2 Pedro 3:2 - Táurinakene máechejiriruwa’i ema Viya tikaijare

² Nuwara'aware yátupina eta esuapiraina eta Takapika'ukene Ajureka nájureana'i eta akane ena víyara'anaini santu profetana, étapa eta máimiturapiana ema Viákenu Makatiura'ikene, étaichu'iware vímiturapi'i puiti eta eye'e viti apústuleana.

Ignaciano

² Nuvara­havare yátupina eta esuapiraina eta Sagrada Escritura nájureanahi eta acane ena víyara­hanaini santo profetana, étapa eta máimitu­rapiana ema Viáquenu Macatiu­ra­hiquene. Étari­chu­hivare vímitu­rapihi puiti eta eyehe viti apóstoleana.

2 Pedro 3:2 ပူးပေါင်းရင်းမြစ်များ

San Lucas 1:70

Etaipa'i eta juka maikure'avi'i eta akane naye'e ena santo profetanaini:

San Lucas 24:27

Tási'a, mametakawakapa tamutu eta táechejiriruwana'i eta Takapika'ukene Ajureka, eta táechejisi'aira'i ema. Tépanawapa te májureana'i ema víyara'aini Moisés, étapa eta nájureana'i ena apamuriana profetanaini.

San Lucas 24:44

Tási'a, maichawakapa: –Eta juka níchawakenewa'i, étara eta numetaru'e'i kape juka nukachanera'éicha'a. Eta taka'eyare'i eta táitauchirawayare'i eta májuchakeneana'i ema víyara'aini Moisés nuti táechejisi'akene'i. Étapa eta nájuchakeneana'iware ena profetanaini, étapa eta Salmo.

Hechos 10:43

Étaipa eta akane namutu ena profetanaini náechejisi'a'i ema Jesús, ánipa naka'e'i, namutu ena tisuapanaya tikasiñanaya ema Cristo, majapanuyare ema Viya taichavene tamutu eta napekaturana.

Hechos 28:23

Taka'e, náijarechapa eta sache máechejisiraya, te jena sache, títekapanapa ena kamurikeneana israelítana taye'e eta máitekapi'a'i ema Pablo. Tépanawapa te jena yátikara'i téchejika'i, tiámainukawa te kapere'ichichapa títapirikapa eta makametarairuira'i eta mawasa ema Viya akenuka te anuma, máimive'apikapa'i eta máechejikuirapa'i eta Takapika'ukene Ajureka. Máimitukawaka'i ena eta náimatiraya ema Jesús eta émaira'i ema nakuchapakene'i.

Hechos 3:18

Étasera taka'eyare'i eta juka taicha máechejiriruwaichu'i ema Viya nametakasiwa'i ena profetana eta makatajiwairayare'i ema Cristo.

Hechos 3:21

Ema Jesucristo, puiti téjaka'i te anuma. Jarari'iyaresera eta sache eta machavirayare, máetupirikayarewa tamutu. Ánakiapaipa, eta juka mametarapi'i ema Viya naye'e ena maye'eana santu profetanaini eta náimitusirayare ena achaneana.

Gálatas 6:2

Ímikatakaka eta ekatiuchirawaina eta jákani íchararakawana'i, ene taka'e'i eta ítauchira'i eta mawanairipi ema Viákenu Jesucristo, étaipa eta vémunasirakakayare'i.

Efesios 2:20

Eta esiapamuri'avira'i te vimuri, nímikutichaipa te náepiyaka eta ichape peti. Ema Jesucristo, tétavikawa'i eta máetumechira'avi'i vimutu viti. Tási'a, visiapa viti apústuleana énapa ena profetana. Ekuti eta labriyuana étapa eta yukukiana.

Efesios 3:5

Eta juka tayumururewaini'i mapanereru'i ema Viya, nájina náimatiekene'a'ini kape juka tásinekene'i. Puítisera, ema Machanewa Viya tímecha'avipa viti maye'eana santu apústuleana énapa ena profetana.

1 Timoteo 6:14

pítauchayare píti tamutu eta juka nuwanairipiana'i taicha tási'akeneana'i me Viákenu, wa'i pi'apapikaima'i, apaesa takuija táimikajachavi maye'e, tauri eta machimapiravina ema Viákenu Jesucristo te máitekapa te táitauchawapa te jena sácheyare máikutiara'i ema Tata Vikaiyakene.

2 Pedro 2:21

Tiúripanaichu'ipukaini wa'i nakuimati'ini eta táurinakene vé'iru'i, wáchupa náimati'ipa'i eta tiúrina achene, tási'a tínajikawanaicha'aware taye'e eta táurinakene wanairipi najakapakeneni'i.

2 Pedro 3:15

Échawa yátupina eta makuchapira'av'i eta viye'e ema Viákenu, taicha mawara'a'i tikuchuku'a'aviya. Etaichu'íware taka'e'i eta máimiturapi'i ema apana viparape vémunarukene'i Pablo, táichavene'i eta máitupajijiasirawa'i máijararu'i ema Viya.

2 Pedro 3:16

Tamutu eta majureana'i máimiamareruana'i eta eye'e, étaichu'i táechejisi'a'i eta júkana. Jarari'isera tikajera'i eta ekaikutiarairaina'ini. Narari'isera ena tikarawa'uana apaesachicha, vuícha'aware túmewakaima'i eta náe'isira'i. Náekepikaichucha eta táimiturapi eta majure. Na'apapikaware eta táimiturapi'i eta Takapika'ukene Ajureka. Táimikuñakawakayaresera eta na'apapisira'i.

1 Juan 4:6

Vítisera machicha'avi'i ema Viya. Tisamararaka'aviana ena tímatiana ema Viya, énasera ena apamuriana máimatira'ana ema Viya, wa'i tiúrima'i eta nasamira'avi. Etainapa, tímatikareanaya ena máwa'aruana ema Machanewa Viya, énerichuware tímatikareanaya ena máwa'aruana ema wínaraji.

San Judas 1:17

Nuwara'aware némecha'e, eti nuparapenaveana némunarukeneana, eta nametarapi ena víyara'ana apústuleana maye'eana'i ema Viákenu Jesucristo

Apocalipsis 19:10

Népuyukapa te máiwapechakaya ema ángele, nuwara'apa nutsiukayare'ini, émasera máichanupa: “Wa'i pikutsiukanu, taicha núti'ichu'i pikutikenenu'i mawanaranu'i ema Viya, énapa ena pichamuriana'i títauchana'i eta mawanairipiana ema Jesús. Ema Viya, ema tatuparakavi'i pitsiukayare.” Taicha éti'ichu'i vikutikeneana eta vikametarairuira eta máechejiriruwa ema Jesús.