2 Pedro 3:3 - Táurinakene máechejiriruwa’i ema Viya tikaijare

³ Tínapukayare nuwara'a némecha'eyare eta juka: Te jena sache táne'ipa eta táitavirayare, tímerekawainapa ena achaneana tikaeka'ira'iana taye'e eta juka yátupikeneana vikuchapakeneana'i víti, eta náitaresira'i ena, apanachucha eta ti'apapirikawaka'i eta náichira'i eta tamaurikeneana najamurachakeneana'i

Ignaciano

³ Tínapu­cayare nuvaraha némecha­heyare eta juca. Te jena sache tánehipa eta táitavi­rayare, tímere­ca­vainapa ena achaneana ticaeca­hi­rahiana tayehe eta juca yátupi­queneana vicucha­pa­que­neanahi víti. Eta náitare­sirahi éna, apanachucha eta tihapa­pi­ri­ca­vacahi eta náichirahi eta tamauri­queneana najamu­ra­cha­que­neanahi.

2 Pedro 3:3 ပူးပေါင်းရင်းမြစ်များ

San Juan 12:48

Nákanisera nasamairikaipa'inénipuka eta néchejiriruwana, wá'isera nasuapanu'ini, nasapi'a tépurunuana'i, murakayare'i eta náikuñayare. Eta náepuruira'i eta néchejiriruwana, étaipa tiviuchawakainapa te jena sacheyare taitekapiraya eta nakayesesere'iraya.

2 Corintios 4:2

Víti, tájina vímatiya'ini viyumurujirika'ini eta víchakeneana, wá'isera vícha'ini eta titsiri'akareana, wá'isera viútserurupina'ipukaini vi'apapika'ipukaini eta máimiturapiana ema Viya, taicha viwara'a vikurisamurechaya ema, tamutu'i véchejisi'a'i eta yátupikeneana. Jé'esare, viwara'a nakaikutiara'ini ena achaneana eta vímiturapiana'i tási'akeneana'i me Viya.

2 Timoteo 3:1

Éneichuware nuwara'a péchayare eta juka apana. Puiti juka vikaiju'eyare tavetijinapaipa eta táejerawayare.

Hebreo 1:2

Puítisera viti vítareruana'i puiti juka añuana, ema Viya mawaneka'i ema Machicha eta viye'e, títametaka'aviya eta mapanereruana. Ema maka Jesucristo, machicha'i ema Viya. Akane éma'i tépiyaka'i eta apake'e, eta anuma, étapa eta víma'akeneana'i puiti.

2 Pedro 1:20

Nuwara'asera yátupina ímatiekene'a eta juka: wa'i táurika vive'a te vichuti eta vímijachira'i eta takayemakeneana'i eta Takapika'ukene Ajureka. Vikatupara'a'i vikarawa'uyare'i eta yátupikene'i,

2 Pedro 2:10

Ema Viya, máikuñakawakayare namutu ena tiwayuchana'i eta náechipejisira'i eta náke'eana, taicha tétavikawa'i eta tawayuasirawaka'i eta natu'usiwana, énapa ena tépuruana'i ema Viákenu, eta émaira'i téchawaka'i, ena nani mapikauraira'ana, nájina náwamira'ukenena eta náume'araiwa. Nasapi'a nakaeka'iware ena ángeleana;

1 Juan 2:18

Nuchichanavechichana, puiti tiáne'inapa eta táichekuiraya, títawainapa tamutu. Vimetaka'eipa eta máitesirayare ema anticristo, puítipa narari'ipa ena anticristuana. Eta taka'e véchainapa eta tiáne'inapa eta táichekuiraya tamutu.

San Judas 1:16

Ena nakana achaneana namutu techejijiakawana, napanararacha'i namutu, enachucha nawara'a titauchawa eta nawara'akeneana, suapawana eta naechejisira.

San Judas 1:18

naicha'ineni: “Eta taitekapiraya eta juka añuana, natiari'inapa ena achaneana, kaeka'ira'ianaya eta naitaresiraya napanerechaya eta nae'isiraya eta tamaurikeneana.”