicha eta viáwa'asira'i ema Viya, tási'a, wa'i vipikaima'i eta jena sácheyare te viyanapa te mamira'u ema Viya, wa'i vipikaima'i taicha machicha'avi'i ema Viya, vikuti'i ema Jesús eta makachichaira'i ema Maiya, tayanapanepuka vítarekaicha'a te juka apake'e.

San Judas 1:7

Takutinasi eta náichararakawa'i ena achaneana tikawasanaini te apinakene awasare Sodoma étapa eta Gomorra, étapa eta awasarechichana te tachakayana'i, tijararekawanapa tu'usianapa, tisapawanapa naicha eta tamaurikeneana, taitusiawa tikatajiwanapa taye'e eta taijurekene yuku, taka'e puiti vechapawaya vimutu.

Apocalipsis 17:11

Étaichuware eta sárare útsutsure táitareruini'i akane, tájinaripa'isera puiti, eta, makuna'i ema na'uchune ena siétekeneana akenukana, émaichu'ineni ema nachamuri'i ena sietekeneana, te máuchujikapa, majakapayare eta máwakureyare, tíja'uchawayasera eta máitaviraya.

Apocalipsis 17:8

Eta juka sárare píma'akene'i, tanasikeneipa'ineni akane, tájinaipa'isera puiti, tiúchujikayarewaresera tási'aya taye'e eta táupenakene pusu, te tane'ipa eta takaikuñairayare pajarainapa. Ena achaneana tikawasana'i te juka apake'e, namutu ena tájina'i eta nakaju'ini taye'e eta Ajureka te tepanawainapa eta apake'e, ichape eta náramesirayare, te naima'apa eta Útsutsure, tanasikeneni'i akane, puitisera tajinaipa'i, tichawayaresera titareka.

Apocalipsis 20:11

Níma'awarepa eta ichapekene trono tijapu, tási'a téjaka'i ema Viya taye'e. Eta nímararasira'i ema, nukamitiakapa. Waipa necha távi'apuka návi'a'i té'epuka anuma, té'epuka apake'e.

Apocalipsis 21:1

Níma'awarepa eta anuma arairu, eta apake'e arairu, taicha eta tainapureanuma eta apake'e temitiakaipa etapa eta ichape une.