2 Pedro 2:3 - Táurinakene máechejiriruwa’i ema Viya tikaijare

³ Ena nani, tímituka'eanaya eta náimiturapiana náepiya'iraiwana'i, taicha nawara'a'i títukawana tivereaka'eanainapa eti, taicha tétavikawa'i eta najamurarasira'i eta plata, tájinasera náipuinayare, wa'i táevejuakaima'i eta náikuñayare, taicha akanewakaipa eta takaecheraira'i eta náikuñayare.

Ignaciano

³ Ena nani, tímitu­ca­heanaya eta náimitu­rapiana náepiya­hi­rai­vanahi, taicha navarahahi títucavana tiverea­ca­hea­nainapa éti, taicha tétavi­cavahi eta najamu­ra­ra­sirahi eta plata. Tájinasera náipuinayare, vahi táevejua­caimahi eta náicuñayare. Taicha acane­vacaipa eta tacaeche­rairahi eta náicuñayare.

2 Pedro 2:3 ပူးပေါင်းရင်းမြစ်များ

San Mateo 23:14

“¡Páure'esami eti, escriwánuana tási'a énapa ena fariséuana apimirana!, takutikene naverejikaware eta napenana ena tépenaimana. Tási'a tiúpiemanawa eta nayujarasira. Énasera tiápajukawanaya eta nakaikuñairaya.

San Lucas 18:8

Wa'i jakaini enewaneyare'i jikapa'e, étaipa te táitekapa eta nuchavirayare nuti Manerejirunu'i ema Viya, ¿nuchimapayarecha'apuka ena tikasiñanuanayarecha'a ani te apake'e?”

San Lucas 20:20

Nawanekapa ena apamuriana ajairana tépiyakawanayarepa'i tiúriana'i te mamira'u ema Jesús, nawaraira'i natanukayare eta tímikaviuchayare'i. Énayarepa timetauchanayare'i maye'e ema akenuka ramano.

San Lucas 22:47

Téchejirikawainicha'a ema Jesús, te títekapananecha ena kamurikeneana suntaruana. Máinapumirauchawakapaipa'i ema Júlasi. Témeña'awapa maye'e ema Jesús, máetserarekapa.

San Juan 2:16

Ena tíjararekara'iana eta paluma máichawakapa: –¡Ekuchuka eta júkana! ¡Wa'i etaina íkuchi, eta te juka mapena'i ema Tata!

Romanos 16:18

Érajikawayare eta naye'e, taicha ena wa'i émaina'ini nakaemataneaka'ini ema Viákenu Jesucristo. Énajiwachucha nawara'a tiúrichawana. Tétavikawa'iware eta náitusira'i téchejirikawana. Títive'i eta náechajirisirawa. Étachuchasera nawara'a'i tiwayuarekana te nasamureana ena achaneana tijimuyapanereruana.

2 Corintios 2:17

Virata'asera vítaucha eta vitupara'a'i, taicha víti, eta vikametarairuira, tájina wa'i vikawacharapi eta máechejiriruwa ema Viya, vétupiripikapa'ipukaini, viwarairaina'ini tajamurachakare'ini, tákuti'ini eta náichira ena apamuriana tímijachawana'i yátupikeneana mawaneruana ema Viya. Vítisera yatupikene'avi'i mawanara'avi'i ema Viya; vitupiruwa'i eta vikametarairuira eta máimiturapi ema Cristo.

1 Tesalonicenses 2:5

Écharichu'i eti eta vikayemakeneanapa'i, wa'i vémetserajirikawapa'ini eye'e. Wá'iware étaina vétseraruinapa'ini vivereaka'e'ini eta eplatane. Vitupiruwapa'i eta vikayemakene'i te mamira'u ema Viya.

1 Tesalonicenses 5:3

Te naka'epa ena achaneana: “Viúri'ichucha puiti. Tájina víchirawaima'i”, wa'i tinekapauchawanaima'i eta táitekapauchiraya eta náikuñayare takutiyare esu súkani esena tikajari, tíja'uchawapa tikati eta suju'e eta suínasiraya, ene naka'eyare ena. Tájina najunaiyaima'i.

1 Timoteo 3:3

mákani wa'i tawayuaruina eta térakare. Wá'isera makue'ara'i. Mákani wa'i takuwayuaka eta plata.

1 Timoteo 3:8

Éneichuware, nákani tikawakureya eta diáconokare, takamunu'i tikapika'uanayare eta náitaresira'i, wa'i apipiemanaima'i eta náechejirisirawana, wá'isera tikawa'arasianaima'i, wá'iware tijamurara'ianaima'i.

1 Timoteo 6:5

Tamutu sácheana tikatianarerekana taicha máuripanererura'ana ena, máimatira'ana'i eta yátupikeneana, nawara'a nakawacharapiyare eta naye'e religión, piti wa'i pikupauchawaka ena nani.

Tito 1:11

Pikamatinakayare ena nani, wa'i pikuisapa eta náimitureka eta tamaurikeneana, machu náemejekapawacha ena vichamuriana'i, taicha wa'i táurikakare'ini eta náimiturapiana, ena nani náicha'i eta juka taicha nawara'a'i navereakawaka eta naplataneana.

Tito 1:7

Taicha takamunu matapirawarena nákani pitupararuanayare; taicha ena, tuparairukanayare maye'e ema Viya. Mákani, tímitukakare'i. Mákani, wa'i tisemarairi'i. Wá'iware tawayuaruina eta térakare kawa'arasi. Wá'iware makutanuka eta semanere, wa'iware makujamuracha eta apaye'e.

1 Pedro 2:8

Enaipa enanakana apamuriana: “Etajuka ichape wama'i tási'a etapa eta mari, etainapa eta tiakipaikayare ena masuapajiraira'ana'i.” Ena nakana masuapajiraira'ana enainapa tiakipaikawanayare taichavene wa'i nasuapa'ini eta maechejiriruwa ema Viya: etapa temecharekayare.

1 Pedro 5:2

Tauri eta ejaneasirawakaina namutu ena vichamuriana, taicha ena tímikutijirikawa'i uvesanaina'ini maye'e ema Viya. Ítauchayare eta etuparakasiwa'i. Ema Viya mawara'a'i ewapinawa'ini eta ejaneasirawaka'i. Wá'isera ekupanerecha ekawacha. Ewapinawayaresera eta ekaemataneasirawakaya.

2 Pedro 1:16

Eta vímitusira'e'i, eta machaviraya ema Viákenu Jesucristo, máimeresiraya eta máitupajijiasirawa, wa'i vépiya'ira'ima'i, wá'iware vive'akenéna te vichuti, vímatipa yátupi, taicha víma'a'i te viúki'ana eta majaraiwa'i ema Viákenu.

2 Pedro 2:1

Akane natiari'i'i ena tépiya'ira'iana tímijachawana'i profetana te namuri ena náchukanaveanaini israelítana. Natiari'iyarewa ena tépiya'ira'ianaya, tépiyakawanaya pastoreana eye'e, ena típichasika'eanayare, témejekapawacha'eanaya, apanaya eta náimiturapiana, wa'i émaima'i náechejisi'a ema Viákenu, énajiwa'i tíchawana'i natanuka'i eta náikuñayare, táija'uchirawayare'i eta náemitiekene'airayare.

2 Pedro 2:9

Eta taka'e, ema Viya tétavikawa'i eta makatiuchira'avi puiti, tikuchuku'a'avi eta viatajiwana viti vé'ikana'i ema, taye'e eta viátajiwana, énerichuware yátupi'i matsekaipa eta náikuñayare nákani achaneana masuapajiraira'ana'i.

San Judas 1:11

¡Páureanasami ena nani!, taicha naikutipa'i ema Caín. Eta mawaraira makaye'e eta plata taemejekapawachapa, nakutiware ema Balaam émapa ema Coré, tepenana'i taichavene eta namasuapajiraiwa.

San Judas 1:15

Jarajapainapa eta ekuñaraki naye'eya namutu ena tichana'i eta tamaurikeneana, kaikuñanayare namutu ena kapekaturana'i.”

San Judas 1:16

Ena nakana achaneana namutu techejijiakawana, napanararacha'i namutu, enachucha nawara'a titauchawa eta nawara'akeneana, suapawana eta naechejisira.

San Judas 1:4

Neñamawa'i taicha natiari'i ena tiwayuara'iana eye'e eti, ena naka'e'i ema Jesucristo wa'i mákarichu'ini viákenuina'ini, wa'i wikusuapa. Taicha naemeña'a'i eta maemunasira'avi ema Viya, naimijachapa wa'i tikuñaka'avima'i eta vichira eta tamaurikeneana, taicha eta titukakare ani taka'e, namutu ena achaneana kaikuñawakaya ena masuapajiraira'ana.

San Judas 1:7

Takutinasi eta náichararakawa'i ena achaneana tikawasanaini te apinakene awasare Sodoma étapa eta Gomorra, étapa eta awasarechichana te tachakayana'i, tijararekawanapa tu'usianapa, tisapawanapa naicha eta tamaurikeneana, taitusiawa tikatajiwanapa taye'e eta taijurekene yuku, taka'e puiti vechapawaya vimutu.