2 Pedro 2:4 - Táurinakene máechejiriruwa’i ema Viya tikaijare

⁴ Nakutiyare ena ángeleana téjekapawana'i, tájina wa'i majapanuwakaima'i ema Viya, makijikawakapa taye'e eta táiñe'ikene yuku távi'a'i eta tamapikukene, tikaiti'ana'i puiti te cadena, te táitekapapa eta ekuñaraki, tiápajukawanainapa eta náikuñayare ena.

Ignaciano

⁴ Nacutiyare ena ángeleana téjeca­pa­vanahi. Tájina vahi maperdo­na­cha­va­caimahi ema Viya. Máquiji­ca­vacapa tayehe eta táiñehiquene infierno távihahi eta timapi­cuquene. Ticaiti­hanahi puiti te cadena. Te táitecapapa eta juicio, tiápaju­ca­va­nainapa eta náicuñayare éna.

2 Pedro 2:4 ပူးပေါင်းရင်းမြစ်များ

San Mateo 25:41

Tási'a ema Rey máichainapa ena tiávi'ana'i te sapane: ‘Évuisi'a te numira'u eti masuapajiraira'ana ekaviurewana'i. Eyana taye'e te yuku, akanewaka'éna eta emuruiraya, máikuchi'i ema wínaraji, tási'a énapa ena majupa'ana maye'eana ángeleana.

San Mateo 8:29

tási'a tipiararekanapa: –¡Wa'i pikuimisiapawa eta viye'e, piti Machichavi'i ema Viya! ¿Pitekapa ani piwara'apa pikuñaka'aviyare? Viti wícha'a viwara'a vikaikuña.

Marcos 5:7

maka'epa eta mapiararesira'i: –¡Wa'i pikuimisiapawa nuye'e, Jesús, Machichavi'i ema Viya! ¡Pájapanunu, wícha'a pikuwanekanu te nukaikuñaiyayare!

San Lucas 10:18

Ema Jesús maichawakapa: –Nunekapira'i eta mákipaisirawa'i ema Wínaraji, takuti'i eta te emarere eta táija'uchirawa'i eta makakijira'i te anuma.

San Lucas 8:31

Énasera yaseuchawanapa maye'e ema Jesús, wa'i makuakijika te taupenakene pusu.

San Juan 8:44

Ema tikachicha'e eti, ema Wínaraji; ema técha'e'i, taicha ewara'a'i íchayare eta máichakeneana ema. Taicha ema, tikapa'i eta máitaresira'i te tépanawainapa. Étachucha maurika tiwayuarereka. Ema, naiya'i ena tépiya'ira'iana.

Romanos 11:21

Taicha ema Viya wa'i majapanu'ini eta naechusira eta tatawa eta yatupikene ulivu, eti apanaware wa'i tijapanu'ema'i eta éjekapirawana.

Romanos 8:32

Eta majapanuira'avi'i ema Viya, wa'i mawayuaka'ini máijararekapa ema Machicha eta nakapasira'i víchavene'i vimutu víti. Tási'a, mavetijinapa eta makatiuchira'aviyare puiti te tamutu eta jákani víchawakenewana.

2 Pedro 2:11

apanasika ena ángeleana tiáviana'i te mamira'u ema Viákenu, wa'i náijarakawa'ini nakajachareka'ini ena wínarajiana, tétavikawa'ineni eta natumewa.

2 Pedro 2:5

Nuwara'a némecha'e naye'e ena machamurianaini ema víyara'aini Noé eta akane, wá'iware májapanuwaka'ini ema Viya táichavene'i eta namasuapajiraiwa'i, makamirikapa eta ichape tikiwa náikuña'i, térikana'i namutu ena nani achaneana, taicha náepuru'i eta máichuirawaka'i ema Noé, táuriwayare'ini eta náitaresirana, ákarichu'i tiúchuku'ana'i ema Noé, esu mayena, énapa ena sáisikeneana machichanaveana.

2 Pedro 2:9

Eta taka'e, ema Viya tétavikawa'i eta makatiuchira'avi puiti, tikuchuku'a'avi eta viatajiwana viti vé'ikana'i ema, taye'e eta viátajiwana, énerichuware yátupi'i matsekaipa eta náikuñayare nákani achaneana masuapajiraira'ana'i.

1 Juan 3:8

Ema ticha'i eta tamaurikeneana tímereuchawaka'i eta machichairawaka'i ema wínaraji. Taicha ema winaraji, ema tinakucha'i, tákenu'i eta pekatu. Eta taka'e, eta maitesira'i ema Machicha ema Viya, makaepa'airayare eta majarareruana'i ema wínaraji.

San Judas 1:13

Ena, nakutiware eta táepakuru'a eta ichape une tétavikawa'i eta tatsiri'akarewa'i eta náichakene'i eta tamaurikeneana. Nakutiware eta jarairikiana tiyejepaikawana. Jarari'isera eta nakaikuñaiyayare eta ichapekene timapiku, máitawakakayare eta nanasirayare.

San Judas 1:6

Éneichuware naka'e'i ena ángeleana enasera wa'i naunakawa'ini taye'e eta nawakureni'i, enasera nanakikapa eta navineni'i, ema Viya maeratakawakaipa taye'e te nakaikuñairare, pajara'inapa eta nauchukuiraina'ini tiamainukawa te taitekapapa eta sache nakayesere'irayare tamutu eta naichakeneana'i tamaurikeneana.

Apocalipsis 20:10

Tási'a ema Wínaraji, ema tiwayuarekaini'i, nakaratakapa náepujukichapa taye'e eta táijurekene yuku, táetiraraisina eta tamuruira, étaipa eta mávi'a'i ema útsutsure, émapa ema Falso Profeta. Tájina nanarasiraima'i, tamutu sacheana yátiana, máichekuarakireya eta nakatajiwairaya.